Computer Hardware 08
Mouse
මවුස් යනු Pointing Device ගණයට අයත් වන උපකරණයකි. මෙයද පරිගණකයට දත්ත ඇතුල් කිරීමට භාවිතා කරන උපකරණයකි.
Mouse Technology
මවුසය ඇතුලත විද්‍යුත් පරිපථයක් පිහිටුවා තිබේ. කිසියම් සියුම් මතුපිටක් මත මවුසය අතුල්ලන විට එහි පිටුපස ඇති බෝලය කැරකැවේ. මෙහි බෝලය ස්පර්ශ වන සේ ඇති දැති රෝද දෙකකි. තිරස් හා සිරස් අතට ඇති මෙම දැති රෝද දෙක මගින් බෝලය කරකවන විට මවුස් පොයින්ටරය ඇති කණ්ඩාංකය හඳුනා ගැනීම සිදු කරයි. මෙය සිදු කරන්නේ මවුස් විල් දෙක කරකැවෙන විට උපදින විද්‍යුත් ආරෝපණ උරා ගැනීම මගිනි. මවුසය ඉතා වේගවත් උපකරණයක් ලෙස හඳුන්වයි. ඊට හේතු වන්නේ මවුසයට ලබා ගන්නා සංඥා එලෙසම පරිගණකයට යැවෙන බැවිනි.
මවුසය ආශ්‍රිත ගැටලූ
මවුසය කැරකෙන්නේ එහි පිටුපස සවි කර ඇති කුඩා බෝලයක් කැරකැවීම මගිනි. කිසියම් අවස්ථාවක මෙම බෝලය වැලි දුවිලි මත දුවවීම නිසා කඩතොළු ඇතිවුවහොත් එය නිසි ලෙස මවුස් විල් ස්පර්ශ නොකරයි. එසේ වු පසු නිපදවෙන විද්‍යුත් ධාරා පරිගණකයට හඳුනා ගැනීමට අපහසු වේ. වර්තමානය වන විට නම් මෙම කුඩා බෝල සහිත මවුසයන් දැකිය නොහැකි අතර ලේසර් තාක්ෂණය යොදා ගනිමින් බිහිවූ මවුසයන් දක්නට ලැබේ.
පරිගණක වෛරස් යනු
පරිගණක වෛරස් යනුද පරිගණක වැඩසටහනකි. පරිගණකයක එක් වැඩසටහනක කි්‍රයාකාරිත්වය තවත් වැඩසටහනකින් පාලනය කිරිම කල හැකි වීම පරිගණක ලෝකයේ ඇති විශේෂිත ලක‍ෂණයකි. මෙලෙස කිසියම් වැඩසටහනක් අනපේක‍ෂිත ලෙස හසුරුවන තවත් පරිගණක වැඩ සටහනක් පරිගණක වෛරසයකි.
සාමාන්‍ය ජිවිතයේ ඇති වෛරස් තමා විසින්ම සීඝ්‍රයෙන් පැතිර ගොස් මිනිසුන්ට හානි කරනවා මෙන්ම පරිගණක වෛරස්ද පරිගණකයෙහි කොටස් වලට හානි සිදු කරමින් විනාශකාරී ලෙස පැතිරි යයි. මැතකදී පරිගණක බොහෝ ගණනක් රෝගි කරවු වෛරසයක් ලෙස CHI හැඳින්විය හැක.
සජිවි වෛරස් වලට ප්‍රතිකාර ඇතිවා මෙන්ම පරිගණක වෛරස් වලින් ආසාදනය වු කොටස් විශේෂ පරිගණක වැඩසටහනක් මගින් නැවත සකස් කිරිම කල හැකිය. මෙලෙස ප්‍රතිකාර සඳහා භාවිතා කරන වැඩසටහන් Anti-Virus ලෙස හඳුන්වනු ලබයි. ජිවී වෛරස් මගින් ආසාදනයට ලක්වු සමහර අවස්ථාවලදී සුව කල නොහැකි ලෙසම සමහර පරිගණක වෛරස් මගින් ආසාදනය වු සමහර කොටස් නැවත සකස් කල නොහැක.
පරිගණක වෛරස් වල ලක‍ෂණ
- පරිගණකය භාවිතා කරන්නාගේ උපදෙස් වලින් තොරව ක්‍රියාත්මක වේ. තමාගේම පාලනයක් යටතේ එය ක්‍රියාත්මක වේ.
- අනෙක් පරිගණක වැඩසටහන් මත බලපැම් ඇති කර ඒවා වෙනස් කිරිම හා විනාශ කිරිමට ඇති හැකියාව මෙහි ඇති ප්‍රධානතම ක්‍රියාවලියයි.
- වෛරසයක් ඉවත් කලත් ඒවා නැවතත් තමා විසින්ම නැවත නැවත උත්පාදනය විම (Replicate)
පරිගණකය යනු විවිධ පරිගණක වැඩසටහන් මගින් Hardware කොටස් හසුරුවන යන්ත්‍රයක් බැවින් වෛරස් මගින් Software මෙන්ම Hardware කොටස් විනාශ වී යාහැකිය
මිනිසුන් පරිගණක වෛරස් වර්ග ලිවිමේ අරමුණු
වාණිජමය පරමාර්ථ
දෘඩාංග අලෙවි කරුවන් තම Hardware කොටස් වෛරස් මගින් විනාශ කර දමා අලූත් Hardware කොටස් අලෙවි කර ගැනීම. වෛරස් මර්ධන Software විකුණා ගැනීම සඳහා හා විවිධ වැඩසටහන් නිශ්පාදකයින් තම වැඩසටහන් නීති විරෝධී ලෙස අලෙවි කිරීම වැළැක්වීම සඳහා ඒවා Copy කරනු ලබන අවස්ථාවේදී වෛරස් ක්‍රියාකාරී වීමට ලියනු ලබයි.
පර්යේෂණ සඳහා
කිසියම් තම අරමුණක් ඉටු කර ගත හැකිදැයි සොයා බැලිමේ අරමුණ
තරුණ අසහනය
විවිධ තරුණ කොටස් තම අප්‍රසාදය සමාජය වෙත එල්ල කරවිම සඳහා ලියයි
පරිගණක වෛරස් පැතිරෙන ආකාරය
- ආසාධනය වු Floppy Disk මගින්
- නිත්‍යානුකුල නොවන Software CD භාවිතය
- E-Mail මගින්
- අන්තර්ජාලය ඔස්සේ නොමිලේ දෙනු ලබන සමහර වැඩසටහන් මගින්
පරිගණක වෛරස් වර්ග
- Boot Sector Infectors
- File Infectors
- Macro virus
