තාරකා විද්‍යාව ට අත්වැලක් ( 07 කොටස )
තාරකා විද්‍යාව ට අත්වැලක් ( 07 කොටස )
(මෙම ලිපි පෙළ පාසල් පෙළ පොත් , පුවත් පත් , අතිරේක පොත් හා අන්තර්ජාලය අැසුරින් සැකසුණි.)
8.වාතය අධික ලෙස දූෂණයට ලක්වීම
රථ වාහනවලින් නිකුත් වන අධික දුම් , කර්මාන්තශාලා වාහනවලින් නිකුත් වන අධික දුම් , ලැව් ගිනි ,වනාන්තර පිළිස්සීම , අපද්‍රව්‍ය පුළුස්සා දැමීම , ගිනි කදු විදාරණය අාදී සාධක නිසා වාතයේ පවිත්‍රතාවය නැති වේ. මේ නිසා මිනිසා ට ශ්වසනය කිරීම ට පිරිසිදු වාතය නොමැති වී යාමේ අවදානම ද මිනිසා අභ්‍යවකාශය තුළ ජනාවාස පිහිටුවීම ට යොමු වීම ට එක් හේතුවකි.
- අභ්‍යවකාශය තුළ වටිනා සම්පත් අැති බව අනාවරණය වීම
අභ්‍යවකාශය තුළ පවතින ග්‍රහක ,ග්‍රහලෝක ,වල්ගාතරු ,කුරු ග්‍රහයින් අාදී විවිධ දෑ තුළ මිනිසා ට වටිනා ඛනිජ සම්පත් වැනි විවිධ ද්‍රව්‍ය අඩංගු බව මේ වන විට අනාවරණය වී තිබේ .බුධ ග්‍රහලොවේ හරය සම්පූර්ණයෙන් ම යකඩ වලින් සැකසී අැති බව අනාවරණය වී අැත. මීට අමතරව රන් ,ප්ලැටිනම් , රිදී අාදී විවිධ මූල ද්‍රව්‍යයන්ගෙන් සෑදී අැති අවකාශ වස්තු පවතින බව සොයාගෙන අැත. නියුට්‍රෝන තාරකාවල හරය තුළ සහ බ්‍රහස්පති ග්‍රහයාගේ හරය තුළ ද දියමන්ති පැවතිය හැකි බව අාතර් සී ක්ලාර්ක් නම් විද්‍යා ප්‍රබන්ධ කරුවා සිය විද්‍යා ප්‍රබන්ධවලින් අවධාරණය කර තිබේ.
- මිනිස තුළ පවතින කුතුහලය හා අාශාව
මිනිසා තුළ ස්වභාවයෙන් ම කුතුහලය සහ අාශාව පවතී. එමගින් මිනිසා ට අභ්‍යවකාශය තුළ ජීවත් වන්නේ කෙසේද යන කුතුහලය අැතිවන අතර එහි ප්‍රතිඵලයක් ලෙස අභ්‍යවකාශය තුළ ජීවත් වීමේ අාශාව අැතිවේ.
- තමා සතු තාක්ෂණික දැනුම ප්රදර්ශනය කිරීමේ අවශ්යතාවය
මේවන විට විවිධ රටවල් අතර අැති වී තිබෙන සීතල යුද්ධයේ ප්‍රතිඵලයක් ලෙස දැන ට ලොව බලවතා වන අැමරිකාව ට වඩා තමා දියුණු බව පෙන් වීම ට බොහෝ රටවල් උත්සාහ දරයි. මේ අනුව තමා ලබා අැති දැනුම ලොව ට ප්රදර්ශනය කිරීම ට විවිධ උත්සාහ දරයි.
- පෘතුවිය අනාගතයේ දිනක විනාශ වී යාම
මිනිසා ගේ අසීමිත පරිසර දූෂණය නිසා හෝ වෙනත් ස්වාභාවික හේතුවක් නිසා හෝ යම් දිනක පෘතුවිය විනාශ වී යා හැකි බව විද්‍යාඥයෝ ප්‍රකාශ කරති.
මෙහි දී පෘතුවිය විනාශ වී යාම සදහා බලපෑ හැකි ස්වාභාවික හේතු බොහොමයකි.
- සූර්යයා විනාශ වී යාම
- ග්‍රහ වස්තුවක් පෘතුවිය හා ගැටීම ( ඩයි නෝසරයන් පෘතුවිය මතින් වද වී යාම ටද මෙම හේතුව බලපා අැති බව පිළි ගැනේ.)
- සුනාමි , භූ කම්පණ වැනි තත්ත්ව (පෘතුවිය විනාශ වී යාම ට එහි ජීවය විනාශ වී යාම ට නම් මේවා අති ප්‍රබල ලෙස අැති විය යුතු ය.)
- දරුණු වසංගත (වෙෙරස වැනි ) පැතිරී යාම
- පෘතුවිය ට වඩා අභ්‍යවකාශයේ සිට අභ්‍යවකාශ ගවෙෂණය පහසු වීම
පෘතුවියේ සිට අභ්‍යවකාශයට රොකටුවක් යැවීමේ දී පෘතුවි ගුරුත්වාකර්ෂණය අභිබවා යාම ට සිදුවන නිසා විශාල ශක්තියක් වැය වේ. නමුතු අභ්‍යවකාශයේ සිට රොකටුවක් යැවීමේ දී මෙම ගැටළුව අැති නොවන නිසා එතරම් ශක්ති හානියකි සිදු නොවේ. මෙය විශාල ශක්තියක් ඉතිරි කරන්නකි .එසේම පෘතුවියෙන් පිටත සිට අභ්‍යවකාශය නිරීක්ෂණය කිරීමේ දී පෘතුවි වායු ගෝලය නිසා සිදුවන වර්තනය වැනි ගැටළු අැති නොවන නිසා මිනිසා අභ්‍යවකාශයෙන් පිට ජනාවාස පිහිටු වීම ට උත්සාහ දරයි.
