පසුගිය විභාග සහ අනුමාන බහුවරණ ප්‍රශ්න - 11 කොටස

101. 2GB මතකය (memory) තුල්‍ය (equivalent) වනුයේ,

1. 2048KB
2. 2¹¹ MB
3. 2¹⁰ MB                   
4. 1024MB                 
5. 4096MB

102. සමන් ලඟ බිටු (bits) 10,256 ක ප්‍රමාණයක විද්‍යුත් සමර්පනයක් (presentation) තිබේ. මෙය ආචයනය කිරීම (store) සඳහා භාවිතා කළ හැකි සුවනීය සැනෙලි ධාවකයේ (portable flash drive) අවම ධාරිතාවය වියහැක්කේ,

1. 256 bytes
2. 1KB
3. 1MB                                   
4. 1GB                        
5. 8bits

103. සිසුවකු වදන් සකසන මෘදුකාංගයක්  (Word processing software) භාවිතයෙන් වාර්ථාවක් පිළියෙල කරයි. මෙම වාර්ථාවේ මෘදු පිටපතකට (Soft Copy) මුද්‍රිත පොතක ඇති පින්තූරයක් ඇතුලත් කිරීමට වඩාත්ම සුදුසු උපක්‍රමය (Device) වන්නේ කුමක්ද,

1. යතුරු පුවරුව (Key board)            
2. මූසිකය (Mouse)                               
3. මුද්‍රකය (Printer)                    
4. සුපරීක්ෂකය (Scanner)                                  
5. තීරු කේත කියවනය (Bar Code Reader)

104. පරිගණකයේ පදයක ප්‍රමාණය (word size) ලෙස හැඳින්වනුයේ,

1. මධ්‍ය සැකසුම් ඒකකය සැදී ඇති කුඩාම ඒකකයයි.
2. මධ්‍ය සැකසුම් ඒකකයේ වේගය මැනීමට භාවිතාකරන පදයයි (word).
3. මධ්‍ය සැකසුම් ඒකකයේ ධාරිතාවය මැනීම සඳහා වරක දී ගණනය කිරීම් සඳහා හෝ තැන්පත් කිරීම් සඳහා හෝ භාවිතා කරනු ලබන උපරිම බිටු (bits) ගණනයි.
4. මධ්‍ය සැකසුම් ඒකකයේ තැන්පත් කළ හැකි උපරිම බිටු (bits) ප්‍රමාණයයි.
5. පරිගණකයේ ඝටිකා වේගයයි (Clock Speed).

105. පරිගණකයක් ක්‍රියාත්මක කිරීමේ ක්‍රියාවලිය (booting process) විස්තර කිරීම සඳහා වඩාත් සුදුසු වගන්තිය වනුයේ,

1. ප්‍රධාන මතකයේ සිට ව්‍යවහාරික දත්ත වාරක මතකය වෙත පිටපත් කිරීමේ ක්‍රියාවලියයි.
2. දෘඩ ඩිස්කයේ සිට ව්‍යවහාරික දත්ත ප්‍රධාන මතකයට ප්‍රවේශනය කිරීමේ (loading) ක්‍රියාවලියයි.
3. වාරක මතකයේ සිට මෙහෙයුම් පද්ධතිය ප්‍රධාන මතකය වෙත ප්‍රවේශනයයි.
4. දෘඩ ඩිස්කය, සංයුක්ත ඩිස්කය හෝ නම්‍ය තැටිය වැනි ද්විතීයක ආචයන උපක්‍රමයකින් මෙහෙයුම් පද්ධතිය ප්‍රධාන මතකය වෙත ප්‍රවේශනය කිරීමේ (loading) ක්‍රියාවලියයි.
5. දෘඩ ඩිස්කයේ සිට ව්‍යවහාරික දත්ත වාරක මතකය වෙත ප්‍රවේශනය කිරීමේ (loading) ක්‍රියාවලියයි.

106. ධාරිතාවය 700MB වන සංයුක්ත තැටියක දත්ත මුළුමනින්ම උපස්ථ (backup) කර ගැනීමට යොදාගත යුතු නම්‍ය තැටි ප්‍රමාණය වනුයේ,

1. 600
2. 486
3. 586                         
4. 386                         
5. 286

107. මධ්‍ය සැකසුම් ඒකකයේ (Central Processing Unit - CPU) වේගය විස්තර වන හා එය මනිනු ලබන ඒකකය දැක්වෙන පිළිතුර වනුයේ,

1. තත්පරයකට සිදුකරනු ලබන මෙහෙයුම් සංඛ්‍යාව, (MHz)
2. එක් මෙහෙයුමකදී හැසිරවිය හැකි උපරිම බිටු ප්‍රමාණය, (bits)
3. එක් මෙහෙයුමකදී චිපය තුලට ගමන් කරවිය හැකි උපරිම බිටු ප්‍රමාණයයි, (bits)
4. ආමන්ත්‍රණය කල හැකි මතක ප්‍රමාණයයි, (MB)
5. තත්පරයකට සිදුකරනු ලබන මෙහෙයුම් සංඛ්‍යාව, MB

108. ආචයනය (Storage) හෙවත් දත්ත තැන්පත් කිරීමට හෝ ගබඩා කිරීමට යොදාගන්නා තාක්ෂණික ක්‍රම සඳහා වඩාත් නිවැරදි පිළිතුර වනුයේ,

1. අර්ධ සන්නායක, විද්‍යුත් තාක්ෂණය
2. චුම්භක තාක්ෂණය, ප්‍රකාශ තන්තු තාක්ෂණය
3. අර්ධ සන්නායක, චුම්භක තාක්ෂණය හා ප්‍රකාශ තාක්ෂණය                    
4. චුම්භක තාක්ෂණය, නැනෝ තාක්ෂණය
5. අර්ධ සන්නායක, විද්‍යුත් තාක්ෂණය, චුම්භක තාක්ෂණය

109. පරිගණකයේ ප්‍රාථමික මතකය (Primary Memory / Primary Storage) කොටස් තුනකට බෙදිය හැකිය. ඒවා නම්,

1. ප්‍රාථමික මතකය, ද්වීතීයක මතකය, නෂ්‍ය මතකය
2. සසම්භාවී පිවිසුම් මතකය, පඨන මාත්‍ර මතකය, වාරක මතකය
3. ප්‍රාථමික මතකය, ද්විතීයක මතකය, තෘතීයක මතකය
4. පඨන මාත්‍ර මතකය, සසම්භාවී පිවිසුම් මතකය, නෂ්‍ය මතකය
5. සසම්භාවී පිවිසුම් මතකය, පඨන මාත්‍ර මතකය, ප්‍රධාන මතකය

110. පරිගණක මතකයේ ඇති ගති ලක්ෂණ සැලකිල්ලට ගෙන එය ආකාර දෙකකට බෙදිය හැකි වේ. එනම් නෂ්‍ය මතකය සහ නෂ්‍ය නොවන මතකයයි. මේවා සම්බන්ධයෙන් වැරදි ප්‍රකාශය වනුයේ,

1. නෂ්‍ය මතකයේ (Volatile memory) විශේෂ ලක්ෂණය වනුයේ එහි තැන්පත් කර ඇති දත්ත / තොරතුරු පරිගණකයේ විදුලිය විසන්ධි වීමත් සමගම නැතිවී යයි.
2. සසම්භාවී පිවිසුම් මතකය (RAM) අයත්වනුයේ නෂ්‍ය නොවන (Non –volatile memory) මතකයටයි.
3. සසම්භාවී පිවිසුම් මතකය (RAM) අයත් වනුයේ නෂ්‍ය (Volatile memory) මතකයටයි.
4. නෂ්‍ය නොවන මතකයේ (Non –volatile memory) විශේෂ ලක්ෂණය වනුයේ දත්ත සහ තොරතුරු ස්ථාවරව පවතින අතරම විදුලිය විසන්ධි වීමෙන් ඒවාට කිසිදු බලපෑමක් සිදු නොවේ.
5. පඨන මාත්‍ර මතකය (ROM – Read Only Memory) අයත් වනුයේ නෂ්‍ය නොවන මතක (Non –volatile memory) ආකාරයටය.

විවරණ සහ පිළිතුරු පසු ලිපි මගින් බලාපොරොත්තු වන්න...