තාරකා විද්‍යාව ට අත්වැලක් ( 08කොටස )
තාරකා විද්‍යාව ට අත්වැලක් ( 08කොටස )
(මෙම ලිපි පෙළ පාසල් පෙළ පොත් , පුවත් පත් , අතිරේක පොත් හා අන්තර්ජාලය අැසුරින් සැකසුණි.)
මිනිසා පෘතුවියෙන් පිටත ජනාවාස පිහිටු වීම ට කටයුතු කිරීමේ දී මතුවන ගැටළු
- ශූන්‍ය ගුරුත්වය ට මුහුණ දීම ට සිදු වීම
පෘතුවිය විශාල වස්තුවක් නිසා ස්වාභාවිකව ම එ් මත ගුරුත්වය පවතී. එහෙත් පෘතුවියෙන් පිටත පවතින්නේ ශූන්‍ය ගුරුත්වය තත්ත්වය කි. එනම් අභ්‍යවකාශය තුළ ගුරුත්වයක් නොමැත. කෙසේ වෙතත් කේන්ද්‍ර අපසාරී බලය මගින් කෘත්‍රීම ගුරුත්වය අැති කළ හැකි බව විද්‍යාඥයන් අනාවරණය කරගෙන තිබේ. මෙය පෘතුවියෙන් පිටත ජනාවාස පිහිටු වීම ට මහත් රුකුළක් වනු අැත.
- අභ්‍යවකාශය තුළ අැති විවිධ විකිරණවල බලපෑම්වල ට ලක්වීම
අභ්‍යවකාශය තුළ අැති විවිධ විකිරණ වර්ග පවතී.
- ගුවන් විදුලි තරංග
- සූක්ෂ්ම තරංග
- අධෝරක්ත තරංග
- අාලෝක කිරණ
- පාරජම්බුල කිරණ
- එක්ස් කිරණ
- ගැමා කිරණ
මේ අතරින් පාරජම්බුල කිරණ ,එක්ස් කිරණ,ගැමා කිරණ අාදිය මිනිසා ට අහිතකර ය. නමුත් මෙම කිරණ විද්‍යාගාර තත්ත්ව යටතේ නිපදවා ගැනීම ට හැකිවීම නිසා එම කිරණවලින් අාරක්ෂා වන අාකාරය විද්‍යාඥයන් අනාවරණය කරගෙන තිබේ.
කෙසේ වෙතත් මීටත් වඩා ප්‍රබල විකිරණ වර්ගයක් ලෙස අන්තරීක්ෂ කිරණ අනාවරණය වීමත් එම කිරණ විද්‍යාගාර තත්ත්ව යටතේ නිපදවා ගැනීම ට නොහැකිවීම නිසා එම කිරණවලින් අාරක්ෂා වන අාකාරය විද්‍යාඥයන් හට අනාවරණය කර ගැනීම ට නොහැකි වී අැත.
- අාහාර ලබා ගැනීම අැති අපහසුව
අභ්‍යවකාශය තුළ ජනාවාස පිහිටුවීමේ දී අාහාර ලබා ගැනීම පිළිබද ගැටළුවක් අැති වේ. පෘතුවියේ සිට ජනාවාසය වෙත අාහාර යැවීම කිරීම අපහසු අතර එ් සදහා විශාල මුදලක් හා කාලයක් ගත වේ. මේ නිසා සිදු කළ හැකි සුදුසු ම විසදුම වන්නේ අභ්‍යවකාශය තුළ අාහාර නිපදවා ගැනීම යි. මේ සදහා අැති පහසු ම ක්‍රමය වන්නේ ජනාවාස තුළ ශාක පැළ කිරීමයි. නමුත් මෙහි දී ශාක වගා කරන වගා මාධ්‍යය, අාලෝකය ලබා දෙන අයුරු ,යොදන පොහොර වර්ග පිළිබද ගැටළු මතු වුවු ද මේ වන විටත් ජාත්‍යන්තර අභ්‍යවකාශ මධ්‍යස්ථානය තුළ සාර්ථක ලෙස ශාක වගා කර තිබේ.
- ඔක්සිජන් වැනි වායු නිපදවා ගැනීම ට සිදුවීම
මිනිසාගේ බොහෝ ක්‍රියා සදහා වැදගත් වායුවක් වන ඔක්සිජන් වායුව අභ්‍යවකාශය තුළ නොමැත. එනිස අභ්‍යවකාශය තුළ ජනාවාස පිහිටුවීමේ දී ඔක්සිජන් වැනි වායු නිපදවා ගැනීම ප්‍රධාන ගැටළුවකි. පෘතුවියේ සිට ජනාවාසය වෙත ඔක්සිජන් යැවීම කිරීම අපහසු අතර එ් සදහා විශාල මුදලක් හා කාලයක් ගත වේ. මේ නිසා සිදු කළ හැකි සුදුසු ම විසදුම වන්නේ අභ්‍යවකාශය තුළ ඔක්සිජන් නිපදවා ගැනීම යි. මේ සදහා අැති පහසු ම ක්‍රමය වන්නේ ජනාවාස තුළ ශාක පැළ කිරීමයි. මෙහිදී ශාක ප්‍රභාසංස්ලේෂණයේ අතුරු ඵලයක් ලෙස ඔක්සිජන් වායුව නිපදවා ගත හැකි ය.
මීට අමතර ව ජලය විද්‍යුත් විච්ඡේදනය කිරීම මගින් ද ඔක්සිජන් වායුව නිපදවා ගත හැකි ය.
- විවිධ ග්‍රහ වස්තුවල බලපෑම
අභ්‍යවකාශය තුළ ජනාවාස පිහිටුවීමේ දී ජනාවාසවල පැවැත්ම කෙරෙහි අව ට අැති විවිධ ග්‍රහ වස්තුවල බලපෑම ද සැලකිල්ල ට ගත යුතු ය. එසේ නොවුන විට විධ ග්‍රහ වස්තුවල ගුරුත්වාකර්ෂණයේ බලපෑම නිසා අාදාල ජනාවාසය විනාශ වී යාම ට වුව ද පුළුවන.
