වින්ඩෝස් ඩිෆෙන්ඩර් ඇන්ටිවයිරස් වැඩසටහන


වින්ඩෝස් මෙහෙයුම් පද්ධතිය ඉන්ස්ටෝල් කරන විට ඒ සමඟම ඉන්ස්ටෝල් වෙන විශේෂ පරිගණක වැඩසටහනක් තිබේ. වින්ඩෝස් ඩිෆෙන්ඩර් යනු එයයි. වින්ඩෝස් මෙහෙයුම් පද්ධතිය ඇති පරිගණකයක් වයිරස් සහ මැල්වෙයා වැඩසටහන් වලින් ආරක්ෂා කර දෙන්නට සමත් ලොව ඇති හොඳම වැඩසටහන ලෙස මයික්‍රොසොෆ්ට් සමාගම හඳුන්වා දෙන්නේ වින්ඩෝස් ඩිෆෙන්ඩර් ය. මෙහි විස්තර කර ඇත්තේ ඇන්ටිවයිරස් වැඩසටහනක් ඉන්ස්ටෝල් කර පරිගණක ආරක්ෂාව ලබා ගත හැකි සේ වින්ඩෝස් ඩිෆෙන්ඩර් වැඩසටහන භාවිතා කරන ආකාරය ගැනයි.

 

සක්‍රීය කර ගැනීම

වින්ඩෝස් ඩිෆෙන්ඩර් වැඩසටහනේ සැකසුම් කිරීම සඳහා මුලින්ම ඩෙස්ක්ටොප් එක තුළදී තිරයේ දකුණු පස ඉහළ කෙලවර වෙත මවුස් පොයින්ටර් එක ගෙන යා යුතුයි. එවිට ලැබෙන චාම්ස් තුළින් Settings යන්න තෝරා ඒ තුළින් Control Panel යන්න ලබාගත යුතුය. මෙවිට Control Panel වින්ඩෝ එක විවෘත වෙයි. මෙහිදී කන්ට්‍රෝල් පැනල් එක තුළ තිබෙන සියලු අයිකන් එකවර බලා ගැනීම පිණිස ඉහළ දකුණු පස කෙළවරේ තිබෙන View by ඩ්‍රොප්ඩවුන් මෙනු එක තුළින් Large icon යන්න ලබාගත යුතුය. මෙවිට කන්ට්‍රෝල් පැනල් එකෙහි පහළට වෙන්නට Windows Defender අයිකන් එක තිබෙනු පෙනේවි. මේ මත ක්ලික් කළ විට Windows Defender ඇප්ලිකේෂන් වින්ඩෝ එක විවෘත වෙයි. මෙහි ඉහළින් ටැබ් 04ක් තිබේ.

  • ඉන් නිතැතින්ම තේරී තිබෙන්නේ Home නම් ටැබ් එකයි. මෙය සිලෙක්ට් ව ඇති විට පරිගණකය වයිරස් පරික්ෂාවකට ලක් කළ හැක. ඒ සඳහා වම් පසින් තිබෙන Scan option තුළින් අවශ්‍ය ඔප්ෂන් එක තෝරා පහළින් තිබෙන Scan now නම් බට්න් එක ක්ලික් කළ යුතුය.
  • මේ තුළින් Quick යන්න තේරුවහොත් වයිරස් වැනි නරක වැඩසටහන් පරිගණකය තුළ තිබේදැයි ඉක්මනින් පරීක්ෂා කෙරේ. එසේ නොව පරිගණකය සම්පූර්ණයෙන්ම පරීක්ෂා කළ යුත්තේ නම් මේ තුළින් Full යන්න තෝරාගත යුතුය. වින්ඩෝස් ඩිෆෙන්ඩර් වැඩසටහනේ රයල් ටයිම් ප්‍රොටෙක්ෂන් පහසුකම සක්‍රීය කර තිබේ නම් මෙසේ පූර්ණ පරීක්ෂාවක් කළ යුතු නැත. මෙවිට සෑම විටම වයිරස් පිළිබඳව අවදියෙන් සිටින නිසාය.
  • හාඩ් ඩිස්ක් එකෙහි තෝරාගත් පාටිෂන් එකක හෝ ෆෝල්ඩර් එකක හෝ ඇති වයිරස් පරීක්ෂා කිරීමට අවශ්‍ය නම් මේ තුළින් Custom නම් ඔප්ෂන් එක තෝරා ගත යුතුය. එය තෝරා ගෙන Scan now බට්න් එක ක්ලික් කළ විට Windows Defender යන නමින් කුඩා බොක්ස් එකක් විවෘත වෙයි. මෙහි තිබෙන ලිස්ට් බොක්ස් එක තුළින් ස්කෑන් කළ යුතු ඩ්‍රයිව් එක හෝ ෆෝල්ඩර් එක හෝ තොරාදිය යුතුය. ෆෝල්ඩර් එකක් ස්කෑන් කිරීමට තෝරා දෙන්නේ නම් මුලින්ම ෆෝල්ඩර් එක තිබෙන ද්ර්වයිව් එකෙහි නමට ඉදිරියෙන් තිබෙන + ලකුණ සහිත බට්න් එක ක්ලික් කළ යුතුය. එවිට එම ඩ්‍රයිව් එක තුළ තිබෙන සියලු ෆෝල්ඩර් පෙන්වයි. ඒ තුළින් වයිරස් තිබේදැයි ස්කෑන් කළ යුතු ෆෝල්ඩර් එක තෝරා ගත යුතුය. ඉන්පසුව OK බට්න් එක ක්ලික් කළ විට වයිරස් තිබේද යන්න සොයා බලයි.

 

වින්ඩෝස් ඩිෆෙන්ඩර් සෙටිංස්

වින්ඩෝස් ඩිෆෙන්ඩර් වැඩසටහනට අදාළ සැකසුම් කිරීමට Windows Defender ඇප්ලිකේෂන් වින්ඩෝ එක තුළ තිබෙන Settings නම් ටැබ් එක සිලෙක්ට් කළ යුතුය. එවිට තිරයේ වම්පස, සැකසුම් කළ හැකි විවිධ මාතෘකා දැකගන්නට පුළුවන. ඒවාට අදාළ සැකසුම් දැකගත හැකි වෙන්නේ දකුණු පසිනි. මෙහි මුලින්ම තිබෙන්නේ Real-time protection යන්නයි. මෙය තෝරා ඇති විට තිරයේ දකුණුපස Turn on Real-time protection යන්න දැක ගන්නට පුළුවන. මෙහි තිබෙන චෙක් බොක්ස් එක තෝරා මෙය සක්‍රීය කර තිබෙන විට පරිගණකයට නරක වැඩසටහන් පැමිණේ දැයි වින්ඩෝස් ඩිෆෙන්ඩර් වැඩසටහන නිරන්තරයෙන් විමසිල්ලෙන් සිටී. විවිධ වයිරස් ස්කෑන් කිරීම් වලට අදාළ සැකසුම් කිරීමට මේ තුළින් Advance යන්න තෝරා ගත යුතුය. එවිට ඊට අදාළ ඔප්ෂන් කීපයක් තිරයේ දකුණු පසින් දැක ගන්නට පුළුවන. ඒවා පිළිබඳ විස්තර මෙසේය.

  • Scan archieve file - මෙය තෝරා ඇති විට වැඩි වශයෙන් වයිරස් වැඩසටහන්වල ග්‍රහණයට නතු වෙන .zip, .cab, .exe යනාදී මාදිලිවල ෆයිල් ස්කෑන් කරයි.
  • Scan removable drives - මෙය තෝරා ඇති විට ෆ්ලෑෂ් ඩ්‍රයිව්, පෝටබල් හාඩ් ඩිස්ක් වැනි උපකරණ පරිගණකයට සම්බන්ධ කළ විට වයිරස් පරීක්ෂාවකට ලක් කරනු ලබයි.
  • Create a system restore point - මෙය තෝරා ඇති විට ඕනෑම ස්කෑන් කිරීමක් අවසානයේදී හමුවෙන වයිරස්වල බලපෑමට යටත්වූ ෆයිල් මකා දැමීමට පෙර මෙහෙයුම් පද්ධතියේ රීස්ටෝර් පොයින්ට් එකක් සකස් කර ගනී.
  • Allow all users to view the full History results - මෙය තෝරා ඇති විට ස්කෑන් කළ විට හමුවෙන වයිරස්වල බලපෑමට යටත්වූ ෆයිල් පිළිබඳ විස්තර මෙහෙයුම් පද්ධතියේ සෑම යූසර් කෙනෙකුටම දැකගත හැකි සේ සැකසෙයි.

 

පරිගණකයේ වයිරස් ස්කෑන් කිරීමට අදාළ විස්තර බැලීම

වින්ඩෝස් ඩිෆෙන්ඩර් වැඩසටහන මඟින් පරිගණකයේ වයිරස් ස්කෑන් වෙන්නේ කෙසේදැයි යන්න ගැන විස්තර විමසා බැලීමට පුළුවන. ඒ සඳහා Windows Defender ඇප්ලිකේෂන් වින්ඩෝ එක තුළ තිබෙන History නම් ටැබ් එක සිලෙක්ට් කළ යුතුය. දැන් ඒ තුළින් All Detected items නම් ඔප්ෂන් එක තෝරා View Detail නම් බට්න් එක ක්ලික් කළ විට ස්කෑන් වීම වෙන විට හමුවූ වයිරස් සහ වෙනත් මැල්වෙයා වර්ගයේ වැඩසටහන් ගැන විස්තර බලා ගන්නට පුළුවන. එහි ඉදිරියෙන් තිබෙන Action Taken යන්න තුළ එම වයිරස් හෝ මැල්වෙයා වැඩසටහන මකා දමා ඇද්ද යන වග දැක ගැනීමට පුළුවන.

 

වින්ඩෝස් ඩිෆෙන්ඩර් අප්ඩේට් කිරීම

ඕනෑම ඇන්ටි වයිරස් වැඩසටහනකින් නිසි ප්‍රයෝජනය ලබා ගන්නට නම් එය අප්ඩේට් කළ යුතු බව දනිමු. ඒ විදියටම වින්ඩෝස් ඩිෆෙන්ඩර් වැඩසටහන ද අප්ඩේට් කිරීම සඳහා Windows Defender ඇප්ලිකේෂන් වින්ඩෝ එක තුළ තිබෙන Update නම් ටැබ් එක ක්ලික් කළ යුතුය. ඉන් පසුව එහි තිබෙන Update නම් බට්න් එක ක්ලික් කළ විට අප්ඩේට් වීම ඇරඹෙයි.

 

වින්ඩෝස් ඩිෆෙන්ඩර් වැඩසටහන සක්‍රීය කිරීම හෝ අක්‍රීය කිරීම

වින්ඩෝස් මෙහෙයුම් පද්ධතිය ඉන්ස්ටෝල් කිරීමෙන් අනතුරුව වින්ඩෝස් ඩිෆෙන්ඩර් වැඩසටහන ඉබේම සක්‍රීය වෙයි. එහෙත් තමාගේ කැමැත්ත මත එය අක්‍රීය කර තබන්නට වුවත් පුළුවන. එසේ අක්‍රීය කිරීම පිණිස Settings → Administrator යන්න හරහා ගිය විට ලැබෙන Turn on Windows Defender නම් චෙක් බොක්ස් එකෙහි ඇති තේරීම ඉවත් කළ යුතුය. මෙම සැකසුමෙන් පසුව මුලින් කී විදියට කන්ට්‍රෝල් පැනල් එක හරහා වින්ඩෝස් ඩිෆෙන්ඩර් වෙත පිවිසිය නොහැක. මෙසේ අක්‍රීය කළ වින්ඩෝස් ඩිෆෙන්ඩර් වැඩසටහන නැවත සක්‍රීය කරන්නට අවශ්‍ය නම් කන්ට්‍රෝල් පැනල් එක තුළින් Action Center → Security → Virus protection යන්න හරහා ගොස් Turn on now නම් බට්න් එක ක්ලික් කළ යුතුය.

 



3537 0

ලිපිය කියවා ඇති ගණන
3537

ලිපිය බෙදාගන්න
ලිව්වේ : Lahiru
අදාල විෂය : තොරතුරු හා සන්නිවේදන තාක්ෂණය ලියු දිනය : Sun 19 Jul 2015
මෙම ලිපිය කියවා ඇති ගණන : 3537
"තොරතුරු හා සන්නිවේදන තාක්ෂණය" විෂයට අදාල අනෙකුත් ලිපි

අනෙකුත් ලිපි
12-වසර - නාට්‍ය හා රංග කලාව
නාට්ය කලාවේ සීමා නාට්ය කලාව වෙනත් කලා මාධ්යන් හා සැසදීමේදී ඊට අවේනික සීමා රැසක් හදුනා ගත හැකිය. නාට්ය හා කතා කලාව කතා කලාව යන්නෙන් 'නවකතාව','කෙට් ...

12-වසර - රසායන විද්‍යාව
සිදුවන ක්රියාවට අනුව එන්තැල්පි විපර්යාස වර්ග කිරීම 01.සම්මත උත්පාදන එන්තැල්පිය සම්මත අවස්ථාවේ ඇති සංයෝග මවුල එකක් සම්මත අවස්ථාවේ ඇති එහි සංඝටක මූලද්රව්ය වලින් උත්පාදනය කිරීමේදී සිදුවන සිදු ...

13-වසර - ආර්ථික විද්‍යාව
ආර්ථික විද්යාව පිළිබද සාමාන්ය දැනීම් ප්රශ්න මාලාවක් මෙම ලිපිය මගින් ඔබට සැපයේ.මෙය ඔබගේ ආර්ථික විද්යා දැනුම වැඩි කර ගැනීමටත්,කාලීන සාමාන්ය දැනුමවැඩි කර ගැනීමටත් ඉවහල් වන ...

13-වසර - ආර්ථික විද්‍යාව
ආර්ථික විද්යාව පිළිබද සාමාන්ය දැනීම් ප්රශ්න මාලාවක් මෙම ලිපිය මගින් ඔබට සැපයේ.මෙය ඔබගේ ආර්ථික විද්යා දැනුම වැඩි කර ගැනීමටත්,කාලීන සාමාන්ය දැනුමවැඩි කර ගැනීමටත් ඉවහල් වන ...

12-වසර - නාට්‍ය හා රංග කලාව
රංග රිද්මය (Rythem of Acting ) නාට්ය ප්රෙක්ෂක මනසේ"යථාර්ථයේ මායාව"ගොඩනැගීම බහුතරයක් රංගනයන් මගින් සිදු වෙි. රංග රිද්මය ඊට මනා පිටුබලයක් වෙි.රංග රිද්මය අමතන්නේ ප්රේක්ෂක වින්දනයට හා ...

12-වසර - නාට්‍ය හා රංග කලාව
නාට්ය හා රංග කලාවෙි මුලික සංකල්ප ෴ සමාරෝපය (Impersonation ) ක්ෂණික නිරූපණය(Quick portray) අවස්ථා නිරූපණය(Situation portray ) භූමිකා නිරූපණය(Caractor portray) සමාරෝපය (Impersonation ) පවතින සැබෑ යථා ස්වරූපයෙන් බැහැරව වෙනත් අයෙකුගේ ව්ලිසය ...

12-වසර - නාට්‍ය හා රංග කලාව
අනුකරණය(Imitation) අනුකරණය ,ප්රාග් ඓතිහාසික යුගයේ සිට පැවෙතෙන සහජ මානව ක්රියාවලියකි.මිනිසා විද්යාත්මක, තාර්කික චින්තනයෙන් ලෝකය හැසිරවීමට පටන් ගැනීමට පෙර මිත්යාවෙි දැඩිව එල්බ සිට්යේය. ස්වභාවධර්මයේ වස්තූන්ට හා ක්රියාවන්ට ...

12-වසර - නාට්‍ය හා රංග කලාව
නෘත්ත,නෘත්ය,නාට්ය ඉහත සඳහන් නෘත්ත,නෘත්ය,නාට්ය යන මෙි වචන තුන නාට්ය ශාස්ත්රයේ යේදී ඇත්තේ ඊට ආවෙිණික විශේෂ අර්ථ පදනමි කරගෙනය. මෙ⁣ම වචන තුන සංස්කෘත "නෘත්" ධාතුවෙන් ද එසේත් ...

12-වසර - නාට්‍ය හා රංග කලාව
කලාව "කලාව"යන වචනය කවදත් විවිධ මත පළකරනු ලබන පදයකි.පැරණි බ්රාහ්මණ පඬිවරු කලාව,රසාස්වාදය සඳහා හේතුවන බව කීහ. කලාව(Art) යනු 'කුසලතාව'යි. කලාව පිළිබදව අර්ථ නිරූපනයට වෙහෙස වුවෝ ඒ ...

11-වසර - ඉංග්‍රීසි භාෂාව
මුලින්ම කියන්න ඕන මේක මගේ පළවෙනි අධ්යාපනික ලිපිය අධ්යන පොදු සහතික පත්රයේ දී ලකුණු දහයක ප්රශ්නයක් වන ප්රස්තාර විස්තර කිරීම හෙවත් bar graph බොහෝ ළමුන් උනන්දුවක් ...