6.0 : මෙහෙයුම් පද්ධති - අනුමාන බහුවරණ ප්‍රශ්න 11 කොටස - උසස්පෙළ තොරතුරු හා සන්නිවේදන තාක්ෂණය

6.0 : මෙහෙයුම් පද්ධති - අනුමාන බහුවරණ ප්‍රශ්න 11 කොටස

151. බහුකාර්ය (multipurpose) සහ බහු සැකසුම් (multiprocessing) මෙහෙයුම් පද්ධති (operating systems) නිර්මාණය කිරීමේ දී යොදාගන්නා ප්‍රධානතම සංකල්පයක් ලෙස ................ හැඳින්විය හැකිය. හිස්තැන පිරවීමට යොදාගත හැක්කේ,

1. සන්දර්භ ස්විචය (context switch)                               
2. සකසනයේ උපයෝගීතාවය (processor utilization)     
3. කාල විභජනය (time sharing)                                    
4. නියමකරණය (scheduling)
5. සමගාමී ක්‍රියාත්මකවීම (concurrent execution)

 

152. කාල ඒකකයක් තුළ ක්‍රියාත්මක කොට අවසන් කරනු ලබන ක්‍රියායන (processes) සංඛ්‍යාව හැඳින්වෙනුයේ,

1. සාධිත ප්‍රමාණය (Throughput)                       
2. කාර්ය පූරණ කාලය (Turnaround)                 
3. ප්‍රමාද කාලය (Waiting time)
4. ප්‍රතිචාර කාලය (Response time)        
5. නියමකරණය (Scheduling)

 

153. මහා පරිමාණයෙන් කාණ්ඩ සැකසුම්කරණයේ (batch processing) යෙදෙන සහ විශාල පරිමාණයේ සුපිරි පරිගණක (super computers) යනාදියෙහි ක්‍රියාකාරිත්වයට දායකත්වය ලබා දෙනු ලබන නියමකාරක (scheduler) වර්ගය වන්නේ,

1. දිගු කාලීන නියමකාරක (Long term scheduler)                                  
2. මධ්‍ය කාලීන නියමකාරක (Mid-term scheduler)
3. කෙටි කාලීන නියමකාරක (Short term scheduler)                   
4. ප්‍රවාහකය (Dispatcher)
5. ඉහත කිසිවක් නොවේ.

 

154. ක්‍රියායනයක් (process) සකසනයට ලබා දුන් විට අදාළ ක්‍රියායනය (process) ක්‍රියාත්මකව පවතින කාලය හැඳින්වීමට යොදා ගත හැකි වන්නේ,

1. සාධිත ප්‍රමාණය (Throughput)                       
2. කාර්ය පූරණ කාලය (Turnaround)                
3. ප්‍රමාද කාලය (Waiting time)
4. ප්‍රතිචාර කාලය (Response time)        
5. නියමකරණය (Scheduling)

 

155. ක්‍රියායන (processes) යම් අනුපිළිවෙළකට සකසනයන්ට (processers) යොමුකරවීමේ වැඩපිළිවෙලක් පරිගණක මෙහෙයුම් පද්ධතිය (operating system) මගින් ක්‍රියාත්මක කෙරේ. මෙම වැඩ පිළිවෙල හඳුන්වනු ලබන්නේ,

1. සාධිත ප්‍රමාණය (Throughput)                       
2. කාර්ය පූරණ කාලය (Turnaround)                 
3. ප්‍රමාද කාලය (Waiting time)
4. ප්‍රතිචාර කාලය (Response time)        
5. නියමකරණය (Scheduling)

 

156. ප්‍රවේශ නියමකාරක (Admission scheduler) හෝ ඉහළ මට්ටමේ නියමකාරක (High-level scheduler) ලෙසින් හඳුන්වනු ලබන නියමකාරකය වන්නේ,

1. දිගු කාලීන නියමකාරක (Long term scheduler)                                  
2. මධ්‍ය කාලීන නියමකාරක (Mid-term scheduler)
3. කෙටි කාලීන නියමකාරක (Short term scheduler)                   
4. ප්‍රවාහකය (Dispatcher)
5. ඉහත කිසිවක් නොවේ.

 

157. දිගු කාලීන නියමකාරක (Long term scheduler) සම්බන්ධයෙන් අසත්‍ය ප්‍රකාශය වනුයේ,

1. සූදානම් තත්ත්ව (waiting / ready state) පෙළ ගැස්වීමට ඇතුළත් කළ යුත්තේ කුමන ක්‍රියායනයද (process) යන්න තීරණය කරනු ලබන්නේ දිගු කාලීන නියමකාරක මගිනි.
2. කුමන ක්‍රියායනය (process) පද්ධතියේ ක්‍රියාත්මක විය යුතු ද යන්න තීරණය කරනු ලබයි.
3. එක දිගට ක්‍රියාත්මක විය යුතු ක්‍රියායනයන් ප්‍රමාණයෙන් විශාල වියයුතු ද කුඩා විය යුතු ද යන්න ද තීරණය කරයි.
4. ක්‍රියායන ප්‍රධාන මතකය (main memory) හා අතත්‍ය මතකය (virtual memory) අතර මාරු කරවීම සිදුවේ.
5. මෙම වර්ගයේ නියමකාරක මහා පරිමාණයෙන් කාණ්ඩ සැකසුම්කරණයේ (batch processing) යෙදෙන සහ විශාල පරිමාණයේ සුපිරි පරිගණක (super computers) වල භාවිතා කරයි.

 

158. ක්‍රියායන (processes), ප්‍රධාන මතකය (main memory) හා අතත්‍ය මතකය (virtual memory) අතර මාරු කරවීම සිදුකරනු ලබන නියමකාරකය (scheduler) හඳුන්වනු ලබන්නේ,

1. දිගු කාලීන නියමකාරක (Long term scheduler)                                  
2. මධ්‍ය කාලීන නියමකාරක (Mid-term scheduler)
3. කෙටි කාලීන නියමකාරක (Short term scheduler)                   
4. ප්‍රවාහකය (Dispatcher)
5. ඉහත කිසිවක් නොවේ.

 

159. ක්‍රියායන (processes), ප්‍රධාන මතකය (main memory) හා අතත්‍ය මතකය (virtual memory) අතර මාරු කරවීමේ ක්‍රියාවලිය හඳුන්වනු ලබන්නේ,

1. බහු ක්‍රමලේඛනය (multi programming)                 
2. කාල විභජනය (time sharing)    
3. සන්දර්භ ස්විචය (context switch)
4. නියමකරණය (scheduling)                        
5. ප්‍රතිහරණය (swapping)

 

160. සෑම ක්‍රියායන තත්ත්ව (process states) වෙනස් කිරීමක් සිදුවන අවස්ථාවකදී ක්‍රියාත්මක වන ඉතාමත් වේගවත් නියමකාරකය  (scheduler) හඳුන්වනු ලබන්නේ,

1. දිගු කාලීන නියමකාරක (Long term scheduler)                                  
2. මධ්‍ය කාලීන නියමකාරක (Mid-term scheduler)
3. කෙටි කාලීන නියමකාරක (Short term scheduler)                   
4. ප්‍රවාහකය (Dispatcher)
5. ඉහත කිසිවක් නොවේ.

 

161. එක් ක්‍රියායනයක් (process) නවතා වෙනත් ක්‍රියායනයක් (process) ආරම්භ කිරීමට ප්‍රවාහකයට (Dispatcher) ගතවන කාලය හඳුන්වනු ලබන්නේ,

1. සාධිත ප්‍රමාණය (Throughput)                       
2. කාර්ය පූරණ කාලය (Turnaround)                 
3. ප්‍රමාද කාලය (Waiting time)
4. ප්‍රතිචාර කාලය (Response time)        
5. ගුප්ත ප්‍රවාහක කාලය (Dispatcher latency time)

 

162. පරිගණකයේ ප්‍රධාන මතකයේ (main memory) ඇති ඉඩකඩ සීමිත බැවින් විශාල ප්‍රමාණයේ ක්‍රමලේඛ (programs) එකවර මතකය තුළට ප්‍රවේශ කරාත නොහැක. ප්‍රධාන මතකයේ මතක කළමණාකරණය පහසු කර ගැනීම සඳහා බාහිර ආචයන මාධ්‍යයේ (secondary storage device) ඇති දත්ත (data) හෝ ක්‍රමලේඛණ (programs) එකම ප්‍රමාණයේ වූ කුඩා කොටස් වලට වෙන් කිරීමේ ක්‍රියාවලිය හඳුවනු ලබන්නේ,

1. පිටුකරණය (paging)                    
2. අනුරූපකරණය (mapping)                      
3. ක්‍රියායන ආරක්ෂණය (protecting process)
4. කසළ රැස් කිරීම (garbage collection)  
5. කෙටි කාලීන නියමකාරක (Short term scheduler)   

 

163. ක්‍රියායන කළමණාකරණය (process management) පිළිබඳව අසත්‍ය ප්‍රකාශය වන්නේ,

1. ක්‍රියායන කළමණාකරණය සිදුකරනුයේ ක්‍රියායන නියමකාරක (process scheduler) නම් වූ ක්‍රමවේදයකින් වේ.
2. ක්‍රියායන ඒවායේ විවිධ තත්ත්ව වලට පත් කරමින් ඒවා කිසියම් පිළිවෙලකට සකසනයට යවමින් කළමණාකරණය සිදුවේ.
3. මෙහෙයුම් පද්ධති වල ඇති ප්‍රධාන ලක්ෂණයක් වන්නේ ක්‍රියායන නම් වූ උපලේඛ කොටස් යොදා ගැනීමයි.
4. මෙම ක්‍රමවේදය දිගු කාලීන, මධ්‍ය කාලීන සහ කෙටි කාලීන වශයෙන් කොටස් තුනකට බෙදිය හැකිය.
5. ඉහත එක් එක් කොටසේ දී සිදුවන කාර්යය එකිනෙකට සමාන වේ.

 

164. පරිගණක පද්ධතියක මතකය (memory) බෙදා දැක්විය හැකි ප්‍රධාන ආකාර දෙක වන්නේ,

1. සසම්භාවී පිවිසුම් මතකය, පඨන මාත්‍ර මතකය                                      
2. ප්‍රධාන මතකය, සංචිත මතකය
3. සංචිත මතකය 1 මට්ටම, සංචිත මතකය ll මට්ටම                                             
4. අභ්‍යන්තර මතකය, බාහිර මතකය
5. සහායක ආචයනය, ද්විතීයක ආචයනය

 

165. පරිගණකයක අභ්‍යන්තර මතකය (internal memory) ලෙස සළකනු නොලබන මතක වර්ගය වනුයේ,

1. රෙජිස්තර මතකය                              
2. පඨන මාත්‍ර මතකය                            
3. සසම්භාවී පිවිසුම් මතකය
3. සංචිත මතකය 1 මට්ටම                     
5. සංචිත මතකය ll මට්ටම         




විවරණය සහ පිළිතුරු පසු ලිපි මගින් බලාපොරොත්තු වන්න.