ඉංජිනේරු තාක්ෂණවේදය හැදින්වීම -1 කොටස.


"පවත්නා හෝ මතු විය හැකි තාත්වික ගැටලුවලට මානව යහපත සැලසෙන ලෙස විසදුම් ලබා දීමේ ඉංජිනේරු ශිල්පය ඇතුලත් ක්‍රියාවලිය" ඉංජිනේරු තාක්ෂණවේදය ලෙස සරලව අර්ථකථනය කළ හැකිය.

තාක්ෂණවේදයේ විකාශය

තාක්ෂණවේදයේ විකාශය යනුවෙන් හදුනවන්නේ අතීතයේ පටන් තාක්ෂණයේ සිදුව ඇති ක්‍රමික වෙනස්වීමයි.

ප්‍රාග් ඓතිහාසික යුගයේදී සතුන් දඩයම් කිරීම ආහාර සපයා ගැනීම ආදී අවශ්‍යතා කිහිපයක් සදහා තාක්ෂණවේදය  යොදාගත්තද වර්තමානය වන විට දෛනික ජීවිතයේ බොහෝමයක් අවශ්‍යතා හා උවමනා ඉටු කරගැනීමට තාක්ෂණවේදය ඉවහල් කරගනී.

ඈත අතීතයේ පටන් අද දක්වා වූ කාලය ,තාක්ෂණයේ භාවිතයන් හා සංසංස්කෘතික පරිවර්තනයන් පදනම් කරගනිමින් විවිධ යුගවලට වෙන්කරනු ලබයි.ඒවා පහත ආකාරයට දැක්විය හැකිය .

  • ගල් යුගය(Stone age)
  • එඩේර යුගය(Pastoral age)
  • කෘෂි කාර්මික යුගය(Agriculture age)
  • කාර්මික යුගය(Industrial age)
  • තොරතුරු තාක්ෂණ යුගය(Information technology age)

මෙම යුගයන් නිශ්චිත කාල පරාසයකට ඇතුලත් කළ නොහැකි ය. එයට හේතුව වන්නේ ලෝකයේ සෑම තැනකම එකම කාලයකදී යුග පරිවර්තනය  සිදු නොවීම සහ යුග පරිවර්තනය  සදහා දීර්ඝ කාලයක්ගතවීමත්‍ ය.එහෙත් එම යුග ආසන්න ලෙස දැක්විය හැකි කාල පරාසයකට ඇතුලත් කළ හැකිය

ගල් යුගය ලෙස හදුන්වන්නේ ගල් කැබලි ,සත්ව ඇට කැබලි හා දැව කොටස් යොදා ගනිමින් සතුන් දඩයම් කරමින් ගල් ගුහා වාසස්ථාන ලෙස භාවිතා කළ වනචාරී යුගයයි.මෙම යුගය ක්‍රි.පූ.6000 ට පමන ඔබ්බෙන් වූ අතීතය ලෙස සැලකිය හැකි අතර ගල් යුගයේ මුල් වකවානුව තුල ගින්දර සොයා ගැනීම සිදු විය.මෙතෙක් දඩයම් කල සතුන් අමුවෙන්ම ආහාරයට ගැනීමේ පුරුද්ද අතහැර සතුන්ගේ මාංශ පුලුස්සා ආහාරයට ගැනීමේ පුරුද්ද ඇති විය.

ගල් යුගය නිමාවීමට පෙරාතුව සත්ත්ව සම් වියලා ,ප්‍රයෝජනයට ගැනීම සදහා තාක්ෂණික ක්‍රම භාවිතයට ගෙන ඇත .එසේම නොපිළිස්සූ මැටි භාජන භාවිතයට ගැනීම ක්‍රි.පූ. 15000 කාලය තුල ඇරඹුනු බවට අනුමාන කෙරේ .ඊට අමතරව මෙම කාල පරිච්ඡේදය තුලදී සංස්කෘතික ලක්ෂණ ක්‍රමයෙන් වෙනස් වීමට භාජනය විය.

ඉන් පසුව එළැඹි එඬේර යුගයේදී සතුන් හීලෑ කරගනිමින් අවශ්‍යතා සදහා යොදා ගැනීම සිදු විය.ආහාරය පිනිස හා ප්‍රවාහන අවශ්‍යතා සදහා සතුන් ඇති කිරීමේ ආරම්භය මෙය විය.එඬේර යුගයට පරිවර්ථනය වීමේ ආරම්භය ක්‍රි.පූ.9000 පමණ තෙක් දිව යයි.එකල තාවකාලික ජනාවාස බිහි වීම ඇරඹිනි.පසුව ක්‍රමයෙන් ජනයා කෘෂිකර්මාන්තයට අවතීර්ණ වූ බව කිව හැකිය.එඬේර යුගය හා කෘෂිකාර්මික යුගය අතර පැහැදිලි යුග පරිවර්ථනයක් දැකිය නොහැකි වෙයි.මෙම යුග දෙක මානව ශිෂ්ටාචාරයේ ආරම්භය ලෙස සැලකිය හැකිය.එවැනි ශිෂ්ඨාචාරවලට උදාහරණ ලෙස මෙසපොටේමියානු ශිෂ්ඨාචාරය ,ඉන්දු නිම්න ශිෂ්ඨාචාරය සහ සුමේරියානු ශ්ෂ්ඨාචාරය දැක්විය හැකිය.

කෘෂිකාර්මික යුගයේ ආරම්භය ලෙස ක්‍රි.පූ. 6000 - 4000 අතර කාල පරිච්ඡේදය  සැලකිය හැකිය.එම යුගය තුල ස්ථීර වාසස්ථාන හා ජනාවාස පිහිටුවා ගැනීම සිදු වූ අතර සරු බිම් තෝරා ගනිමින් ඒවායේ ධාන්‍ය වගා කිරීමත් එළුවන් ,බැටලුවන් ,ඌරන්, හරකුන් වැනි සතුන් ඇති කිරීමත් සිදු විය.මෙම යුගය තුලදී දැවයෙන් තනා ගත් කෘෂි උපකරණ භාවිතයට ගැනීම හා සත්ත්ව අපද්‍රව්‍ය පොහොර ලෙස යොදා ගැනීම මෙන්ම නව වාරි තාක්ෂණික ක්‍රම යොදා ගැනීමද ඇරඹිණි

ක්‍රි.පූ. 4000 පමණ වන විට ලෝකඩ සොයා ගැනීම සිදු විය.එයින් අනතුරුව බොහෝ භාවිතයන් සදහා ලෝකඩ නිර්මාණ ආදේශ විය.තඹ හා ටින් මිශ්‍ර ලෝහ ලෝකඩ ලෙස හදුන්වයි.අනෙකුත් බොහෝ ලෝහවලට වඩා අඩු උෂ්ණත්වයකදී ද්‍රව බවට පත් වීම, ලෝකඩ පලමුව සොයා ගන්නට හේතුවන්නට ඇත.අඩු උෂ්ණත්වයකදී ද්‍රව වීම හා වාත්තු කිරීමට හැකි වීම භාණ්ඩ තැනීමට පහසුවක් විය.

ගොවි නිෂ්පාදන වලට අමතරව වෙනත් කාර්මික නිෂ්පාදන සඳහා අවශ්‍ය තාක්ෂණය හඳුන්වා දීම හා භාවිතය ඇරඹුනු ක්‍රි.ව. 1500 පමන යුගය කාර්මික යුගය ලෙස හදුනා ගත හැකිය.මෙම යුගයට පෙර ලෝකඩ හා යකඩ සොයා ගෙන තිබීම ලෝහ භාණ්ඩ නිෂ්පාදනයට හේතු විය.කාර්මික යුගයට පෙර රෝදය සොයාගෙන තිබූ අතර, රෝද යෙදූ කරත්ත පවා භාවිතයට ගෙන තිබිණි.කාර්මික යුගය තුල රෝද යෙදූ කරත්ත සදහා විවිධ ලෝහ උපාංග එක් ඌ අතර ක්‍රමයෙන් යන්ත්‍ර සූත්‍ර බිහිවීම ඇරඹිණි.ක්‍රි.ව.2000 පමණ වන තෙක් පැවති කාර්මික යුගය තුල බොහෝ නව තාක්ෂණයන් සොයා ගැනීම හා භාවිතය සිදු විය.අභ්‍යවකාශ තරණය පවා සිදු කිරීමට අවශ්‍ය තාක්ෂණික ශිල්පීය ක්‍රම සොයා ගැනුණි.ක්‍රි.ව.1900 න් පමණ පසු සන්නිවේදනයට වඩාත් වැදගත් වන බොහෝ නව තාක්ෂණයන් සොයා ගැනුණි.වර්තමානයේ අප ජීවත් වන තොරතුරු තාක්ෂණ යුගයේ අරාම්භය සදහා එය මහත් පිටිවහලක් විය.අප භාවිත කරන ගුවන්විදුලිය,රූපවාහිනිය,ජංගම දුරකථන,පරිගණක ආදීයේ වර්තමාණ ස්වභාවය හා වසර කිහිපයකට පෙර ස්වභාවය සැසදූ කල සන්නිවේදන ක්ෂේත්‍රයේ ශීඝ්‍ර සංවර්ධනය හදුනා ගත හැකි වෙයි.

මානව ශිෂ්ටාචාරය තුල සිදු වූ නව තාක්ෂණික සොයාගැනීම් මත පදනම්ව යුග වෙන් කළ හැකි ආකාරය හා එම යුග තුළ බිහි වූ නව තාක්ෂණික නිර්මාණ හා භාවිත කිහිපයක් වගුවෙහි දැක්වේ.

 

 

යුගය

කාල පරාසය

යුග පාදක තාක්ෂණික නිර්මාණ හා භාවිත

ගල් යුගය

ක්‍රි.පූ.6000 හෝ ක්‍රි.පූ. 4000 පමණ තෙක්

 

ගින්දර,ගල් ආයුධ,භාණ්ඩ ප්‍රවාහනයට සම් මලු භාවිතය.

ලෝකඩ යුගය

ක්‍රි.පූ.4000 සිට ක්‍රි.පූ.1200 පමණ

 

රෝදය,කෘෂි උපකරණ,සතුන් මඟින් ප්‍රවාහනය,කරත්ත,දුනු හා ලෝහ තුඩු යෙදූ ඊතල

යකඩ යුගය

ක්‍රි.පූ.1200 සිට ක්‍රි.ව.500 පමණ

 

සෑදලය,ආරුක්කු සහිත ගොඩනැගිලි,වානේ අයුධ

මධ්‍ය කාලින යුගය

ක්‍රි.ව.500 සිට ක්‍රි.ව.1450

 

ලෝහ ආයුධ,යකඩ පාවළලු යෙදූ සෑදල,කාලතුවක්කු,රුවල් සහ හබල් නැව්

පුනරුදය / යටත් විජිත යුගය

ක්‍රි.ව.1450 සිට ක්‍රි.ව.1700

 

සුඛෝපභෝගී නැව්,තුවක්කු,වායු බැලූන,යුධ නැව්

කාර්මික විප්ලවය

ක්‍රි.ව.1700 සිට ක්‍රි.ව.1900

 

හුමාල එංජිම,දුම්රිය,සරල විදුලි ධාරාව

ලෝක යුද්ධය(1වන හා 2වන)

ක්‍රි.ව.1900 සිට ක්‍රි.ව.1950

 

මෝටර් රථ,ගුවන් යානය,සබ්මැරීනය,න්‍යෂ්ටික බෝම්බ,යුධ ගුවන් යානා,ගුවන් විදුලි යන්ත්‍රය

නූතන යුගය

ක්‍රි.ව.1950 සිට ක්‍රි.ව.2000

 

පරිගණකය.රොකට්ටුව,අභ්‍යවකාශ යානා,පරිලෝකන තාක්ෂනය (scanning technology),සූර්ය පැනල,අභ්‍යවකාශ ෂටල

අභ්‍යවකාශ තරණ යුගය

ක්‍රි.ව.2000 සිට

ක්ලෝන,නැනෝ නිෂ්පාදන

 

 

මෙම යුග අතරින්, කාර්මික විප්ලවය ලෙස හැදින්වෙන යුගය හා දෙවන ලෝක යුද්ධය පැවති ක්‍රි.ව. 1939 සිට ක්‍රි.ව. 1945 තෙක් වකවානුව විශේෂයෙන් සදහන් කළ යුතුය.අනෙකුත් යුගවලට සාපේක්ෂ ව ඉතා කෙටි කාල වකවානුවක් තුළ තාක්ෂණික සංවර්ධනයේ විශාල ප්‍රගතියක් ඇති වූ බැවිනි…

(තවත් කොටසක් බලපොරොත්තු වන්න)

 





උසස්පෙළ - ඉංජිනේරු_තාක්ෂණවේදය
ඉදිකිරීම් තාක්ෂණවේදය - කොන්ක්‍රීට් භාවිතය [ CONCRETE ]     ( පලමු කොටස )    යකඩ, දැව, ගඩොල් යන ද්‍රව්‍ය යම් ආකාරයකට වැදගත් වනවා සේම කොන්ක්‍රීට් ද ඉදිකිරීම් තාක්ශනයේදී වැදගත් වෙයි. ගොඩනැගිලි ද්‍රව්&zwj...
උසස්පෙළ - ඉංජිනේරු_තාක්ෂණවේදය
ඉංජිනේරු තාක්ෂණවේදය civil short note part 02 ගොඩනැගිලි ඉදිකිරීමේදි බලපානු ලබන සම්මත නීතිරීති ශ්‍රි ලංකාවේ ඉදිකිරීම් කටයුතු සිදු කිරිමෙදි එ සඳහා නීතිරීති වලට යටත්ව සිදුකරනු ලබන සෑම ඉදිකිරිමක්ම කල යුතුය. මේ සඳහා ශ්‍රි ලංකා නාගරීක සංවර්ධන අධිකාරිය මඟින් ව...
උසස්පෙළ - ඉංජිනේරු_තාක්ෂණවේදය
ඉංජිනේරු තාක්ෂණවේදය civil short note part 01 (01) SLS ප්‍රමිති සහතික  සිමෙන්ති  - sls 107,sls1247,sls515,sls1253 දියගැසු හුණු - sls 682 ගොඩනැගිලි හුණු - sls 552 ගඩොල් - sls 39 බ්ලොක් ගල් - sls 855 වානේ කම්බි - sls 26,sls ...
උසස්පෙළ - ඉංජිනේරු_තාක්ෂණවේදය
හැදින්වීම ඈත අතීතයේ සිටම මිනිසා සෑම විටම අලුත් දේ නිෂ්පාදනය කිරීමට උත්සහ කරන අතර නිර්මාණය කර ඇති දෑ නවීකරණය කරනු ලබයි.මෙහිදී සෑම විටම මිනිසාගේ හෝ සමාජයට පවතින ගැටළු වලට විසදුම් ලෙස මෙම නිර්මාණයන් සිදුකරන ආකාරය දැකගත හැකිය.එනම් මිට වසර මිලියන 1.5 කට පමණ පෙර විසු හ...
උසස්පෙළ - ඉංජිනේරු_තාක්ෂණවේදය
ගඩොල් (Brick)             ශ්‍රී ලංකාවේ ඉදිකිරීම් ක්ෂේත්‍රයේදී බහුලව භාවිතා කෙරෙන ගොඩනැගිලි ද්‍රව්‍ය අතුරෙන් ප්‍රධාන තැනක් ගනී.ගංගා,වැව්,ඔයවල් ආශ්‍රිත පහත බිම්වල ගඩොල් තැනීම සදහා සුදුසු...
උසස්පෙළ - ඉංජිනේරු_තාක්ෂණවේදය
"පවත්නා හෝ මතු විය හැකි තාත්වික ගැටලුවලට මානව යහපත සැලසෙන ලෙස විසදුම් ලබා දීමේ ඉංජිනේරු ශිල්පය ඇතුලත් ක්‍රියාවලිය" ඉංජිනේරු තාක්ෂණවේදය ලෙස සරලව අර්ථකථනය කළ හැකිය. තාක්ෂණවේදයේ විකාශය තාක්ෂණවේදයේ විකාශය යනුවෙන් හදුනවන්නේ අතීතයේ පටන් තාක්ෂණයේ සිදුව ඇති ක්‍රමික වෙ...
yhgbg 0000

උසස්පෙළ ඉංජිනේරු තාක්ෂණවේදය

අනෙකුත් ලිපි
සාමාන්‍යපෙළ - නර්තනය (සිංහල)
වන්නම් දහ අට රාග තමයි පවසන්නේ - කවි සිංද කියන්නේ තොන්නන් තරිකිට වන්නන් දහ අට දන්නේ - මේ සැටි පවසන්නේ පලමුව ගාහක වන්නමටයි පවසන්නේ - පිළිවෙළ අහපන්නේ දෙවනුව ...

12-වසර - ජෛව පද්ධති තාක්ෂණවේදය
ශාක ප්රචාරණය ශාක සජිවී නිසා ප්රජනනය මගින් නව පරම්පරා ඇති කරයි.ලිංගික ප්රජනනය මගින් ඇතැම් ශාක පුෂ්පීකරණය ...

උසස්පෙළ - ව්‍යාපාර අධ්‍යයනය
ව්යාපාර ගති ලක්ෂණ 1 විකුණුම් හෝ හුවමාරු වීම් සිදු වීම2 භාණ්ඩ හා සේවා ගනුදෙනු සිදු වීම3 ගනුදෙනු අඛණ්ඩ ව සිදු වීම4 ලාභයෙන් අභිපේ්ර්්රරණය වීම5 අවදානමක් තිබීම6 ...

උසස්පෙළ - ව්‍යාපාර අධ්‍යයනය
ව්යවසායකත්වයේ ප්රවණතා  ගෝලීය ව්යවසායකත්වය සමාජයීය ව්යවසායකත්වය හරිත ව්යවසායකත්වය අභ්යන්තර ව්යවසායකත්වය ගෝලීය ව්යවසායකත්වය ගෝලීය වශයෙන් වෙළෙඳාමේ යෙදීමයි. එනම්, ලෝකයේ කුමන ස්ථානයක සිටිය ද, තාක්ෂණය භාවිතයෙන් ලෝකයේ වෙනත් ඕනෑ ...

12-වසර - ගිණුම්කරණය
යම් ව්යාපාරයක් පිළිබඳ උනන්දුවක් දක්වන පාර්ශව රාශියක් දක්නට ලැබේ. එම පාර්ශවයන්ට තීරණ ගැනීමට එම ව්යාපාරයේ තොරතුරු අවශ්ය වේ. එම පාර්ශවයන්ට අවශ්ය තොරතුරු සන්නිවේදනය කරනු ලබන්නේ ...

7-වසර - ඉතිහාසය
ලෝකයේ පැරණි ශිෂ්ඨාචාර අප ලෝකයේ පැරණි ශිෂ්ඨාචාර බොහොමයක් ඇත නමුත් 7 ශ්රේණිය මෙම පාඩම සදහා එම ශිෂ්ඨාචාර වලින් ප්රධාන ශිෂ්ඨාචාර 2ක් මේ සදහා ඉදිරිපත් කොට ඇත.එනම්, ග්රීක ...

සාමාන්‍යපෙළ - තොරතුරු හා සන්නිවේදන තාක්ෂණය
බහු මාධ්ය තාක්ෂණය යොදා ගනිමින් සරල වෙබ් අඩවි නිර්මාණය 4 වන කොටස HTML (Hyper Text Markup Language) HTML යනු අන්තර්ජාලයේ www (wold wide web) පිටු සැකසීම සඳහා භාවිතා ...

සාමාන්‍යපෙළ - තොරතුරු හා සන්නිවේදන තාක්ෂණය
බහු මාධ්ය තාක්ෂණය යොදා ගනිමින් සරල වෙබ් අඩවි නිර්මාණය 3 වන කොටස මාධ්ය සම්පත් තොරා ගැනීම වෙබ් අඩවියකට ඇතුළත් කිරීම සඳහා විවිධ රූප, ශබ්ද, වීඩියෝ, ...

12-වසර - ජනමාධ්‍ය
සන්නිවේදනයේ මූලිකාංග සන්නිවේදනය තේරුම් ගැනිමටත් එය සාර්ථකව ක්රියාත්මක කිරීමටත් එකි ක්රියාවලියේ අන්තර්ගත මූලිකාංග මොනවාද යන්න පැහැදිලිව අවබෝධ කර ගැනිම අතිශය වැදගත් වූවකි.එසේම එකී අංග ඉහල ගුණත්වයකින් ...

උසස්පෙළ - තොරතුරු හා සන්නිවේදන තාක්ෂණය
ආයුබෝවන් මෙම ලිපිය මගින් මම අද ඔබත් සමග බෙදාගන්න යන්නේ Windows පරිගණක සදහා භාවිතා කල හැකි Screen Recorders ගැනයි. මෙහිදී එම Screen Recorder එක මිලදීගත ...