කෙටි සටහන් භාවිතයේදී සැලකිය යුතු කරුණු



6 ශ්‍රේණියේ සිට 10 ශ්‍රේණිය දක්වා දහම් පාසල් පෙළ පොත් වල එන භාවනා පාඩම් හැර පාලි අභිධර්මය ඇතුලු අනෙකුත් සියලුම පාඩම් ආවරණය වන පරිදි “ඉගැන්වීම් උපකාරක කෙටි සටහන් මාලාව” සකසා ඇත.විභාගයේදී විමසිය හැකි වැදගත් කරුණු සාරාංශ වන පරිදි සෑම පාඩමකටම වෙන වෙනම සැකසූ කෙටි සටහන් මෙහි ඇතුලත්ය. පාඩම උගන්වා අවසානයේදී ඉගැන්වූ පාඩමට අදාල කෙටි සටහන දරුවාගේ සටහන් පොතට ඇතුලත් කිරීමට සුදුසු වන පරිදි මෙය සකසා ඇත. තවද පාඩම උගන්වන අතරතුර පාඩම තුල හමුවන ඇතැම් සංකීර්ණ දහම් කරුණු සරළව විග්‍රහ කොට කෙටි සටහනට ඇතුලත් කොට ඇත. නමුත් එම විග්‍රහ කිරීම් දරුවාගේ සටහන් පොතට ඇතුලත් කළයුතු නැත.

ඇතැම් සංකීර්ණ දහම් කරුණු විග්‍රහ කිරීමේදී මූලාශ්‍ර වශයෙන්,
1. වෙනත් ශ්‍රේණියක දහම් පාසල් පෙළ පොතක්
2. එම ශ්‍රේණියේම වෙනත් පාඩමක්
3. ධර්මාචාර්ය විභාගයට අදාල පෙළ පොත්
4. රේරුකානේ චන්දවිමල නාහිමියන්ගේ කෘතීන් හෝ
5. බොහෝ විට අන්තර්ජාලය ද
උපයෝගී කරගෙන ඇත.

සෑම පාඩමකම කෙටි සටහන් එකම රටාවකට අනුව සකසා ඇති අතර කෙටි සටහන් භාවිතයේදී පහත කරුණු කෙරෙහි අවධානය යොමු කළ යුතුය.

  1. කෙටි සටහන් මාලාවේ ඇතැම් තැනකසටහන:-වශයෙන් දක්වා ඇත්තේ,
    i. දහම් කරුණක වැඩිදුර පැහැදිලි කිරීමක් හෝ
    ii. ගුරුවරුන් වෙනුවෙන් විශේෂ සටහනක් ය.

  2. සටහන:-ලෙස දක්වා ඇති වැඩිදුර පැහැදිලි කිරීම් දරුවාගේ සටහන් පොතට ඇතුලත්නොකළ යුතු අතර එම කරුණු පාඩම විස්තර කර දීමේදී අවශ්‍යනම් උපකාර කරගත හැක.

  3. ඇතැම් සටහන් ගුරුවරයාගේ වැඩිදුර අවබෝධය සඳහාම පමණක් වන අතර ඒවා දරුවා සමග සාකච්ඡා කළ යුතු වන්නේ නැත.

  4. බොහෝ සටහන් වල ඇති වැඩිදුර විස්තර කිරීම් විෂයනිර්දේශයට පරිබාහිර වන අතර එම කරුණු විභාගයේදී විමසනු නොලැබේ.

  5. පාඩමකට අදාල කෙටි සටහනේ ඇතුලත් සියලුම කරුණු සටහන් පොතට ඇතුලත් කළ යුතු නැත. අනවශ්‍ය යැයි සිතෙන කරුණු ඉවත් කොට අමතර කරුණු එක් කොට කෙටි සටහන සංශෝධනය කිරීමට ගුරුවරයාට නිදහස ඇත.

  6. 10 ශ්‍රේණිය පෙළ පොතේ පාලි 10 වන පාඩමට සහ භාවනා පාඩම් 2 ට කෙටි සටහන් සකසා නැත.

දහම් පාසල් පෙළ පොතක පාඩමකට අදාල කෙටි සටහනක් සැකසීමට පෙර එම පාඩමින් පසුගිය වර්ෂ වල විභාග වලදී විමසන ලද ප්‍රශ්න පිළිබඳව සොයා බලා නිරන්තරයෙන් විමසීමට ලක් වන කොටස් කෙරෙහි වැඩි අවධානයක් යොමු වන පරිද්දෙන් සහ මේ වනතුරු විමසා නොතිබුනද ඉදිරියේදී විමසීමට ලක් විය හැකි කොටස් තෝරා බේරා වෙන් කර ගැනීමෙන් කෙටි සටහන් වඩාත් ඵලදායී කරගත හැක. ඒ සඳහා අවශ්‍ය පසුගිය විභාග ප්‍රශ්න පත්‍ර සොයාගැනීමත්, පාඩමෙ සඳහන් ඇතැම් කරුණු වලට වැඩිදුර විග්‍රහ සෙවීමත්, අනවශ්‍ය කරුණු ඉවත් කොට අත්‍යාවශ්‍ය ම කරුණු පමණක් ඇතුලත් කිරීමත්, පාඩමේ සමස්ථ කෙටි සටහන හැකිතාක් කෙටි කිරීමත් ආදිය පිළිබඳව සැලකීමේදී එක් පාඩමකට වූවද කෙටි සටහනක් සැකසීම එතරම්ම පහසු කටයුත්තක් නොවන බව පැහැදිලි වේ.

එම පාඩමේ තරමක් සංකීර්ණ දහම් කරුණු වෙතොත් විෂය පිළිබඳව හසල අවබෝධයක් ඇති ගිහි පැවිදි පිරිස සමග සම්බන්ධ වී දහම් කරුණු වල විස්තර විග්‍රහ සෙවීමට ඇතැම් විට දින ගණනාවක් ගතවූ අවස්ථා පවා තිබේ. එසේ කැටි කොටගත් කරුණු යලිත් වරක් හෝ දෙවරක් කියවා බලා සංස්කරණය කිරීමෙන් අනතුරුව අවසාන් කෙටි සටහන සකසනු ලැබේ.

එවැනි එක් පාඩමකට අදාලව කෙටි සටහනක් සැකසීම පවා සැබවින්ම පහසු කටයුත්තක් නොවේ. එවැනි පාඩම් 70 කට ආසන්න සංඛ්‍යාවකට කෙටි සටහන් සැකසීම ඉතා අපහසු මෙන්ම සැබැවින්ම වෙහෙසකර කටයුත්තකි. එයට වඩාත්ම හේතු වී ඇත්තේ එම පාඩම් අතරට පාලි පාඩම් 10 ක් හා අභිධර්මය පාඩම් 10 ක් ද එක්වී තිබීමයි. කෙසේ හෝ වෙහෙස දරා සැලකිය යුතු කාලයක් වැය කොට 10 ශ්‍රේණිය දහම් පාසල් පෙළ පොතට අදාල ඉගැන්වීම් උපකාරක කෙටි සටහන් සියල්ල සකසා නිම කොට ඇත.

නමුත් තවදුරටත් ඒ තුල වැරදි අඩුපාඩු මෙන්ම සංස්කරණය විය යුතු තැන්, වාක්‍ය නොගැලපීම්, අක්ෂර දෝශ ආදියද තිබිය හැකි වේ. මීට අමතරව වැදගත් කරුණු මගහැරී ඇති අවස්ථා ද, අනවශ්‍ය කරුණු එකතු වී ඇති අවස්ථා ද තිබිය හැක. සටහන් සැකසීම හා සංස්කරණය යන කාර්යයන් දෙකම තනි පුද්ගලයෙකු විසින් සිදුකිරීමේදී ඇතැම් අත්වැරදීම් ඇසට අසු නොවී මගහැරී යාම මෙයට එක් හේතුවක් විය හැකිය.

තවද කෙටි සටහන් ප්‍රායෝගිකව භාවිතා කිරීමේදී තවදුරටත් සංස්කරණය විය යුතු තැන් හමු විය හැක. එසේ බලන කල “ඉගැන්වීම් උපකාරක කෙටි සටහන් මාලාව” සැබැවින්ම තවමත් සම්පූර්ණයෙන් ම සකසා නිම කොට නැත. එකී නොකී දහසකුත් එකක් අඩුපාඩු මගහරවා ගැනීමට මෙම කෙටි සටහන් පරිශීලනය කරන සැමට දායක විය හැකිය. එවන් අඩුපාඩුවක් දුටුවහොත් ඒ බව අපට දැනුම්දීමට තරම් කාරුණික වන්න.

මීට අමතරව කෙටි සටහන් මාලාව පිළිබඳව වෙනත් අදහස් හා යෝජනා ඉදිරිපත් කිරීමට හැකිනම් නිසැකයෙන්ම එය මහත් අත්වැලක් වනු ඇත. චෝදනා හා විවේචන පිළිබඳව ද එසේම දත යුතුය. ඉහත කුමන හෝ හේතුවක් මත අපව සම්බන්ධ කරගැනීමට අවශ්‍ය නම් myschool.lk වෙබ් අඩවියේ "අපට දන්වන්න" පිටුව භාවිතා කළ හැක.

11-වසර දහම් පාසල (බෞද්ධ)

අනෙකුත් ලිපි
⁣කෝල්බෘක් ප්‍රතිසංස්කරණ මගින් ශ්‍රී ලංකාවේ ඇති වූ සමාජ ආර්ථික දේශපාලන අධිකරණ ප්‍රතිඵල
(Kasun Gayashan විසින් 2017-12-13 දින උසස්පෙළ යටතේ දේශපාලන විද්‍යාව විෂයට අදාලව ලියන ලදි)

කෝල්බෘක් ප්රතිසංස්කරණ යෙදීමේ මෙරටට හඳුන්වා දුන් යෝජනා මගින් මෙරට සමාජ ආර්ථික දේශපාලන විශාල වෙනසක් සිදු වන්නට විය.. විශේෂයෙන් මෙරට දේශපාලනය වඩා සමාජ සහ ආර්ථික ක්ෂේත්රයේ ...


Flow Charts & Pseudo Codes
(Kaushalya විසින් 2017-12-13 දින 11-වසර යටතේ තොරතුරු හා සන්නිවේදන තාක්ෂණය විෂයට අදාලව ලියන ලදි)

Flow Charts Pseudo CodesGrade 11(English Medium)Information Communication technology What is an algorithms? An algorithm is a complete step-by-step procedure for solving a problem or ...


ශ්‍රි ලංකාවේ යටත් විජිත පාලනයේ ස්භාවය
(Kasun Gayashan විසින් 2017-12-13 දින උසස්පෙළ යටතේ දේශපාලන විද්‍යාව විෂයට අදාලව ලියන ලදි)

ශ්රි ලංකාවේ සටන් විජිත පාලනයේ ස්භාවය..... ශ්රි ලංකාව අධිරාජ්යවාදී පාලනයන් තුන් ගොල්ලකට යටත් විය.ඒ 1505 දී පෘතුග්රිසින්ටත්,1658 දී ලංදේසින්ටත්,1796 දී ඉංග්රින්ටත් වශයෙනි.ඉංග්රිසින් 1796 දී මුහුදු බල ...


නිගන්ඨනාථ පුත්ත තුමාගේ ඉගැන්වීම හා බුදු දහමේ ඉගැන්වීම් අතර විශමතා
(Kasun Gayashan විසින් 2017-12-11 දින උසස්පෙළ යටතේ බුද්ධ ධර්මය විෂයට අදාලව ලියන ලදි)

නිගන්ඨනාථ පුත්ත තුමාගේ චරිතය හා සිදුහත් බෝසත් චරිතය එකිනෙක සසදා බැලිමේදි කිසියම් සමාන කමක් දක්නට ලැබේ. එසේමඉගැන්වීම් අතරද සමානකම් සේම යම් යම් විශමතාාවන්ද දක්නට ලැබේ.සෙසු ...


මක්කලී ගෝසාල
(Kasun Gayashan විසින් 2017-12-10 දින උසස්පෙළ යටතේ බුද්ධ ධර්මය විෂයට අදාලව ලියන ලදි)

ශ්රමන සම්ප්රධාය නියෝජනය කළ තවත් ශාස්තෘවරයෙකු වශයෙන් මක්කලී ගෝසාලයන් හැදින්විය හැක.අාජිවක සම්පුධායේ ප්රධානියා ලෙසද ඔහු හදුන්වනු ලැබේ.ඔහු පිලිබද ජෛක භගවති සුත්රයේ සදහන් වන්නේ ඔහුගේ පියා ...


ලොව පැසිස්ට් ව්‍යාපාරයේ නැගීම
(Shiran විසින් 2017-11-30 දින උසස්පෙළ යටතේ දේශපාලන විද්‍යාව විෂයට අදාලව ලියන ලදි)

ලොව පැසිස්ට් ව්යාපාරයේ නැගීම. ඉතාලිය 1915 දී ඉතාලියේ මිලාන් හිදී බෙනිටෝ මුසෝලිනීගේ නායකත්වයෙන් ෆැසීකෝ යන සංවිධානය පිහිටුවා ගත් අතර පසුව එය සටන් කණ්ඩායම (Fighting Band) ලෙස ප්රතිසංවිධානගත ...


මහත්මා ගාන්ධි තුමාගේ අධ්‍යාපනික හා දාර්ශනික සංකල්ප.
(Rev: Handaganawe chandrajothi thero විසින් 2017-11-17 දින උසස්පෙළ යටතේ ඉතිහාසය විෂයට අදාලව ලියන ලදි)

අවිහිංසාවාදී සත්යග්රහ දර්ශනයේ පුරෝගාමියා ලෙස ගාන්ධිතුමා සැළකිය හැකි ය. ඒ අනුව එතුමා ශ්රේෂ්ඨ චින්තකයෙක්, දාර්ශනිකයෙක් මෙන් ම ශේෂ්ඨ අධ්යාපනඥයෙක් ලෙස ද තම කාර්යභාරය ඉටු කළේය. ...


මහත්මා ගාන්ධිගේ සමාජ සාධාරණත්වය.
(Rev: Handaganawe chandrajothi thero විසින් 2017-11-17 දින උසස්පෙළ යටතේ ඉතිහාසය විෂයට අදාලව ලියන ලදි)

ජාතික ව්යාපාරය මගින් ඉන්දියානුවන්ගේ චින්තනයද උසස් මට්ටමක ඔසවා තැබුවේය. බ්රිතාන්යයන්ගේ නොයෙක් තාඩන පීඩනවලට ලක් වූ ඉන්දියානුවන්ගේ සිත් තුළ සමාජ සාධාරණත්වයක් පිළිබදව අදහස් පැන නැගෙන්නට විය. ...


අවිහිංසාවාදි ව්‍යාපාරය.
(Rev: Handaganawe chandrajothi thero විසින් 2017-11-17 දින උසස්පෙළ යටතේ ඉතිහාසය විෂයට අදාලව ලියන ලදි)

මහත්මා ගාන්ධිතුමා ජාතික ව්යාපාරය හරහා ඉන්දියානුවන්ගේ නිදහස උදෙසා මහත් වූ කාර්යභාරයක් ඉටු කළේය. එහි ප්රදානියා ලෙස ඔහු මත මහත් වූ වගකීම් සමුදායක් විය. තමා නිදහස් ...


මහත්මා ගාන්ධි හා ජාතික නිදහස් ව්‍යාපාරය.
(Rev: Handaganawe chandrajothi thero විසින් 2017-11-17 දින උසස්පෙළ යටතේ ඉතිහාසය විෂයට අදාලව ලියන ලදි)

ජාතික නිදහස් ව්යාපාරයේ ආරම්භය. බිතාන්යයන් ඉන්දීය ජනතාවගේ සිත් දිනා ගැනීම සදහා නොයෙක් ක්රමෝපායන් දියත් කළහ. ඒ අතර ඔවුන්ගේ එක් උපක්රමයක් වූයේ අවශ්ය පමණට යටිතල පහසුකම් ...