තාරකා විද්‍යාව ට අත්වැලක් 02
තාරකා විද්‍යාව ට අත්වැලක් ( 02 කොටස )
(මෙම ලිපි පෙළ පාසල් පෙළ පොත් , පුවත් පත් , අතිරේක පොත් හා අන්තර්ජාලය අැසුරින් සැකසුණි.)
පැරණි ගංඟා නිම්න ශිෂ්ටාචාර අතුර සංචාරය කළ අරාබි ජාතිකයෝ එ්වායේ වූ දැනුම සංකලනය කර නූතන තාරකා විද්‍යාව බිහි කළහ .
තාරකා විද්‍යාව අද පවතින තත්ත්වය ට පත්වීම
තාරකා විද්‍යාව අද පවතින තත්ත්වය ට පත්වීම සඳහා බොහෝ කරුණු බලපා අැත. ඉන් කිහිපයක් පහත දැක්වේ.
- ශ්‍රේෂ්ඨ ගණිතඥයෙ කු මෙන් ම දාර්ශනිකයෙකු ද වූ පයිතගරස් පෘතුවිය ගෝලාකාර බව පළමුව ප්‍රකාශ කිරීම
පයිතගරස් යනු ලොව බිහි වූ ශ්‍රේෂ්ඨ ගණිතඥයෙ කු මෙන් ම දාර්ශනිකයෙකු ද විය. සියල්ල ගණිතය තුළින් විග්‍රහ කළ හැකි බව එතුමා විශ්වාස කළේ ය. පෘතුවිය ගෝලාකාර බව පළමුව ගණිතය භාවිතයෙන් ප්‍රකාශ කිරීමේ ගෞරවය මෙතුමා ට හිමිවේ .
- ග්‍රීක දාර්ශනික අැරිස්ටෝටල් විසින් පෘතුවිය ගෝලාකාර බව පළමුව සාක්ෂ්‍ය සහිත ව පෙන්වා දීම
අැරිස්ටෝටල් පෘතුවිය ගෝලාකාර බව ඔප්පු කිරීම ට ප්‍රබල තර්ක දෙකක් යොදා ගත්තේය.
- චන්ද්‍රග්‍රහණයක දී චන්ද්‍රයා මත පෘතුවියේ සෙවණැල්ල වැටෙන බව පෙන්වා දුන් අැරිස්ටෝටල් චන්ද්‍රයා මත පෘතුවියේ සෙවණැල්ල කවාකාර ව වැටෙන බැවින් පෘතුවිය ගෝලාකාර බව පෙන්වා දුන්නේය.
- උත්තර ධ්‍රැව පෙදෙසේ සිටින්නෙකු ට උතුරු තරුව තම හිස ට ඉහළින් පෙනෙන අතර ඊජිප්තුවේ නිරක්ෂයේ සිට බලන්නෙකු ට එය ක්ෂිතිජයේ ඉතා පහළින් දිස් විය. මෙම වෙනස මත පිහිටා අැරිස්ටෝටල් පෘතුවිය ගෝලාකාර බව පෙන්වා දුන්නේය.
- ග්‍රීක ජාතික සැමෝස්ගි අැරිස්ටාකස් විසින් පළමු වරට සූර්ය කේන්ද්‍රීය අාකෘතිය ඉදිරිපත් කිරීම
සූර්ය කේන්ද්‍රීය අාකෘතිය යනු සූර්යයා විශ්වයේ කේන්ද්‍රය බවටත් අන් ග්‍රහ වස්තු සූර්යයා වටා ගමන් කරන බවට ත් පිළි ගැනීමයි. භූ කේන්ද්‍රීය අාකෘතිය ට වඩා මෙය සත්‍යය ට සමීප විය.
- ක්ලොඩියස් ටොලමියස් නම් පුද්ගලයා විසින් අල්මගෙස්ට් නම් කෘතිය රචනා කිරීම
ක්ලොඩියස් ටොලමියස් අැරිස්ටෝටල් ගේ භූ කේන්ද්‍රීය අාකෘතිය පිළි ගත්ත ද ඔහු අල්මගෙස්ට් නම් කෘතිය රචනා කිරීම පසුකාලීන තාරකා විද්‍යාඥයන් ට අත්වැලක් විය.
- පෝලන්ත ජාතික නිකලස් කොපර්නිකස් සිය ග්‍රන්ථයක් මගින් සූර්ය කේන්ද්‍රීය අාකෘතිය වඩාත් ප්‍රබලව ඉදිරිපත් කිරීම
පල්ලියෙන් එල්ලවන තර්ජනවලින් අාරක්ෂා වීම ට ඔහු තම ලේඛනය නිර්නාමිකව ඉදිරිපත් කළේය. නමුත් ඔහු පවසා තිබුණේ ග්‍රහ වස්තු සූර්යයා වටා වෘත්තයක අාකාරය ට ගමන් කරන බව යි.
- ඩෙන්මාර්ක් ජාති්ක ටයිකෝ බ්‍රාහේ විසින් තාරකා අධ්‍යයනය ට විවිධ උපකරණ නිෂ්පාදනය කිරීම
ඩෙන්මාර්ක් ජාති්ක ටයිකෝ බ්‍රාහේ විසින් අැරිස්ටෝටල් ගේ භූ කේන්ද්‍රීය අාකෘතිය පිළි ගත්ත ද ඔහු තාරකා අධ්‍යයනය ට විවිධ උපකරණ නිෂ්පාදනය කිරීමපසුකාලීන තාරකා විද්‍යාඥයන් ට අත්වැලක් විය. ඔහු එකල පැවති තාරකා විද්‍යාත්මක වගු නිවැරදි කිරීමට ද කටයුතු කළේය.
- නූතන තාරකා විද්‍යාවේ පියා ලෙස සැලකෙන ගැලීලියෝ ගැලිලි විසින් දුර දක්නය නිපදවීම
ක්‍රි.ව. 1608 දී ඔ්ලන්ද ජාතික හැන්ස් ලිපර්ෂි විසින් දුර දක්නයක් සාදා අැති බව දැන ගත් ගැලීලියෝ ගැලිලි තමා විසින් ම දුර දක්නයක් නිපදවා එ් තුළින් සූර්යයාගේ ලප අැති බව ,චන්ද්‍රයා මතු පිට කඳු මිටියාවත් අැති බව ,සිකුරු ග්‍රහයාගේ කලා අැති බව ,බ්‍රහස්පති ග්‍රහයාගේ විශාලතම චන්ද්‍රයන් හතර දෙනාගේ පිහිටීම නිරීත්ෂණය කළේය.
