සිංහල ගද්‍ය සාහිත්‍යය දම්පියා අටුවා ගැටපදය


සිංහල ගද්‍ය සාහිත්‍යය ඉතිහාසය අනුරාධපුර යුගය තරම් ඈතට විහිද යන්නකි. ඓතිහාසික සිංහල ගද්‍ය සාහිත්‍යය ඉතිහාසය පිළිබඳ ජීවමාන සාක්ෂි සීගිරි කුරුටු ලිපි අතරින් හමු වේ. හය වන සියවසේ සිට දහවන සියවස දක්වා, එනම් සියවස් හතරක පමණ කාලපරාසයකට මෙම සීගිරී කුරුටු ලිපි අයත් බව කියැවේ. සීගිරී කුරුටු ගී පිළිබඳ අප බොහෝ සෙයින් අසා ඇතත්, කුරුටු ලිපි පිළිබඳ අසා ඇත්තේ අල්ප වශයෙනි.සැබැවින් ම මෙම ලේඛන අතර ගද්‍ය පාඨ අල්ප වීම මෙයට හේතුවයි. මෙම ලිපිය තුළ අපගේ අවධානය  යොමුවන්නේ සිංහල ගද්‍ය සාහිත්‍ය ඉතිහාසයේ සුවිශේෂී කෘතියක් වූ දම්පියා අටුවා ගැටපදය පිළිබඳ ව ය.

දම්පියා අටුවා ගැටපදය වනාහී දැනට හමු ව ඇති පැරණිතම සිංහල කෘතියයි. පාලි ධම්මපදට්ඨ කථාවන්ට ලියූ අර්ථ විවරණයක් වූ මෙම කෘතිය අනුරාධපුර යුගයට අයත් ය. "දෙබිස වැජා අබා සලමෙවන්" නම්  රජෙකු විසින් මෙම කෘතිය කරවූ බව කියැවේ. ඉන් අරුත් ගැන්වෙන්නේ දෙවරක් අභිෂේක ලද  අබා සලමෙවන් කසුප් රජු හෙවත් පස්වන කාශ්‍යප රජු පිළිබඳ ව ය.   කොටහේනේ  පඥ්ඥාකිත්ති හිමියන් හා ඩී.බී. ජයතිලක මහතා ( මෙතුමා දම්පියා අටුවා ගැටපදය  සංශෝධනය කොට පළ කර ඇත.)   පෙන්වා දෙන පරිදි මෙම කෘතිය   දහවැනි සියවසට අයත් ය.   මෙම කෘතිය දම්පියා අටුවා ගැටපදය ලෙස  අද අප හැඳින්වුව නමුත් කතුවරයා එහි නම එසේ  දක්වා නොමැත. එම පොතෙහි සඳහන් වන්නේ  මෙය සන්න පොතක් වශයෙනි. පස්වන කාශ්‍යප රජුට සමකාලීන අභිලේඛනයක් බව පුරාවිද්‍යාත්මක සාධක මඟින් තහවුරු වී ඇති   අභයගිරි සෙල්ලිපිය මෙම  කෘතියේ කතෘත්වය තහවුරු කරවන්නකි. යට කී ශිලා ලිපියෙහි අක්ෂර වින්‍යාසය හා භාෂා භාවිතය, අපගේ අවධානයට ලක්වන 'දම්පියා අටුවා ගැටපදයේ' භාෂා ව්‍යවහාරයට බෙහෙවින් සමානකම් දක්වයි. මහාවංසය තුළ ද පස්වන කසුප් රජු බහුශැතයෙකු බව දක්වා තිබීමෙන් මෙම කෘතිය එතුමාගේ ම නිර්මාණයක් බව තහවුරු වේ.

කෘතියේ  මුඛ්‍ය අරමුණ ධම්මපදට්ඨ කතාවේ අර්ථ විග්‍රහ කිරීම නමුත්, සාහිත්‍යයමය හා භාෂාමය ප්‍රවේශයකින් මෙම කෘතිය විවරණයට බඳුන් කළහොත් එහි වටිනාකම මුඛ්‍ය අරමුණ ඉක්මවා යන්නේ ය. සිංහල භාෂාවේ විකාශනය හා සමකාලීන භාෂා සැකැස්ම පිළිබඳ සුඛාවබෝධය කරගනු පිණිස දම්පියා අටුවා ගැටපදය ඉවහල් වනු ඇත. එනයින් බලන කල, දම්පියා අටුවා ගැටපදය ඓතිහාසික අධ්‍යයනයන්ට ඉඩහසර සලසන්නක් බව කිවතොත් එහි ද වරදක් නැත. පාලි හා සංස්කෘත භාෂාවලින් ගත් තත්සම පද කෘතිය තුළ භාවිතා වුව ද, පශ්චාත් කාලීන ගද්‍ය කෘතිවලට සාපේක්ෂ ව මෙහි සංස්කෘත තත්සම පද භාවිතය අවම බව පැවසිය හැක. කතා විලාසයෙන් හෝ අන් රසවින්දනාත්මක ස්වරූපයෙන් ලියවී නොමැති හෙයින් මෙය එකදිගට කියවා රසවිඳිය හැක්කක් නොවේ. එහෙත්  සිංහල භාෂාවේ  පරිණාමය  පිළිබඳ සොයා යන්නෙකුට දම්පියා අටුවා ගැටපදයෙන් ලැබෙන අනුබලය නම් සුළුපටු වූවක් නොවේ. කෘතියේ අන්තර්ගතය විමසා බැලීමේදී පෙනී යන්නේ, අර්ථ විවරණය පිණිස කර්තෘවරයා එක ම ක්‍රමවේදයක් භාවිත නොකළ බවයි. ඇතැම් පද දීර්ඝ පරිද්දෙන් ද, ඇතැම් පද සංක්ෂිප්ත වශයෙන්  ද විග්‍රහ කර ඇත. ඇතැම් තැනෙක පාලි වචනවලට සිංහල අරුත් සපයා ඇති අතර, තවත් තැනක පාලි වචනවලට පාලියෙන් ම අරුත් සපයා ඇත. ඇතැම් තැනෙක පාලි හා සිංහල යන භාෂා ද්විත්ව ම යොදා ගෙන මිශ්‍ර භාෂාවකින් අරුත් සපයා ඇත. වර්තමාන ව්‍යවහාරයේ එන 'ද' කාරය වෙනුවට 'ජ' කාරය භාවිත කර ඇති අතර, 'ච' කාරය වෙනුවට  ද 'ජ' කාරය භාවිතා කොට ඇත. 

ග්‍රන්ථකරණය සඳහා භාවිත කළ බහුවිධ අර්ථ දැක්වීම් ක්‍රමවේදය, ග්‍රන්ථකරුගේ  භාෂා ඤාණය සමඟ සමමිශ්‍ර වීමෙන් දම්පියා අටුවා ගැටපදයේ ශ්‍රේෂ්ඨත්වය ඉස්මතු වන්නේ ය. 




200

ලිපිය කියවා ඇති ගණන
200

ලිපිය බෙදාගන්න


විෂයට අදාල වෙනත් ලිපි


සාමාන්‍යපෙළ - සිංහල_හා_සාහිත්‍යය
සාමාන්‍ය පෙළ සිංහල භාෂාව හා සාහිත්‍යය විෂයට නියමිත, සිංහල සාහිත්‍යය සංග්‍රහයේ එන "දෑතේ කරගැට සිඹසනසන්නට" නම් නිර්මාණය බිහි කළ සුප්‍රකට කලාකරුවා අන් කවරෙකුත් නොව මහගම සේකර නම් වූ කෘතහස්ත කලාකරුවා ය.වර්ෂ 1929දී මෙලොව එළිය දුටු මහගම සේකරයන්ගේ උපන් ගම වූ...
සාමාන්‍යපෙළ - සිංහල_හා_සාහිත්‍යය
සිංහල ගද්‍ය සාහිත්‍යය ඉතිහාසය අනුරාධපුර යුගය තරම් ඈතට විහිද යන්නකි. ඓතිහාසික සිංහල ගද්‍ය සාහිත්‍යය ඉතිහාසය පිළිබඳ ජීවමාන සාක්ෂි සීගිරි කුරුටු ලිපි අතරින් හමු වේ. හය වන සියවසේ සිට දහවන සියවස දක්වා, එනම් සියවස් හතරක පමණ කාලපරාසයකට මෙම සීගිරී කුරුටු ලිපි අය...
Duminda Lakmal

සාමාන්‍යපෙළ සිංහල හා සාහිත්‍යය

අනෙකුත් ලිපි
12-වසර - නාට්‍ය හා රංග කලාව
නාට්ය කලාවේ සීමා නාට්ය කලාව වෙනත් කලා මාධ්යන් හා සැසදීමේදී ඊට අවේනික සීමා රැසක් හදුනා ගත හැකිය. නාට්ය හා කතා කලාව කතා කලාව යන්නෙන් 'නවකතාව','කෙට් ...

උසස්පෙළ - රසායන විද්‍යාව
සිදුවන ක්රියාවට අනුව එන්තැල්පි විපර්යාස වර්ග කිරීම 01.සම්මත උත්පාදන එන්තැල්පිය සම්මත අවස්ථාවේ ඇති සංයෝග මවුල එකක් සම්මත අවස්ථාවේ ඇති එහි සංඝටක මූලද්රව්ය වලින් උත්පාදනය කිරීමේදී සිදුවන සිදු ...

13-වසර - ආර්ථික විද්‍යාව
ආර්ථික විද්යාව පිළිබද සාමාන්ය දැනීම් ප්රශ්න මාලාවක් මෙම ලිපිය මගින් ඔබට සැපයේ.මෙය ඔබගේ ආර්ථික විද්යා දැනුම වැඩි කර ගැනීමටත්,කාලීන සාමාන්ය දැනුමවැඩි කර ගැනීමටත් ඉවහල් වන ...

13-වසර - ආර්ථික විද්‍යාව
ආර්ථික විද්යාව පිළිබද සාමාන්ය දැනීම් ප්රශ්න මාලාවක් මෙම ලිපිය මගින් ඔබට සැපයේ.මෙය ඔබගේ ආර්ථික විද්යා දැනුම වැඩි කර ගැනීමටත්,කාලීන සාමාන්ය දැනුමවැඩි කර ගැනීමටත් ඉවහල් වන ...

12-වසර - නාට්‍ය හා රංග කලාව
රංග රිද්මය (Rythem of Acting ) නාට්ය ප්රෙක්ෂක මනසේ"යථාර්ථයේ මායාව"ගොඩනැගීම බහුතරයක් රංගනයන් මගින් සිදු වෙි. රංග රිද්මය ඊට මනා පිටුබලයක් වෙි.රංග රිද්මය අමතන්නේ ප්රේක්ෂක වින්දනයට හා ...

12-වසර - නාට්‍ය හා රංග කලාව
නාට්ය හා රංග කලාවෙි මුලික සංකල්ප ෴ සමාරෝපය (Impersonation ) ක්ෂණික නිරූපණය(Quick portray) අවස්ථා නිරූපණය(Situation portray ) භූමිකා නිරූපණය(Caractor portray) සමාරෝපය (Impersonation ) පවතින සැබෑ යථා ස්වරූපයෙන් බැහැරව වෙනත් අයෙකුගේ ව්ලිසය ...

12-වසර - නාට්‍ය හා රංග කලාව
අනුකරණය(Imitation) අනුකරණය ,ප්රාග් ඓතිහාසික යුගයේ සිට පැවෙතෙන සහජ මානව ක්රියාවලියකි.මිනිසා විද්යාත්මක, තාර්කික චින්තනයෙන් ලෝකය හැසිරවීමට පටන් ගැනීමට පෙර මිත්යාවෙි දැඩිව එල්බ සිට්යේය. ස්වභාවධර්මයේ වස්තූන්ට හා ක්රියාවන්ට ...

12-වසර - නාට්‍ය හා රංග කලාව
නෘත්ත,නෘත්ය,නාට්ය ඉහත සඳහන් නෘත්ත,නෘත්ය,නාට්ය යන මෙි වචන තුන නාට්ය ශාස්ත්රයේ යේදී ඇත්තේ ඊට ආවෙිණික විශේෂ අර්ථ පදනමි කරගෙනය. මෙ⁣ම වචන තුන සංස්කෘත "නෘත්" ධාතුවෙන් ද එසේත් ...

12-වසර - නාට්‍ය හා රංග කලාව
කලාව "කලාව"යන වචනය කවදත් විවිධ මත පළකරනු ලබන පදයකි.පැරණි බ්රාහ්මණ පඬිවරු කලාව,රසාස්වාදය සඳහා හේතුවන බව කීහ. කලාව(Art) යනු 'කුසලතාව'යි. කලාව පිළිබදව අර්ථ නිරූපනයට වෙහෙස වුවෝ ඒ ...

11-වසර - ඉංග්‍රීසි භාෂාව
මුලින්ම කියන්න ඕන මේක මගේ පළවෙනි අධ්යාපනික ලිපිය අධ්යන පොදු සහතික පත්රයේ දී ලකුණු දහයක ප්රශ්නයක් වන ප්රස්තාර විස්තර කිරීම හෙවත් bar graph බොහෝ ළමුන් උනන්දුවක් ...