අ.පො.ස සා.පෙළ 2015 විභාග අත්වැල - ප්‍රශ්න මාලාව 08 - සාමාන්‍යපෙළ තොරතුරු හා සන්නිවේදන තාක්ෂණය

අ.පො.ස සා.පෙළ 2015 විභාග අත්වැල - ප්‍රශ්න මාලාව 08

36. අන්තර්ජාලය (Internet) පිළිබඳව අසත්‍ය වන්නේ පහත සඳහන් කවරක්ද,

  1. එය කිසිවෙකුටවත් අයත් නොවේ                                            
  2. එහි මධ්‍යගත පාලනයක් නොමැත
  3. එය පරිගණක ජාලවල ජාලයකි
  4. එයින් ලබා ගත හැකි සියළුම තොරතුරු අතිශය නිරවද්‍ය තාවයෙන් හා ඉහළ විශ්වාසනීයත්වයකින් යුක්ත වේ.

පිළිතුර : 4

අන්තර්ජාලය (Internet) යනු, එකිනෙකට සම්බන්ධ වූ අතිවිශාල ලෝකව්‍යාප්ත පරිගණක ජාලයකි.අන්තර්ජාලය සඳහා නිවහනක් හෝ ප්‍රධාන පාලක පරිගණකයක් නැත. ඇත්තේ ලොව පුරා, තොරතුරු විශාල ප්‍රමාණයක් සහිත එකට සම්බන්ධ කරන ලද පරිගණක විශාල සංඛ්‍යාවක් පමණි. අන්තර්ජාලයට සම්බන්ධ වීම සඳහා පරිගණකයක් (Computer), සන්නිවේදන මෘදුකාංගයක් (Communication Software ), දුරකථන මාර්ගයක් (Telephone Line), මොඩම් යන්ත්‍රයක් (MODEM) සහ අන්තර්ජාල සේවා සපයන්නෙක් (ISP – Internet Service Provider) අත්‍යවශ්‍ය වේ. අන්තර්ජාලයේ සේවාවන් ලෙස විශ්ව විසිරි වියමන (WWW – World Wide Web ), විද්‍යුත් තැපෑල (E - Mail), ගොනු හුවමාරුව (File Transfer) සහ සජීවී කතා බහ (Online Chat) පෙන්වා දිය හැකිය. විවිධ පුද්ගලයින් විසින් අන්තර්ජාලයට විවිධ සත්‍ය අසත්‍ය කරුණු පුවත් එකතු කල හැකිය. මෙහි පලවන සියල්ලක්ම සත්‍ය කරුණු නොවේ.

 

37. පරිගණකයක් භාවිත කිරීමේදී සෞඛ්‍ය හා ආරක්ෂාව සම්බන්ධයෙන් නිර්දේශ නොකරනු ලබන්නේ පහත දැක්වෙන ඒවායින් කුමක්ද, ( උපුටා ගැනීම : අන්තර්ජාලයෙනි )

  1. අකුණු ඇති විටෙක පරිගණකය භාවිතා කිරීම
  2. ඔබේ මුහුණ පරිගණක තිරයෙන් 45 cm පමන දුරින් තබා ගත යුතු වීම.
  3. දිගු කාලයක් සඳහා පරිගණකය භාවිතා කරන සැම විටම ඔබට ක්‍රමික විවේකයක් (regular breaks) අවශ්‍ය වීම.
  4. පරිගණක කාමරය තුල දුර්වල විදුලි රැහැන් ඇදීම් වලින් හා දුර්වල විද්‍යුත් සම්බන්ධක (poor wiring and electrical connections) යොදා ගැනීමෙන් වැලකීම.

පිළිතුර : 4

සාමාන්‍යයෙන් පරිගණකයක් භාවිතා කිරීමේ දී පරිශීලකයාගේ මුහුණ පරිගණක තිරයේ සිට සෙන්ටිමීටර 45 ක පමණ දුරින් තබා ගත යුතු අතර දිගු වේලා පරිගණකය මගින් කාර්යයන් කිරීමේ දී ක්‍රමික විවේකයක් ගත යුතුවේ. මෙය මානසික ආතතිය සහ දීර්ග වේලා වැඩක නිරත වීමෙන් ඇතිවන තෙහෙට්ටුව මග හරවයි. එමෙන් ම අවට ඇති වස්තූන් දෙස නිතර බැලීමෙන් ද මානසික ඒකාකාරී බව මග හැරී යයි. පරිගණක විද්‍යාගාරයේ දී සිදුවන අනතුරු වළකා ගැනීම සඳහා අවට පරිසරය නිතරම පිරිසිදුව තබා ගත යුතු අතර විද්‍යාගාරය තුල දුර්වල විදුලි රැහැන් ඇදීම් වලින් හා දුර්වල විද්‍යුත් සම්බන්ධක යොදා ගැනීමෙන් වැලකීමට නිතරම වග බලා ගත යුතුවේ. අකුණු ඇති විටක දී විද්‍යුත් උපාංග භාවිතා කිරීම කිසිසේත් නොකළ යුතු දෙයකි.

 

38. පහත සඳහන් ඒවායෙන් තොරතුරු (Information) ඇතුලත් නොවන්නේ කවර එකෙහිද,

  1. කාලගුණ වාර්ථාවක (Weather Report)                                              
  2. කාල සටහනක (Time table)
  3. සුපිරි වෙළඳ සැලක ප්‍රදර්ශනය කරන මිල දර්ශකයක                 
  4. ලේබල් නොකරන ලද ප්‍රස්තාර සටහන් (Charts)

පිළිතුර : 4

තොරතුරු යනු භාවිතා කරන්නාට කිසියම් අර්ථයක් ලබා දෙන ආකාරයට සකස් කරන ලද කරුණු වන අතර තොරතුරු භාවිතයෙන් කිසියම් තීරණයක් හෝ නිගමනයක් ගත හැකිවේ. කාලගුණ විද්‍යා දෙපාර්තුමේන්තුව විසින් නිකුත් කරනු ලබන වාර්ථාවේ අඩංගු වන්නේ තොරතුරකි. කාල සටහනක ද අඩංගු වන්නේ තොරතුරු වේ. එක් එක් දිනයන්ට අදාලව කාලජේද මෙමගින් නිරූපනය කෙරේ. එක් එක් භාණ්ඩයක මිල ඇතුලත් මිල දර්ශනයක අඩංගු වන්නේ ද තොරතුරකි. කාලීන මිල එහි සටහන් කර ඇත. නමුත් ලේබල් නොකරන ලද ප්‍රස්ථාරයක අඩංගු වන්නේ දත්තයි. 

 

39. . ………….. යනු කෙනෙකුගේ අත්ලෙහි තබා ගත හැකි ඉතා කුඩා පරිගණකයකි.

  1. පුද්ගල පරිගණකය (Personal Computer)                               
  2. ලැප්ටොප් පරිගණකය (Laptop Computer)
  3. PDA (Personal Digital Assistant)                                         
  4. මධ්‍ය පරිගණකය (Minicomputer)

පිළිතුර : 3

අත්ල පරිගණක (Palmtop Computers) යනු කෙනෙකුගේ අත්ලෙහි තබා ගෙන යම් කිසි කාර්යයක් සිදු කලහැකි කුඩා වර්ගයේ ක්ෂුද්‍ර පරිගණකයකි. පුද්ගලික සංඛ්‍යාංක සහකරු (PDA – Personal Digital Assistant) ලෙසින් හඳුන්වනු ලබන්නේ ද එයයි.

 

40. පරිගණක යෙදුම් වලදී  CAD අක්නමින් (Acronym) සාමාන්‍යයෙන් හඳුන් වනුයේ,    

  1. පරිගණක උපකාරක ඇඳීම් (Computer Aided Drawing )                     
  2. පරිගණක උපකාරක සැලසුම (Computer Aided Design)
  3. පරිගණක සහ දත්තයි (Computer And Data)
  4. අභිරුචිකරන කෙරුනු යෙදුම් සැලසුමයි (Computerized Application Design )

පිළිතුර : 2

පරිගණක උපකාරක සැලසුම (CAD – Computer Aided Design) යොදා ගනු ලබන්නේ ඉංජිනේරු ශිල්පයේ දී, ගෘහ නිර්මාන ශිල්පයේ දී සහ කර්මාන්තමය කටයුතු සඳහාය. අවසන් නිෂ්පාදනය හෝ නිර්මානය පරිගණකය ඇසුරින් සකසා එහි අඩුපාඩු සහ නිවැරදි කිරීම් සිදු කල හැකි අතර මේ සඳහා වර්ථමානයේ භාවිතා කරනු ලබන්නේ Auto CAD මෘදුකාංගය යි. මේවා භාවිතයෙන් සකසනු ලබන අවසන් නිපයුම් ඉතාමත් ගුණාත්මක බවින් ඉහල ආකාරයට පාරිභෝගිකයා හට ලැබේ.               

 

තවත් කොටසක් බලාපොරොත්තු වන්න.