39 පාඩම, වන්දනා ගමන් හා එහි අරමුණු (ඉගැන්වීම් උපකාරක කෙටි සටහන්) - 10-වසර දහම් පාසල (බෞද්ධ)

39 පාඩම, වන්දනා ගමන් හා එහි අරමුණු (ඉගැන්වීම් උපකාරක කෙටි සටහන්)

  • බුදුරජාණන් වහන්සේ විසින්ම වන්දනා ගමන් අනුදැන වදාළ බවට නිදසුනක් නම් සැදැහැතියෙකු විසින් සංවේගයෙන් යුතුව නැරඹිය යුතු ස්ථාන 4ක් පිළිබඳව මහා පරිනිබ්බාන සූත්‍රයේ සඳහන් වීමයි.

    සටහන:-

    එම ස්ථාන පිළිබඳව වැඩිදුර විස්තරය සඳහා 10 ශ්‍රේණිය (පැරණි නිර්දේශය) 32 පාඩම වන "දඹදිව වන්දනීය ස්ථාන හතර" හා ඊට අදාළ ඉගැන්වීම් උපකාරක කෙටි සටහන් බලන්න.

  • ධර්මාශෝක රජතුමාද එම ස්ථාන දැක බලා සංවේගයෙන් යුතුව වැඳපුදාගෙන ඒ එක් එක් ස්ථාන වල ශිලා ස්ථම්භ පිහිටුවීය.

  • ධර්මාශෝක රජ දවස බුදුදහම ලෝක ව්‍යාප්ත වීමත් සමගම දැක බලාගෙන වැඳුම් පිදුම් කල හැකි පූජනීය ස්ථානද ලොව පුරා ව්‍යාප්ත විය.

  • ශ්‍රී ලංකාවේද සම්බුද්ධ පාදස්පර්ශය ලැබූ පුණ්‍ය භූමි 16ක් ද, සර්වඥ ධාතූන් වහන්සේ වැඩ සිටින වෙහෙර විහාරද, ශ්‍රී මහා බොධීන් වහන්සේගේ අංකුර රෝපණය කරන ලද පූජනීය ස්ථානද බොහෝ ප්‍රමාණයක් වෙයි.

    සටහන:-

    සොළොස්මස්ථාන පිළිඹදව වැඩිදුර විස්තරයක් සදාහා 10 ශ්‍රේණිය  (පැරණි නිනිර්දේශය) 33 පාඩම "අපි යමු සොළොස්තැන් වට වන්දනාවේ" හා ඊට අදාළ ඉගැන්වීම් උපකාරක කෙටි සටහන් බලන්න. 

  • මෙසේ ලක්දිව බෞද්ධ සිද්ධස්ථාන ගණන වැඩි වීමත් සමග වන්දනා ගමන් යමද ජනප්‍රිය විය.

  • ලාංකික බෞද්ධයෝ මෙරට පමණක් නොව දඹදිව, බුරුමය, සියම ආදී රට වල බෞද්ධ සිද්ධස්ථාන වැඳ පුදා ගැනීමට වන්දනා ගමන් යති.

  • වන්දනා ගමන් යෑමැන් ලැඛෙන ඵල ප්‍රයෝජන බොහෝමයකි.

    1. බුදුරජාණන් වහන්සේ කෙරෙහි ශ්‍රද්ධාව වැඩි දියුණු කර ගැනීමට හැකි වීම.

    2. නුදුටු දේවල් දැක බලා ගෙන නොඇසූ දේවල් අසා දැනගෙන අලූත් අත්දැකීම් ලබා ගැනීමට හැකි වීම.

    3. ඒ ඒ ප්‍රදේශ වල අය සමග දැන හැදුනුම් කම් ඇතිකර ගැනීමට හැකි වීම.

    4. භික්ෂූන් වහන්සේලාට සිය ඒ කාකාරී වූ ජීවිතයෙන් මිදී විවිධත්වයක් ලබා ගැනීමට හා බුදුරදුන් අනුදැන වදාළ චාරිත්‍ර ධර්මයක යෙදී ශ්‍රද්ධාව වැඩි දියුණු කරගැනීමට.

    5. වන්දනා ගමනේ යෙදෙන කාලය පුරාවට ගැටළු කම්කටොලූ සහිත ගිහි ජීවීතයේ බැඳීම් වලින් මිදී තාවකාලිකව හෝ නිදහසක් ලබා ගැනීමට.

    6. පරාර්ථකාමීත්වය, ගිලානෝපාස්ථානය, අල්පේච්ඡතාව වැනි මහඟු ගුණධර්ම පුරුදු පුහුණු වීමට.