අ.පො.ස සා.පෙළ 2015 විභාග අත්වැල - ප්‍රශ්න මාලාව 14 - සාමාන්‍යපෙළ තොරතුරු හා සන්නිවේදන තාක්ෂණය

අ.පො.ස සා.පෙළ 2015 විභාග අත්වැල - ප්‍රශ්න මාලාව 14

66. ඉංජිනේරු විද්‍යාවේ දී (Engineering) පරිගණක ආධාරක සැලසුම්කරණය (CAD) යොදා ගනියි. මෙහිදී යොදාගත හැකි මෘදුකාංග (Software) නොවන්නේ,

1. Auto CAD              
2. 3D Max                              
3. Adobe Premier                    
4. Maya

පිළිතුරු: 3

තොරතුරු සන්නිවේදන තාක්ෂණයේ දියුණුවත් සමගම ඉංජිනේරු ක්ෂේත්‍රයේ ද සීග්‍ර දියුණුවක් දක්නට ලැබුණි. පරිගණක ආශ්‍රිත මෙවලම් සහ වැඩසටහන් / මෘදුකාංග යොදා ගනිමින් ඉංජිනේරුවන්ගේ දෛනික කාර්යයන් පහසුවෙන් සිදු කර ගැනීමට සහ කාර්යයක්ෂමව සහ ගුණාත්මක බවින් වැඩි ලෙස සිදු කර ගැනීමට හැකියාව ලැබී ඇත. ඉංජිනේරු නිෂ්පාදන වල මූලික සැලසුම් පරිගණක මෘදුකාංග ඇසුරින් අඳිනු ලබන අතර ම මේවායේ නිමාව අවශ්‍ය ආකාරයට වෙනස් කිරීම ද සිදු කල හැකිවේ. මෙම ක්‍රමවේදය පරිගණක ආධාරක සැලසුම්කරණය (CAD – Computer Aided Design) ලෙසින් හඳුන්වයි. Auto CAD, 3D Max, Maya ආදී මෘදුකාංග යොදා ගනු ලැබේ. Adobe Premier යනු ශ්‍රව්‍ය / දෘශ්‍ය ගොනු සංස්කරණය සඳහා භාවිතා කරනු ලබන ඉතාමත්ම ප්‍රබල මෘදුකාංගයකි.

 

67. ඉංජිනේරු විද්‍යාව (Engineering) සඳහා තොරතුරු සන්නිවේදන තාක්ෂණය (ICT) භාවිතා කළ හැකිය. මෙහිදී භාවිතා කරන CAM යන්නෙහි තේරුම වනුයේ,

1. පරිගණක සහායක වෙළඳාම (Computer Aided Marketing)
2. පරිගණක සහායක කළමනාකරණය (Computer Aided Management)
3. පරිගණක සහායක නිර්මාණය (Computer Aided Manufacturing)
4. පරිගණක සහායක තැනීම (Computer Aided Making)

පිළිතුරු: 3

ඉංජිනේරු විද්‍යාවේ දී තොරතුරු සන්නිවේදන තාක්ෂණය බෙහෙවින් යොදා ගනු ලැබේ. CAM (Computer Aided Manufacturing) යන්නෙන් අදහස් වන්නේ "පරිගණක සහායක නිර්මාණකරනයයි". එනම් පරිගණක ආශ්‍රයෙන් සියළු නිර්මාණකරන කටයුතු සිදු කිරීමයි.

 

68. නූතන පරිගණක වල මූලික සංකල්ප ක්‍රමවත්ව දක්වනු ලැබුවේ,

1. Blacise Pascal                     
2. Charles Babbage                 
3. Ada Lovelance                   
4. Gottfried Leibitz

පිළිතුරු: 2

නූතන පරිගණක වල මූලික සංකල්ප ක්‍රමවත්ව දක්වනු ලැබුවේ "චාල්ස් බැබේජ්" මහතාය. මොහු විසින් ඉදිරිපත් කරන ලද "ඇනලිටිකල් යන්ත්‍රයෙහි" නූතන පරිගණක වල භාවිතා වන ආදානය, ප්‍රතිදානය, ක්‍රියාවලිය සහ දත්ත තැන්පත් කිරීම යන ක්‍රියාකාරකම් සියල්ලම අන්තර්ගත විය. මේ හේතුවෙන් පරිගණකයේ පියා යන විරුධාවලිය "චාල්ස් බැබේජ්" මහතා හට පිරිනැමීය.          

 

69. පන්ච් කාඩ් (Punch card) සංකල්පය මුලින්ම සොයාගනු ඇබුවේ කවුරුන් විසින් ද,

1. Joseph Marie Jacquard       
2. Charles Babbage                 
3. Herman Hollerith                
4. Howard Aiken

පිළිතුරු: 1

එකල සිදුවූ කාර්මීකරණයත් සමගම විවිධ යන්ත්‍ර සූත්‍ර නිර්මාණය වූ අතර ප්‍රංශ ජාතික ජෝෂප් ජැකුවාඩ් (Joseph Jaquard) විසින් ඔහුගේ රෙදි විවීමේ කාර්යය පහසු කර ගැනීමට 1801 දී පමණ යාන්ත්‍රික රෙදි වියන යන්ත්‍රය නිර්මාණය කරන ලදී. මෙහිදී සිදුරු කරන ලද කාඩ් පත් භාවිතා කරමින් රෙදි වල විවිධාකාරයේ රටා නිර්මාණය කිරීමට ජෝෂප් ජැකුවාඩ් සමත් විය. එම නිසා සිදුරුපත් සංකල්පය "ජෝෂප් ජැකුවාඩ්" විසින් ඉදිරිපත් කරන ලදී.

 

70. ට්‍රාන්සිස්ටරය (Transistor) මුල් වරට සොයා ගනු ලැබූ වර්ෂය වනුයේ,

1. 1950                                               
2. 1920                                               
3. 1940                                   
4. 1980

පිළිතුරු: 1

ට්‍රාන්සිස්ටරය මුල්ම වරට සොයා ගනු ලැබුවේ 1947 වර්ෂයේ දී ය. දෙවන පරම්පරාවේ පරිගණක වල ට්‍රාන්සිස්ටර භාවිතා විය. ට්‍රාන්සිස්ටරය යනු අර්ධ සන්නායක උපාංගයක් වන අතර එය වර්ධකයක් ලෙස සහ ස්විචයක් ‍ලෙස භාවිතා කරනු ලැබේ. තවද පරිගණකවල, ජංගම දුරකථන වල සහ අනෙකුත් සියලුම විද්‍යුත් උපකරණ වල භාවිතා වන මූලික විද්‍යුත් පරිපථ උපාංගයක් ලෙසද මෙය සැලකිය හැකිය.

ට්‍රාන්සිස්ටරයේ ඇති ඉක්මන් ක්‍රියාකාරිත්වයත්, නිරචද්‍යතාවයත් නිසා විවිධවූ කාර්යයන් සදභා මෙය යොදා ගනු ලබන අතර උදාහරණ ලෙස ධාරා වර්ධනය,වෝල්ටීයතා වෙනස්කිරීම්, සංඥා සැකසීම සහ දෝළක සැලකිය හැකිය. ට්‍රාන්සිස්ටර තනි ඇසුරුමක ආකාරයෙන් සහ සංගෘහිත පරිපථ වල අභ්‍යන්තර කොටසක් ලෙසද නිර්මාණය කර ඇත. සංගෘහිත පරිපථ වල අභ්‍යන්තරයේ මෙවැනි පරිපථ බිලියන ගණනක් පවතී. (මූලාශ්‍රය: ඇතැම් උපුටා ගැනීම් අන්තර්ජාලයෙන)      

 

තවත් කොටසක් බලාපොරොත්තු වන්න.