රචනා


      නිර්මාණාත්මක රචනා

  කඳුකර අසිරිය

 

"කඳුකරයේ සීතලේ- මීදුම් සළු පාවෙලා........"

            දෙසවන් පිනා යන ගීයක් මගේ මුවගට නැගේ. ඒ අන් වෙනකක් නිසා නොව කඳුකරයේ අසිරිය විඳ ගැනීමට මා ඇතුළු මගේ යහළු කැල මේ වනවිටත් නික්මී ඇති බැවිනි.  නමුනුකුල නම් වූ ඒ අසිරිමත් සුන්දර කඳුවැටියට අප මේ යන්නේ නැවුම් සතුටු බලාපොරොත්තු ගොන්නක් සිතෙහි පුරවා ගෙන ය. ඉරිමා උදෑසනින් ම කඳු පාමුල වෙත අපි සියල්ලෝ ම අවතීර්ණ වූවෙමු.

            කොළොම් තොට නගරයේ කොන්ක්‍රීට් වනාන්තරයේ දැනුණු උණුසුම් වායු නමුනුකුලට හමා නැත. හාත්පසින් ම ඇදී එන්නේ සිත නලවන, හද පිනවන, ගත සැනසෙන මඳ නල ය. නමුනුකුලට ආගන්තුක වූ අපට එය නුපුරුදු අත්දැකීමකි. එනිසා ලහිලහියේ අපි සැවොම රැගෙන ආ වැහි කබා පැළඳ ගත්තෙමු. ඒත් දැඩි ව දැනුණු සීතල වැහි කබායට යටපත් වූයේ නැත. ඒ සමග අවටින් පැමිණි මීදුම් සළු අපව පොරවා ගත්තේ හිටිහැටියේ ය.ඒ වේලාවේ වලාකුළු අතරට ගියා සේ අපට දැනිණි. හරිම අපූරු අත්දැකීමක් ලබමින් සැවොම ප්‍රීමත්ව කෑ ගැසූවෙමු. නොබො වේලාවකින් මීදුම ක්‍රමයෙන් අපගෙන් ඈත් වූ අතර, සෙමින්-සෙමින් කන්ද   තරණය කිරීමට අපි ආරම්භ කළෙමු.

            සිසිල් සුළඟ අප පිටුපසින් හමා එමින් අපිට තවත් ඉදිරියට යන ලෙස ඉඟි කරයි. ඒ අතර, සුළඟ විසින් රැගෙන ආ වනමල් සුවඳ අපව තවත් ප්‍රබෝධමත් කරවීමට සමත් විය. අපට ඒ ද අමුතු අත්දැකීමකි. වනමල්වල මධු සොයා සැරිසරන බිඟු රළ අප පසු කරමින් කඩිනම් ගමනින් වන රොදට ඇතුළු වනු සුලබව දැකිය හැකි දසුනකි. එපමණ නොවේ. දේදුන්නෙන් වර්ණ ඉල්ලා ගෙන විසිතුරු ඇඳුමින් හැඩවුණු සමනලුන් මෙන් ම සලබයෝ ද අතොරක් නැති ව අප වට කර ගනිමින් රැඟුම් පාන්නට වූහ. සමහරෙකු ඒ දැක සිය කැමරාවලට සටහන් කර ගත්තේ, එය කිසිදා නොදැකිය හැකි තරමේ විචිත්‍රවත් දර්ශනයක් වූ නිසාවෙනි. තවත් පසෙකින්, නිරතුරුව හඬ නගනා කුරුල්ලන්ගේ මිහිරි ගී නාද අපගේ දෙසවන් කුල්මත් කරවී ය.

            මෙලෙස නමුනුකුල කන්දේ අසිරිය විඳ ගනිමින් ඉදිරියට ඇදුණූ අපට ටිකෙන් ටික වැඩිවෙමින් ඇසෙන මහත් ඝෝෂාවක් ඇසෙන්නට විය. එය නගරයෙන් ඇදෙන රිය ඝෝෂාවන් හෝ නලා ශබ්දයන් මෙන් දෙසවනට අමිහිරි නොවී ය. මේ වනයෙන් ඇසුණු ඝෝෂාව අසන්නට අසන්නට ඒ කෙරෙහි සිතත් ගතත් ඇදී යයි. නොබෝ වේලාවකින් ඒ දිය ඇල්ලක ජල කඳෙන් නැගෙන හඬ බව අපට අවබෝධ විය. අප සියල්ලන්ගේ ම පියවර දැන් වේගවත් විය. හැමෝටම දිය ඇල්ල දැක ගැනීමට තිබුණේ පුදුමාකාර නොඉවසිල්ලකි. දැන් දියඇල්ල වෙතට පැමිණ හමාර ය. ඉතා උස් වූ ගල් පර්වතයකින් ඇද හැලෙනා මහා දිය දහරාව තවත් ගලකින් පිළිගෙන එතැනින් නැවතත් ප්‍රපාතයකට ඇද හලයි. මේ නිසා ඇති වී තිබෙන සුන්දරත්වය කියා නිම කළ නොහැකි ය. දිය ඇල්ල අසලට ගිය විට දැනුණේ එකම ජල ඝෝෂාවකි. අපිට කථා කිරීමටවත් දිය ඇලි කොමළිය ඉඩ දුන්නේ නැත. ඇයගේ තේජවන්තභාවය ඉතා චමත්කාරජනකබවක් ඇති කළ නමුදු මහත් බියකරු ගතියක් ද අපගේ සිත තුළ ඇති කළේ ය.

            තවත් හෝරා කිහිපයකින් පසු නමුනුකුල කඳු මුදුනේ පිහිටි ගල් තලාවකට අපි එළඹුණෙමු. දැන් සරතැස නිවා ගැනීමට කාලය උදා විය. දෙදෙනෙක් එක් වී අප ගෙන ගිය කූඩාරම් තැනුවෝ ය. ඒ අතර තවත් දෙදෙනක් කෑම පිසීමට සැරසුණ හ. මම අවට සිරි නැරඹීමට පටන් ගත්තෙමි. නමුනුකුල කඳු මුදුනට සිරිලක දසතම පෙනෙන්නට විය. මහා ගංගාවෝ පුංචි ඇළ පාරක් මෙන් දිස් වූහ. වන උයන්, තණ පිටි, වෙල් යායවල් මෙන් ම, ගිනි පෙට්ටි වැනි වූ නිවෙස් ද කඳු මුදුනට පෙනේ. නමුනුකුල වටේටම පිහිටි කඳු වැටි හා ඒ වසා ගත් මීදුම් වලාවන් පමණක් නොව, හොරැහින් ඉඟි කරන හිරු රැස් ද ආදී මේ සැම එක් වී මවාපාන දර්ශනීය සිතුවම සියැසින් බලා ගත යුතුම යැයි මට හැඟේ.

            නැවත ආපස්සට පියමං කිරීමට කාලය එළඹ ඇත. වන රොද මැද රැයක් ගත කිරීමට ඊළඟ වාරයේ සැවොම කතිකා කර ගත්තෙමු. එතෙක් දුක්මුසු මුහුණුන් කඳුවැටියෙන් සමු ගත්තද සොබා දහමේ අපූරු සුන්දර බව නැවත නැවත මතක් කර ගෙන සතුටු විය හැකි බව නම් ඇත්තකි.

 




ලිව්වේ : උදාර ධනංජය
අදාල විෂය : සිංහල
ලියු දිනය : Mon 14 Sep 2015
මෙම ලිපිය කියවා ඇති ගණන : 19488

උදාර ධනංජය පල්ලියගුරු

සාමාන්‍යපෙළ සිංහල

විෂයට අදාල ලිපි

  1. short note
    (lalith / 2018-11-03)
  2. රාජකාරි ලිපියක් හා අත් පත්‍රිකාවක් සකස් කරමු
    (PUBUDU DILSHAN / 2017-10-09)
  3. භාෂාව යනු කුමක්ද ?
    (විජය / 2017-03-29)
  4. සිදත් සඟරාවේ සමස්ථ සන්ධි විග්‍රහයම කෙටියෙන්
    (අනුර / 2017-03-28)
  5. සිදත් සඟරාවේ ලිංගාධිකාරිය
    (අනුර / 2017-03-10)
  6. ඉඟි වැකි - 2
    (Uthpala / 2016-12-23)
  7. භාෂා ව්‍යවහාරය
    (Uthpala / 2016-12-22)
  8. අක්ෂර වින්‍යාසය 04
    (Uthpala / 2016-12-21)
  9. අක්ෂර වින්‍යාසය 03
    (Uthpala / 2016-12-09)
  10. අක්ෂර වින්‍යාසය 1
    (Uthpala / 2016-11-15)
  11. අක්ෂර වින්‍යාසය 02
    (Uthpala / 2016-09-21)
  12. දේශීය නර්තන හා බැදි වාද්‍ය භාන්ඩ
    (kelum / 2016-04-13)
  13. සාරාංශකරණය - 01
    (nipun / 2015-11-29)
  14. සිංහල භාෂාව තුළ තත්සම තත්භව පද නිවැරදිව භාවිතා කරමු
    (sandeepa / 2015-11-22)
  15. සිංහල භාෂාව හා සාහිත්‍යය ප්‍රශ්න පත්‍රය
    (nipun / 2015-11-09)
  16. සාමාන්‍ය පෙළ විචාර ලිවීම
    (උදාර ධනංජය / 2015-10-08)
  17. විචාර ලිවීමේදී උපදෙස්
    (උදාර ධනංජය / 2015-10-08)
  18. විචාර හා රසාස්වාද
    (උදාර ධනංජය / 2015-09-14)
  19. රචනා
    (උදාර ධනංජය / 2015-09-14)
  20. අපටත් දවසක ඉර පායාදෝ
    (sandeepa / 2015-08-22)
  21. අව්‍ය පද
    (widushika / 2015-05-20)
  22. ප්‍රස්තාව පිරුළු
    (තිලිණි / 2015-04-20)
  23. සමාන පද
    (ගයාන් / 2014-05-13)
  24. සිංහල අක්ෂර මාලාව
    (ගයාන් / 2014-01-23)

අනෙකුත් ලිපි
ශ්‍රිතයක සීමාව
(Prabath විසින් 2018-11-11 දින උසස්පෙළ යටතේ සංයුක්ත ගණිතය විෂයට අදාලව ලියන ලදි)

සීමාව ගණන් හදන්න පුළුවන් උනාට ගොඩක් වෙලාවට සීමාව ගැන හොඳ පැහැදිලි චිත්රයක් අපි අතරේ නැති වෙන්න පුළුවන්. ඇත්තටම මොකක්ද මේ ශ්රිතයක සීමාව කියන්නේ? ගණිත ගැටලුවක දේවල් ...


අන්තර්ජාතික වෙළඳාමෙ ගෙවීම් ක්‍රම-ණයවර ලිපිය හා එහි ක්‍රියාකාරීත්වය
(Eeshara විසින් 2018-11-07 දින වෙනත් යටතේ බැංකුකරණය සහ මූල්‍ය සේවා විෂයට අදාලව ලියන ලදි)

සලේඛන ණයවර මෙය අන්තර්ජාතික වෙළඳාම සඳහා යොදා ගන්නා වූ විශ්වාසවන්තම හා යම්කිසි පිරිවැයක් දැරීමට වන ගෙවුම් ක්රමයයි. ණයවර ලිපියක් යනු, එහි පද හා නියමයන් සපුරමින් නම් කළ ...


අන්තර්ජාතික වෙළඳාමෙ ගෙවීම් ක්‍රම- විනිමය බිල්පත සහ රැස් කිරීමකට සම්බන්ධ වන පාර්ශව
(Eeshara විසින් 2018-11-07 දින වෙනත් යටතේ බැංකුකරණය සහ මූල්‍ය සේවා විෂයට අදාලව ලියන ලදි)

විනිමය බිල්පත සහ රැස් කිරීමකට සම්බන්ධ වන පාර්ශව. සරලව ගත් කල විනිමය බිල්පතක් යනු පාර්ශවයක් විසින් තවත් පාර්ශ්වයක් වෙත යම්කිසි ගනුදෙනුවකට අදාළ කිසියම් වටිනාකමක් ඉල්ලූ විට ...


අන්තර්ජාතික ගැටුම්
(Disna විසින් 2018-11-06 දින සාමාන්‍යපෙළ යටතේ පුරවැසි අධ්‍යාපනය විෂයට අදාලව ලියන ලදි)

රාජ්යයන් අතර පවත්නා ගැටුම් අන්තර්ජාතික ගැටුම් ලෙස සරලව හඳුනාගත හැකිය. මෙම ගැටුම් ප්රධාන කොටස් දෙකක් යටතේ දැක්විය හැකිය. එනම් මතවාදී ගැටුම් හා යුධමය ගැටුම් වශයෙනි. ...


අන්තර්ජාතික වෙළඳාමෙ ගෙවීම් ක්‍රම-විවෘත ගිණුම්
(Eeshara විසින් 2018-11-06 දින වෙනත් යටතේ බැංකුකරණය සහ මූල්‍ය සේවා විෂයට අදාලව ලියන ලදි)

විවෘත ගිණුම් ක්රමය මෙම ක්රමයේ දී ප්රථමයෙන්ම අපනයනකරු විසින් ආනයනකරු වෙත මුලින් ම භාණ්ඩ නැව්ගත කරන අතර නැව්ගත කිරීමේ දී අදාළ ලිපි ලේඛන ආනයනකරුට සෘජුවම යවනු ...


ප්‍රජාතන්ත්‍රවාදී පාලනයක මූලික ලක්ෂණ
(Disna විසින් 2018-11-06 දින සාමාන්‍යපෙළ යටතේ පුරවැසි අධ්‍යාපනය විෂයට අදාලව ලියන ලදි)

ප්රජාතන්ත්රවාදී පාලනය යන්න සරලව හැඳින්විය හැකි වන්නේ ජනතාවගේ පාලනය යන්නයි. ප්රජාතන්ත්රවාදී පාලනය ආකාර දෙකකට ක්රියාත්මක වේ. 1. ඍජු ප්රජාතන්ත්රවාදය2. වක්ර ප්රජාතන්ත්රවාදය ග්රීසියේ ඇතෑන්ස් පෞර රාජ්යයේ පාලන කටයුතු ...

1 නෙක් කැමතියි

අන්තර්ජාතික වෙළඳාමෙ ගෙවීම් ක්‍රම- සලේඛන රැස් කිරිම
(Eeshara විසින් 2018-11-06 දින වෙනත් යටතේ බැංකුකරණය සහ මූල්‍ය සේවා විෂයට අදාලව ලියන ලදි)

අපි මේ ලිපියේදී සාකච්ඡා කිරීමට බලාපොරොත්තු වන්නේ අන්තර්ජාතික වෙළඳාමේ ඉතා වැදගත් ගෙවුම් ක්රමයක් වන සලේඛන රැස් කිරීම පිළිබඳවයි. මෙම අවස්ථාවේ දී අපනයනකරු (ප්රධානියා) වෙළඳ ගිවිසුමට අනුව ...


අන්තර්ජාතික වෙළඳාමෙ ගෙවීම් ක්‍රම
(Eeshara විසින් 2018-11-04 දින වෙනත් යටතේ බැංකුකරණය සහ මූල්‍ය සේවා විෂයට අදාලව ලියන ලදි)

අන්තර්ජාතික වෙළඳාමෙ ප්රධාන ගෙවුම් ක්රම හතරක් දැක ගත හැක.ඒවා පහත පරිදි වේ. අත්තිකාරම් ගෙවීම විවෘත ගිණුම් ක්රමය සලේඛන රැස් කිරිම සලේඛන ණයවර යන ප්රධාන ක්රම ...


short note
(lalith විසින් 2018-11-03 දින සාමාන්‍යපෙළ යටතේ සිංහල විෂයට අදාලව ලියන ලදි)

තොරතුරු සන්නිවේදන තාක්ෂණය - කෙටි සටහන දත්ත - වෙන් වෙන් වශයෙන් ගත් කළ අර්ථයක් දීමට නොහැකි අංක, වචන,සලකුණු දත්ත ලෙස හැඳින්වේ. තොරතුරු - දත්ත ගොනු කිරීමෙන් හා ...


ශිෂ්‍යත්ව විභාගය සදහා පෙර පුහුණු බුහුවරණ ප්‍රශ්න පත්‍ර 02
(Anura විසින් 2018-11-01 දින 3-වසර යටතේ සිංහල විෂයට අදාලව ලියන ලදි)

ප්රශ්නයක පිළිතුරකට ලකුණු 2.5 ක් ලබා දෙන්න (1 ) වැවක ජලය බැස යාමට ඇති දොරටුව කුමක්ද? සොරොව්ව (2) වක්කඩ (3) කවාඩුව (2)සපත්තු හදන තැනැත්තා කුමන නමකින් හැදින්වේද? ...