Computer Hardware 04
විදුලි සැපයුම් ඒකකය
පරිගණකයකට නිවසක හෝ කාර්යාලයක සාමාන්‍ය විදුලි සැපයුම දරාගත නොහැක. එබැවින් සාමාන්‍ය විදුලි සැපයුමක ධාරිතාව පරිගණකයේ විද්‍යුත් සැපයුම් වලට අවශ්‍ය පරිදි පාලනය කොට පරිගණකයට ලබා දීම සඳහා විදුලි සැපයුම් ඒකකයක් සවි කොට තිබේ. මෙම විදුලි සැපයුම් ඒකකය විසින් පරිගණකයට ලබා දෙන විදුලිය හැසිරවීම නිසි පරිදි සිදු නොවුවහොත් පරිගණකයෙහි ඇති විද්‍යුත් පරිපථ පිළිස්සී යා හැකිය. එබැවින් විදුලි සැපයුම් ඒකකය පරිගණකයට ඉතා වැදගත් කොටසකි.
විදුලි සැපයුමක ප්‍රධාන කාර්යය වන්නේ එම ඒකකයට ලැඛෙන විදුලිය නිසි පරිදි පාලනය කොට පරිගණකයට අවශ්‍ය පරිදි ලබාදීම වේ. පරිගණකයක් පරිභෝජනය කරණු ලබන්නේ ඉතා කුඩා විදුලි බල ප්‍රමාණයකි. පරිගණක විදුලි සැපයුම් යන්ත්‍රයක් 115V – 6A හෝ 230V – 3A ප්‍රමාණයක් ලබා ගන්නා අතර පරිගණකයකට එම විදුලි බල ප්‍රමාණය +5V - -5V සහ +12V - -12V ප්‍රමාණයක් පරිගණකයට ලබා දෙයි. යම් හෙයකින් විදුලි පුවරුවක් නිසි පරිදි ක්‍රියාත්මක නොවුවහොත් එනිසා පරිගණකයේ සියලූම කොටස් දැවී යෑම වුවද සිදු විය හැකිය.
පරිගණකයකයෙහි විදුලි සැපයුම් ඒකකය ප්‍රධාන ආකාර දෙකකට දැකිය හැකිය. මේවා AT හා ATX වශයෙන් හඳුන්වනු ලබයි.
AT වර්ගයේ විදුලි සැපයුම් ඒකකයක් ක්‍රියාත්මක කිරීම සඳහා ස්විචයක් සවි කොට ඇත. එමෙන්ම වයර් හනස්සේ මව් පුවරුවට විදුලි සැපයුම සවි වීමට ඇති වයර් කොටස් දෙකකින් යුක්ත වේ. මේවා නිසි පරිදි සවි නොකලහොත් විදුලිය සැපයු වහාම පරිගණකයේ කොටස් පිලිස්සී යා හැකිය. එබැවින් වර්ණ සංකේත භාවිතයෙන් ඒවා හදුනාගෙන සවි කල යුතුය.
ATX යනු නව තාක‍ෂණයකි. මෙමගින්ද AT Power Unit වලින් සිදු වන කාර්යයම සිදු වේ. එහෙත් තාක‍ෂණයේ වෙනස්කම් දැකිය හැකිය. මෙම වර්ගයේ විදුලි සැපයුමක් ක්‍රියාත්මක වීමට වෙනම ස්විචයක් නැති අතර මව් පුවරුව මගින් ATX විදුලි සැපයුම් ඒකකය ක්‍රියාත්මක කරනු ලබයි. මෙහි වයර් හනස්සේ ඇති Connecter ය එක් ඒකකයක් ලෙස පිහිටුවා ඇත. එමෙන්ම එය සවි කිරිමේදී දෙපසටම සවි කිරිමට නෙහැකි බැවින් වැරදිම් නිසා සිදුවන හානිය අවම වේ.
මෙම වර්ගයේ Power Unit P3 පරිගණක වල භාවිතය අවම වු අතර P3 වලින් පසු නිපදවු පරිගණක වල 100% කම භාවිතා වනුයේ මෙම නව තාක‍ෂණයයි.
මෙම වර්ග දෙකින් කුමන වර්ගයක Power Unit යක් පරිගණකයේ සවි කර තිබුනද ඒවා ක්‍රියා කිරිමේදී විශාල තාප ප්‍රමාණයක් පිට කරනු ලබයි. එසේ නිපදවන තාපය අවට පරිසරයට මුදා හැර යන්ත්‍රයේ ඇති අනෙක් විද්‍යුත් පරිපථ සිසිල්ව තබා ගැනිම සඳහා විදුලි පංකාවක් සවි කර ඇත. විදුලි සැපයුම් ඒකකයක් ක්‍රියාත්මක වන සෑම විටම මෙම පංකාව ක්‍රියාත්මකව පවති.
Power Unit යක මතුවිය හැකි ගැටලූ
Power unit යක ඇති විය හැකි ප්‍රායෝගික ගැටලූවක් වන්නේ
විදුලි සැපයුම අක්‍රිය වීම
විදුලි සැපයුම ක්‍රියාත්මක වුවත් නියමිත ප්‍රමිතින්ට අනුව පරිගණකය වෙත විදුලිය ලබා නොදීම ආදියයි
විදුලි සැපයුම අක්‍රිය වීම
විදුලි සැපයුම් ඒකකයක් අක්‍රිය වුවහොත් පරිගණකය කොහෙත්ම ක්‍රියාත්මක නොවේ. මෙහි ඇති IC, Chips යනාදිය පිළිස්සීම හේතු කොට ගෙන විදුලි සැපයුම් ඒකක අක්‍රිය විය හැකිය. මෙසේ අක්‍රිය වුවහොත් එම කොටස් නැවත සකස් කර හෝ නව ඒකකයක් සවි කරන තෙක් පරිගණකය ක්‍රියාත්මක කල නොහැක.
නියමිත ප්‍රමිතීන්ට අනුව පරිගණකය වෙත විදුලිය ලබා නොදීම
බොහෝ විට විදුලි සැපයුම් ඒකකයක් ඇති වන තවත් ප්‍රයෝගික ගැටලුවක් වන්නේ යන්ත්‍රය වැඩ කරන නමුත් ඉන් ලබාදෙන විදුලිය නියමිත ප්‍රමිතීන්ට අනුව ලබා නොදිමයි. මෙවැනි අවස්ථාවක බොහෝ විට යන්ත්‍රය ක්‍රියාත්මක වනවා දැකිය හැකිය. නමුත් සමහර කොටස් අක්‍රිය වීම හෝ නිසි පරිදි ක්‍රියාත්මක නොවීම දැකිය හැකිය. මෙවැනි ගැටලූ ආධුනිකයෙකුට ක‍ෂණිකව අවබෝධ කර ගැනිමට නොහැකි වේ. මෙවැනි අවස්ථාවකදි වෙනත් Power Unit යක් සවි කර පරිගණකය ක්‍රියාත්මක කර බලා ඉන් පසු විදුලි සැපයුමෙහි නිසි පරිදි විදුලිය ලබා නොදෙන මාර්ග පරික‍ෂා කර ඒවා නිවැරදි කර ගත යුතුය.
විදුලි සැපයුමක එය ක්‍රියාත්මක නොවන කාලය තුල වුවද කිසියම් ප්‍රමාණයක විදුලි බල ප්‍රමාණයක් තැන්පත්ව පවතී. මේ නිසා ඒවා අලූත්වැඩියාව පිළිබඳ පලපුරුද්දක් ඇති අයෙකුට මිස සාමාන්‍ය අයෙකු ගැලවීම අනතුරු දායක වේ.
