පසුගිය විභාග සහ අනුමාන බහුවරණ ප්‍රශ්න - 9 කොටස - උසස්පෙළ තොරතුරු හා සන්නිවේදන තාක්ෂණය

පසුගිය විභාග සහ අනුමාන බහුවරණ ප්‍රශ්න - 9 කොටස

81. පරිගණක මතක වර්ගයන්ගේ ධාරිතාවය (Capacity) වැඩිවන අනුපිළිවෙල දැක්වෙන පිළිතුර වනුයේ,

  1. රෙජිස්තර ආරාව (Register Array), සසම්භාවී පිවිසුම් මතකය (Random Access Memory), වාරක මතකය (Cache Memory)
  2. රෙජිස්තර ආරාව (Register Array), වාරක මතකය (Cache Memory), සසම්භාවී පිවිසුම් මතකය (Random Access Memory)
  3. වාරක මතකය (Cache Memory), සසම්භාවී පිවිසුම් මතකය (Random Access Memory), රෙජිස්තර ආරාව (Register Array)
  4. වාරක මතකය (Cache Memory) , රෙජිස්තර ආරාව (Register Array), සසම්භාවී පිවිසුම් මතකය (Random Access Memory)
  5. සසම්භාවී පිවිසුම් මතකය (Random Access Memory), වාරක මතකය (Cache Memory), පඨන මාත්‍ර මතකය (Read Only Memory)

 

82. …………………..යනු පරිගණක පද්ධතියක් යම් අරමුණක් කරා මෙහෙයවීම සඳහා පිළිවෙලකට ලබා දී ඇති උපදෙස් මාලා සමූහයකි. ඉහත හිස්තැන පිරවීම සඳහා යොදාගත හැකි වචන ඛණ්ඩය වනුයේ,

  1. දෘඩාංගයක් (Hardware) 
  2. මෘදුකාංගයක් (Software)           
  3. ජීවාංගයක් (Liveware)                 
  4. ස්ථිරාංගයක් (Firmware)                           
  5. රූපාංගයක් (Picture element)

 

83. පද්ධති මෘදුකාංග (System Software) ඒවායේ ක්‍රියාකාරීත්වය අනුව වර්ගීකරණය කළ හැකි ආකාර වන්නේ,

  1. මෙහෙයුම් පද්ධති (Operating Systems), භාෂා පරිවර්තක (Language Translators), එසෙම්බ්ලර් (Assembler)
  2. මෙහෙයුම් පද්ධති (Operating Systems), යෙදුම් මෘදුකාංග (Application Software), එසෙම්බ්ලර් (Assembler)
  3. මෙහෙයුම් පද්ධති (Operating Systems), භාෂා පරිවර්තක (Language Translators), උපයෝගීතා මෘදුකාංග (Utility Software)
  4. භාෂා පරිවර්තක (Language Translators), උපයෝගීතා මෘදුකාංග (Utility Software), එසෙම්බ්ලර් (Assembler)
  5. උපයෝගීතා මෘදුකාංග (Utility Software), එසෙම්බ්ලර් (Assembler), මෙහෙයුම් පද්ධති (Operating Systems)

 

84. මෙහෙයුම් පද්ධති මෘදුකාංග (Operating System Software) සම්බන්ධයෙන් අසත්‍ය ප්‍රකාශය වන්නේ,

  1. පරිගණක දෘඩාංග (Computer Hardware) හා පරිශීලකයා (User) අතර සම්බන්ධතාවය ගොඩනැගීමට උපකාරී වේ.
  2. පරිගණකය ධාවනය කිරීමට අත්‍යවශ්‍යම මෘදුකාංගයයි.
  3. මෙය මත යෙදුම් මෘදුකාංග (Application Software) ධාවනය වේ.
  4. හිමිකම් ආශ්‍රිත මෙහෙයුම් පද්ධති මෘදුකාංග සහ විවෘත මූලාශ්‍ර මෙහෙයුම් පද්ධති මෘදුකාංග අන්තර්ජාලය හරහා නොමිලයේ භාගත කරගත හැකිය.
  5. DOS, Linux, Windows XP, Windows 8, Fedora යනු මෙහෙයුම් පද්ධති මෘදුකාංග වේ.

 

85. උපයෝගීතා මෘදුකාංග (Utility Software) සම්බන්ධයෙන් සත්‍ය ප්‍රකාශය වන්නේ,

  1. මෙම මෘදුකාංග යෙදුම් මෘදුකාංග සමග පරිගණකයට ස්ථාපිත වේ.
  2. මේවා මෙහෙයුම් පද්ධතියත් සමගම පරිගණකයට ස්ථාපිත වේ.
  3. තැටි විභාගීකරණය (Disk Defragmentation) මගින් දෘඩ තැටියේ ඇති ගොනු ස්ථීරව තැන්පත් කිරීම සිදු කරයි.
  4. පරිගණක වැඩසටහන් නිර්මාණය කිරීමේදී අත්‍යවශ්‍ය වේ.
  5. උපයෝගීතා මෘදුකාංග ස්ථාපිත කිරීමෙන් පරිගණකයේ ක්‍රියාකාරිත්වය මන්දගාමී වේ.

 

86. පරිගණක පරිශීලකයෙකුට තම අවශ්‍යතාව ඉටු කරලීම සඳහා පරිගණකය තුළ ක්‍රියාත්මක කළ යුතු මෘදුකාංග හඳුන්වනු ලබන්නේ,

  1. පද්ධති මෘදුකාංග (System softwares) 
  2. මෙහෙයුම් පද්ධති මෘදුකාංග (Operating system softwares) 
  3. උපයෝගීතා මෘදුකාංග (Utility softwares)
  4. යෙදුම් මෘදුකාංග (Application softwares)                     
  5. පරිගණක වැඩසටහන් (Computer programs)

 

87. යෙදුම් මෘදුකාංග (Application Software) වර්ගීකරණය කළ හැකි ආකාරයක් නොවන්නේ,

  1. වදන් සැකසුම් මෘදුකාංග (Word Processing Software)
  2. පැතුරුම්පත් මෘදුකාංග (Spreadsheet Software)
  3. දත්ත සැකසුම් මෘදුකාංග (Data Processing Software) 
  4. දත්ත සමුදාය කළමනාකරණ පද්ධති (Database Management Systems)
  5. විද්‍යුත් ප්‍රදර්ශක මෘදුකාංග (Electronic Presentation Software)

 

88. හිමිකම් ආශ්‍රිත මෘදුකාංග (Proprietary Software) සම්බන්ධයෙන් අසත්‍ය ප්‍රකාශය වන්නේ,

  1. යම් පාර්ශ්වයකට නීත්‍යානුකූලව අයිතියක් ඇති මෘදුකාංගයි.
  2. මේවා සඳහා නීතිමය පදනමක් ඇත.
  3. තෙවන පාර්ශ්වයේ රටවල් සඳහා මෙම මෘදුකාංග භාවිතය වඩාත් සුදුසුවේ.
  4. වෙනත් පුද්ගලයෙකුට මෙම මෘදුකාංග භාවිත කිරීමට, වෙනස් කිරීමට හා බෙදා හැරීමට අවසරය ඇත්තේ අයිතිකරු හා එළඹි එකඟතාවය මත පමණි.
  5. මේවා වෙළඳ පොළෙන් සහ අන්තර්ජාලයෙන් පහසුවෙන් මිලදී ගත හැකිය.

 

89. ආදාන උපාංගයක් (Input Device), ප්‍රතිදාන උපාංගයක් (Output Device) හා ආචයන උපාංගයක් (Storage Device) පිළිවෙලින් දක්වා ඇත්තේ පහත සඳහන් කුමන සංයෝජනයේද,

  1. යතුරු පුවරුව (Keyboard), සුපරීක්ෂකය (Scanner), මූසිකය (Mouse)
  2. සුපරීක්ෂකය (Scanner), මූසිකය (Mouse), යතුරු පුවරුව (Keyboard)
  3. සුසංහිත තැටි (Compact Disk), යතුරු පුවරුව (Keyboard), ප්‍රධාන මතකය (Main Memory)
  4. යතුරු පුවරුව (Keyboard), ස්පීකරය (Speaker), සුසංහිත තැටි (Compact Disk)
  5. මූසිකය (Mouse), සුසංහිත තැටි (Compact Disk), යතුරු පුවරුව (Keyboard)

 

90. විශ්ව විද්‍යාල ශිෂ්‍යයෙක් නිවසේදී තම පුද්ගලික පරිගනකයේ මෙගබයිට් දෙකක (2MB) පමන වූ ව්‍යාපෘතියක් (Project) සකසා ඇත. එය තම කථිකාචාර්ය වරයාට ඉදිරිපත් කිරීම පිණිස ගෙනයාමට අදහස් කරයි. එසේ ගෙනයාමට නම් එය ගබඩා කරගත යුතු වඩාත්ම සුදුසු මාධ්‍ය වන්නේ,

  1. නම්‍ය තැටි (Floppy Disks)                                                                            
  2. දෘඩ තැටි (Hard Disks)
  3. සුනම්‍ය ධාවකය (Data Traveler / USB Pen Drive)                                         
  4. DVD (Digital Versatile Disk)
  5. සංගත තැටිය (Compact Disk)


    විවරණ සහ පිළිතුරු පසු ලිපි මගින් බලාපොරොත්තු වන්න....