සාමාන්‍ය පෙළ - ව්‍යාපාර හා ගිණුම්කරණ අධ්‍යයනය - 11-වසර ව්‍යාපාර හා ගිණුමිකරණ අධ්‍යයනය

සාමාන්‍ය පෙළ - ව්‍යාපාර හා ගිණුම්කරණ අධ්‍යයනය

සාමාන්‍ය පෙළ - 11 වසර - 3 වෙනි පාඩම -

- අලෙවිකරණය -


 

අලෙවිකරණය කියලා කියන්නේ ,

මිනිස් අවශ්‍යතා හා වුවමනා තෘප්තිමත් කිරීම සඳහා වටිකමකින් යුත් නිෂ්පාදිතයක් නිර්මාණය කිරීමේ හා පිළිගැන්වීමේ ක්‍රියාවලිය යි.

අලෙවිකරණය ගත්ත ම ඒකට් අදාළ කටයුතු කිහිපයක් තියෙනවා.

  1. මිනිස් අවශ්‍යතා හා වුවමනා මනා ලෙස තෘප්තිමත් කළ හැකි නිෂ්පාදිතයක්,ඒ කියන්නේ හොඳ භාණ්ඩයක් හරි සේවාවක් හරි නිර්මාණය කිරීම.
  2. නිර්මාණය කළ භාණ්ඩය හෝ සේවාව පාරිභෝගිකයන් වෙත හිත් ඇදගන්නා සුළු අයුරින් හඳුන්වා දීම.
  3. සාධාරණ මිලක් ලකුණු කිරීම.
  4. වඩාත් සරල හා යෝග්‍ය පරිදි භාණ්ඩය හෝ සේවාව පාරිභෝගිකයන් අතට පත් කිරීම.
  5. භාණ්ඩය හෝ සේවාව පිළිබඳ ව පාරිභෝගික ප්‍රතිචාර සොයා බැලීම හා අලෙවියෙන් පස් අවශ්‍ය සේවා සැපයීම.

අලෙවිකරණය මෙච්චරට ම ව්‍යාපාරවලට වැදගත් වෙන්නේ ඇයි. ?

ව්‍යාපාරයක් සාර්ථක වෙන්නේ පාරිභෝගික අවශ්‍යතා හා වුවමනා තෘප්තිමත් උනොත් නේ.අන්න ඒකයි.

අලෙවිකරණය ව්‍යාපාරයට වගේම වෙළඳපළටත් ඉතාමත් වැදගත් වෙනවා.

වෙළඳපළක් කියලා කියන්නේ ....,

ගැනුම්කරුවන් හා විකුණුම්කරුවන් ඒකරාශී වී හමුවන හා සම්බන්ධවන  ඕනෑම ආකාරයකි.

ම්ම්.... වෙළඳපළක් කිව්වම එකපාරට ම මතක් වෙන්නේ මොකද්ද..

Market එකක් වගේ තැනක් වගේ නේද.භෞතික ස්ථානයක් නේ.

ඒත් වෙළඳපළ කියන්නේ භෞතික ස්ථානයක් ම නෙමී, අන්තර්ජාලය තුළත් වෙළඳපළවල් තියෙනවා,භෞතික ව නොවුණත් එහිදීත් ,ගැනුම්කරුවන් විකුණුම්කරුවන් විශාල වශයෙන් මුණගැහෙනවා.

අන්න ඒ නිසා වෙළඳපොළ කියන එක අවකාශයක් විදිහට ද පවතින්න පුළුවන්.

ඔන්න දැන් exam එකට අහලා තිබුණොත් ,

"වෙළඳපොළක් යනු ගැනුම්කරුවන් ,විකුණුම්කරුවන් මුණගැහෙණ භෞතික ස්ථානයක් . සත්‍ය අසත්‍ය බව දක්වන්න." කියලා තිබුණොත් ඒ ප්‍රකාශය අසත්‍ය එකක් කියලා මතක තියෙන්න ඕනි හරිද.


 

ඊළඟට බලමු මොකද්ද මේ ඉලක්ක වෙළඳපොළ කියලා.

ව්‍යාපාරයකට,වඩාත් ආකර්ෂණීය ලෙස මෙන් න ලාභදායි ව තෘප්තිමත් කළ හැකි,පාරිභෝගිකයන්ගෙන් සමන්විත වෙළඳපොළ කොටස හෙවත් පාරිභෝගික කොටසයි.

ඉලක්ක වෙළඳපොළත් නිතර ම වගේ අහන ප්‍රශ්නයක්.හොඳට මතක තියාගන්න ඒ නිසා 


 

ඔන්න.ඊළඟට එනවා අලෙවිකරණය මිශ්‍රය.

මොකද්ද ඒ .... 

අලෙවිකරණ මිශ්‍රය කියන්නේ ඉලක්ක වෙළඳපලේ ,ව්‍යාපාරවල අලෙවිකරණ පරමාර්ථ ඉටුකරගැනීම සඳහා උපයෝගී කරගන්නා විච්ල්‍යයන් සමූහයකි.

අලෙවිකරණ මිශ්‍රය (marketing mix ) කොටස් 4 කින් සමන්විත නිසා, 4 P's කියලත් හඳුන්වනවා.

  1. නිෂ්පාදිතය -  Product 
  2. මිල               -  Price
  3. ස්ථානය       - Place
  4. ප්‍රවර්ධනය  -  Promotion 

දැන් අපි ඒ හතර ටිකක් විස්තර කර ගමු.

මොකද්ද product එකක්,එහෙමත් නැත්තම් නිෂ්පාදිතයක් කියලා කියන්නෙ.

මිනිස් අවශ්‍යතා හා වුවමනා ඉටුකිරීම සඳහා වෙළඳපොළට ඉදිරිපත් කරන ඕනෑම දෙයක්.

මූලික වශයෙන් සළකන්නේ නම් භාණ්ඩ හා සේවා.

උදාහරණ : කෑම බීම ,ඇඳුම් පැළඳුම් , ගුරු සේවය ,වෙද සේවය

මිල :-

කිසියම් භාණ්ඩයක් හෝ සේවාවක් වෙනුවෙන් පාරිභෝගිකයන්ගෙන් අය කිරීමට බලාපොරොත්තු වෙන වටිනාකම තමා මිල කියලා කියන්නේ.

ස්ථානය :- 

මිනිස් අවශ්‍යතා හා වුවමනා තෘප්තිමත් කිරීමට නම් ඔවුනට අවශ්‍ය විවිධ නිශ්පාදිත පාරිභෝගිකයා අතට පත් වෙන්න ඕනි නේ.

නිෂ්පාදිතයක් පාරිභෝගිකයා හට ලබා දීම සම්බන්ධයෙන් කටයුතු කරන අවකාශය ,ස්ථනය කියලා හඳුන්වන්න පුලුවන්.

දැන් මෙතන්දි, නිෂ්පාදිතයක් නිපදවපු සැනින්ම පාරිභෝගිකයා අතට ලැබෙන්නේ නෑ නේ ගොඩක් වෙලාවට.එහෙම සෘජුවම ලැබෙන අවස්තාත් තියෙනවා.

මේ විදිහට පැහැදිලි කරගමුකෝ.

සෘජු බෙදාහැරීම ,

නිෂ්පාදකයා -----------------> පාරිභෝගිකයා 

අතරමැදියෙක් සම්බන්වීමෙන් බෙදාහැරීම.

 • නිෂ්පාදකයා ---> තොග වෙළෙන්දා ---> පාරිභෝගිකයා 

•නිෂ්පාදකයා---> තොග වෙළෙන්දා ---> සිල්ලර වෙළෙන්දා ---> පාරිභෝගිකයා 

දැන් පැහැදිලියි නේ....

මොකද්ද ප්‍රවර්ධනය කියන්නේ එතකොට.,

නිෂ්පාදිතයක් නිපදවපු පමණින් ම ඒවා අලෙවි වෙන් නෑ නේ.ඉතින් පොඩි promotion පාරකුත් දෙන්න එපැයි.ඔය tv එකේ ad යන්නේ එක එක නිෂ්පාදිත ගැන කියලා.අන්න ඒවා තමයි ප්‍රවර්ධනය කියන්නේ කෙටියෙන් ම.

Tv ad විතරක් ම නෙමී, නිෂ්පාදිත සාම්පල් නොමිලේ බෙදාහැරීම,අත්පත්‍රිකා බෙදීම,නිශ්පාදිතය සම්බන්ධයෙන් විවිධ ක්‍රීඩා පැවැත්වීම. වගේ ඒවත් promotion යටතට ම තමා එන්නේ.

නිර්වචනයක් විදිහට කියනවනම්,

ප්‍රවර්ධනය යනු,ව්‍යාපාරයක් තම අලෙවිය වැඩිකර ගැනීම සඳහා යොදාගන්නා විවිධ උපක්‍රම වේ.


 

එහෙනම් තවත් මේ විදිහේ රසවත් පැහැදිලි කිරීමකින් හමුවෙමු.

දෝෂ ඇත්නම් සමාවන්න.

අදහස්/යෝජනා එහෙම තියෙනවනම් පොඩි email එකක් දාලම යන්න .

nethuhasanz9@gmail.com

සැකසුම : නෙත්මි හසාරා

                                 





Anjana imantha
best
2022 02 25 12:25:17