පසුගිය විභාග සහ අනුමාන බහුවරණ ප්‍රශ්න - 3 කොටස - උසස්පෙළ තොරතුරු හා සන්නිවේදන තාක්ෂණය

පසුගිය විභාග සහ අනුමාන බහුවරණ ප්‍රශ්න - 3 කොටස

21. වෛද්‍යවරයෙකු පැය 5 ක් පුරා උණ රෝගියෙකුගේ උශ්ණත්වය අධීක්ෂණය කරනුයේ,   

  1. පැයකට වාරයක් රෝගියාගේ නළලට අත තබා බැලීමෙන්ය.
  2. පැයකට වරක් උණ තත්වය කෙසේදැයි රෝගියාගෙන් විමසීමෙන්ය.
  3. පැයකට වරක් උශ්ණත්වමානයකින් කියවනු ලබන පාඨාංක භාවිතයෙන් ප්‍රස්ථාරයක් ඇඳීමෙන්ය.

වෛද්‍යවරයාට රෝගියාගේ උණ තත්වය පිළිබඳ තොරතුරක් කබාගත හැක්කේ ඉහත සඳහන් කවරකින්ද,   

  1. a මගිනි                                            
  2. b මගිනි                                            
  3. c මගිනි                    
  4. a, b, c මගිනි                                     
  5. ඉහත කිසිවක් නොවේ.

 

22. කාර්යාලීය ආපන ශාලාවක කළමනාකාරීත්වය, තම ගනුදෙනු කරුවන්ට වඩා හොඳ සේවාවක් ලබා දීමට අදහස් කරයි. මෙහි පළමු පියවර වශයෙන් දිවා ආහාර වේලක් දී සියළුම දෙනාට ආහාර සැපයීම සඳහා කොපමන කාලයක් එය විවෘතව තැබිය යුතුද යන්න සොයා ගැනීමට ඔවුනට අවශ්‍ය වේ. මේ සම්බන්ධයෙන් අදාල මෘදුකාංග සමග පහත සඳහන් දත්ත පරිගණකයට ආදාන කිරීමට ඔවුන් බලාපොරොත්තු වේ.    

  1. දිවා ආහාර වේලාවේදී ආපන ශාලාව භාවිතා කරන ගනුදෙනු කරුවන් ගණන
  2. මුදල් අයකැමි වරුන් ගණන
  3. ගණුදෙනු කරුවකු පෝලිමේ රැඳී සිටින්නාවූ සාමාන්‍ය කාලය

ඉහත සඳහන් ඒවා අතුරින් පරිගණකයට ආදානය කළ යුත්තේ කවර ඒවාද,

  1. a හා b                                             
  2. a හා c                                                          
  3. b හා c          
  4. a, b , c                                             
  5. ඉහත කිසිවක් නොවේ.

 

23. ප්‍රති වෛරස් (Antivirus) වැඩසටහන් සම්බන්ධයෙන් වඩාත්ම නිවැරදි ප්‍රකාශය වනුයේ,

  1. පරිගණක වෛරස නිර්මානය කිරීම සඳහා යොදා ගන්නා වැඩසටහනකි.
  2. නිර්මානය කරන ලද වෛරස ව්‍යාප්ත කිරීම (Spread) සඳහා යොදා ගන්නා වැඩසටහනකි.
  3. පරිගණකය තුල ඇති හානි දායක වැඩසටහන් හඳුනාගෙන ඒවා ඉවත් කරන වැඩසටහනකි.
  4. පරිගණකයට හානිදායක වැඩසටහනකි.
  5. ඉහත කිසිවක් නොවේ.

 

24. පරිගණකයක් සඳහා මුරපදයක් (Password) යෙදීමේ අරමුණ වන්නේ,

  1. සෑම අයෙකුටම ඊට පිවිසීමට ඉඩ සැලසීමයි.
  2. ආරක්ෂාව හා ප්‍රවේශය පාලන කිරීම.
  3. සෑම අයෙකුටම සමාන ඉඩ සලසා දීම.
  4. පරිගණකයේ කාර්‍යක්ෂමතාවය ඉහල දැමීම.
  5. පරිගණකයේ තැන්පත් කර ඇති දත්ත සහ තොරතුරු ආරක්ෂා කිරීම සඳහා

 

25. පරිගණකයට දත්ත හෝ උපදෙස් ඇතුළු කිරීම ආදානයයි (Input). ආදානය සම්බන්ධයෙන් සාවද්‍ය ප්‍රකාශය වනුයේ,

  1. පරිගණකයට දත්ත ඇතුළු කිරීම සඳහා යොදාගන්නා උපාංග ආදාන උපාංග නම් වේ.
  2. ආදානය කරනු ලබන දත්ත එහි මතකයේ ගබඩා කළ ක්‍රමලේඛනයක් යටතේ සකසා අර්ථවත් උපදෙස් බවට පත්කෙරේ.
  3. පරිගණකයට ආදානය කළ දත්ත සැකසීමෙන් පසු තොරතුරු ලෙස ප්‍රතිදානය කරයි.
  4. ත්ත සහ උපදෙස් පරිගණකයට ඇතුළු කිරීමට ආකාර දෙකකි. එනම් අත්යුරු ක්‍රමය සහ ස්වයංක්‍රීය ක්‍රමයයි.
  5. යතුරු පුවරුව, මූසිකය, සුපරීක්ෂකය යනු ආදන උපාංග වේ.

 

26. පහත උපාංග අතුරින් ප්‍රතිදාන උපාංගයක් (Output Device) නොවන්නේ,

  1. සංදර්ශකය / පරිගණක තිරය (Monitor)                
  2. සුපරීක්ෂකය (Scanner)                                                   
  3. ශබ්ද විකාශන යන්ත්‍රය (Speaker)
  4. මුද්‍රකය (Printer)                                                         
  5. ප්‍රක්ෂේපන යන්ත්‍රය (Projector)

 

27. පරිගණකයට ස්වයංක්‍රීයව දත්ත ඇතුළු කිරීමට යොදා ගන්නා උපාංගයක් වන්නේ,

  1. යතුරු පුවරුව(Keyboard)                                                  
  2. සංඛ්‍යාංක කැමරාව (Digital Camera)                                     
  3. වෙබ් කැමරාව (Web Camera)
  4. තීරු කේත කියවනය (Bar Code Reader)                                     
  5. මයික්‍රෆෝනය (Microphone)

 

28. තොරතුරු පිළිබඳ ස්වර්ණමය න්‍යාය (The Golden rule of Information) සම්බන්ධයෙන් අසත්‍ය වගන්තිය වන්නේ,

  1. තොරතුරු නිර්මාණය කරන මොහොතේම හෝ ඒවා ලැබෙන මොහොතේම ඒවාට වැඩි වටිනාකමක් ඇත.
  2. කාලය ශුන්‍යයට ආසන්න වන මොහොතේ තොරතුරු වල වටිනාකම උපරිම වේ.
  3. තොරතුරු වල වටිනාකම තීරණය වනුයේ ඒවායේ කාලීන බව මතයි.
  4. කාලය ගත වීමත් සමගම ඒවායේ වටිනාකම අඩු වී අවසානයේ දී ඒවා දත්ත බවට නැවත පත්වේ.
  5. තොරතුරු වල වටිනාකමට එදිරිව කාලය ප්‍රස්ථාරයකින් නිරූපනය කළ හැකිය.

 

29. පරිගණක පද්ධතියක මූලික සංරචකයක් නොවන්නේ,

  1. මෘදුකාංග (Software)                         
  2. රූපාංග (Picture elements)                              
  3. ස්ථිරාංග (Firmware)                           
  4. ජීවාංග (Liveware)                               
  5. දෘඩාංග (Hardware)

 

30. පරිගණක පද්ධතියක මූලික සංරචක සම්බන්ධයෙන් අසත්‍ය ප්‍රකාශය වන්නේ,

  1. දෘඩාංග යනු පරිගණක පද්ධතියක භෞතික උපාංගයි.
  2. යම් අරමුණක් කරා පරිගණක පද්ධතියක් මෙහෙයවීම සඳහා පිළිවෙලකට ලබා දී ඇති උපදෙස් මාලා සමූහයක් මෘදුකාංග නම් වේ.
  3. ස්ථිරාංග යනු පරිගණක පද්ධතියක සමාරම්භය සඳහා මූලිකවම අවශ්‍ය වන ක්‍රමලේඛකයකි.
  4. ස්ථිරාංග පහසුවෙන් වෙනස් කළ හැකි අතරම ජීවාංග වෙනස් කිරීමකට ලක් කළ නොහැක.
  5. පරිගණකයේ අඩංගු පඨන මාත්‍ර මතකය යනු ස්ථිරාංගයකි.



විවරණය සහ පිළිතුරු පසු ලිපි මගින් බලාපොරොත්තු වන්න.