සිංහල රසාස්වාදය නිර්මාණය කර ගැනීම පියසේන ඇසු ප්‍රශ්නයක්
පියසේන ඇසු ප්‍රශ්නයක්
“පසු ගිය නත්තල් කලේ නිවාඩුවෙයි මම ආවේ
පුංචි බේබි එක්කලා පාසල් යන්නයි මෙහි අවේ
හතේ අටේ චක්කරයෙන් ගණන් හදා සමත් වෙලා
පොතේ කියන කතා කියා පාඩම් දී සමත් වෙලා
ලේනා ගැන පුසා ගැන කවි කියලා සමත් වෙලා
ගමේ ඉදන් අවේ මම දෙකින් තුනට සමත් වෙලා
බේබිගේ පන්තිය අයිනේ ගල් බැම්මේ වාඩි වෙන්නේ
බේබිලාට කියන කතා එතන ඉදන් අහන් ඉන්නේ
හවසට අත් වැල් බැදගෙන කවි කියන්නේ අපි දෙන්නා
ගැමුණු කුමරුගේ කතාව ඉගෙන ගන්නේ අපි දෙන්නා
ඒ වුනාට මම නොදන්නා දෙයක් තියෙනවා අහන්න
දන්න කෙනෙක් හොයා බලා මට මෙ ගැන කියා දෙන්න
තුනේ හිටපු පුංචි බේබි හතරේ පන්තියට ගිහින්
තුනේ ඉදපු මම හතරට යන්නේ කවදද ඉතින්”
පියසේන ඇසු ප්‍රශ්නයක් රසාස්වාදය නිර්මාණය කර ගන්නා ආකාරය.
අපට දක්නට ලැබෙන්නේ දරිද්‍රතාවයෙන් පෙලෙන සමාජයක් හා පොහොසත් සමාජය එය දෙකහිම සම් මිශ්‍රනයකි.
එනම් සම්පත් විෂමකාරව බෙදීයාම හේතුවෙන් දුප්පත් පොහොසත් පන්ති බේදය අතීතයේ සිටම පැවත එයි.
මෙම තත්වය හේතුවෙන් බොහෝ විට පිඩනයට පත් වන්නේ පිඩිත පාත්තියේ මිනිසාය . හොපොසත් මිනිසුන්ගේ
අතකොලු බවට පත් වන දුප්පත් මිනිසාට ඉතා කණගාටු දායක පරිසරයක් උදාකරයි.
මෙය සමාජයේ වැඩිහිටියාට පමනක් නොව කුඩා දරුවන්ටද ඉතාමත් අවාසනාවන්ත යුගයක් උදාකරයි
මොනිකා රුවන් පතිරණ නම් කිවිලිය ගේ මනස යොමුවන්නේ සමාජයේ මවැනි දුර්වල ගැටළුවක් බොහෝ සංවේදී ලෙස ලොවට ඉදිරිපත් කිරීමටයි.
මෙහි සදහන් පියසේන නම් පාසල් දරුවා දැන් සිටින්නේ තමාගේම වයසේ තවත් දරුවකුට සේවය කරමිනි.
දුප්පත් පොහොසත් පන්ති භේදය පියසේන නම් දරුවාට උදා කරදී ඇති අයහපත් පරිසරය පෙන්නුම් කරමින් ඇති මෙම කාව්‍ය පියසේනගේ ජිවිතයට පමණක් නොව
සමස්ථ සමාජයටම අයහපත් ප්‍රතිපල ලබාදෙන කාරණයකි.
මෙම කවි පද වල තේරුම වටහා ගනිමු.
1 කවි පේළියෙහි තේරුම
මෙම පයසේන නම් දරුවා ආවර්ජනය කරන ආකාරයට ඔහු ගමක සිට පැමිණි කෙනකුය.
තත්තල් සමයේ ගම්මානයෙහි සෙල්ලම් කරමින් සතුටින් සිටි කුඩා දරුවකු හට ඔහුගේ ළමා කාලය අහිමි කර
දමමින් කොළඹට එක්කන් අවේ ඔහුගේ වයසේම සිටින පුංචි බේබි සමගය. පියසේන නම් කුඩා දරුවා ගම්මන්ඩියට ආයුබෝවන් කියා
නොහඩා පුංචි බේබි සමග පැමිණියේ අකුරු ශාත්‍රය ඉගෙන ගැනීමට ඇති ලැදියාව මතම විය හැකිය.
නගරයේ පුංචි බේබිලා බලා ගැනීමට ගමේ කුඩා දරුවන් යොදාගන්නා බව යථාර්තයකි. නමුත් මෙහි සදහන් පියසේන නම් කුඩා
දරුවා තුල මෙවැනි වැටහීමක් නැතිවන්නේ ඔහු කුඩා දරුවකු නිසාය.
2 කවි පෙලහි තේරුම
පියසේන නම් පාසල් දරුවා ඔහුගේ අතීතයේ විභාහග ප්‍රථිපල සිහිකරයි.
වර්තමානයේ දී වගේ නොව අතීතයේදී ඕනෑම අයකුට පත්තියෙන් පන්තියට සමත් වීමේ හැකියාව නොතිබිණ.
ඔහු ගණන් හදලා, පොත් පාඩම් දී සමත් වූ බව මෙනෙහි කරන්නේ තමන් ලොකු හපන් කමක් කලායැයි සිතමිනි.
සැබෑය දක්ෂ මෙන්ම උනන්දු දරුවකි.
3 කවි පෙළ තේරුම් ගනිමු.
පියසේන පාඩම් කර පාඩම් දී හොද ලකුණු ලබාගෙන 2 වසරින් තුනේ පන්තියට සමත්වී ඇත.
මෙලෙස ඉගෙන ගන්න ගමේ දරුවෝ විභාග සමත් වී නාගරික පාසල් වලට පැමිණීම සුලභ දර්ශනයකි.
පියසේන නම් දරුවාගේ සිත තුලද ඇත්තේ මෙවැනි හැගීමකි. ඔහු දෙකේ සිට තුනේ පන්තියට සමත් වීම නිසා නගරයේ පාසලක ඉගෙන ගැනීමට
හැකි යැයි ඔහු සිතයි.
4 කවි පෙළහි තේරුම් ගනිමු
පියසේන පාසලට පැමිණෙන්නේ බේබිගේ දෙමව්පියන්ගේ අවසරයිනි.
ඔහු බේබිගේ අත අල්ලාගෙන පාසලට පැමිණීම ඔහුට මිත්‍රශීලී කමට අත් අල්ලා ගැනීමකි.
නමුත් මෙහි යථාර්තය නම් මෙ තුල ඔහු ඉටු කරන්නනේ ඔහුගේ රාජකාරියයි.
කුඩා දරුවන් අතර පංති භේදය නොමැති නිසා ඔහුට වැටහෙන්නේ ඔවුන් දෙදෙනා මිතුරන් ලෙසය.
ඔහු තම රාජකාරිය ඉටු කරන්නේ මහත් ආශාවෙනි.
5 කවි පෙලහි තේරුම
නාගරික පාසල්වල පංති කාමර තිබුනද ගම්බද දරුවන් හට ගසක් යට හෝ ගල් බැම්මක වාඩි වී ශිල්ප ඉගිනිම නුහුරු දෙයක් නොවේ.
බේබි හා අනිත් ළමයි බංකු වල වාඩි විසිටියදී ඔහු ගල් බැම්මේ වැඩිවී සිදියට පියසේනට වෙනසක් නැත. පන්ති කාමරය තුල උගන් වන ශබ්දය පියසේනටද ඇසේ.
මෙහිදී ගල් බැම්මේ යන්නෙහි අදහස වී ඇත්තේ පියසේන වාඩි වී සිටින ගල් බැම්ම නම් නොවේ.
ධන පති පාත්තිය නිර්දන පන්තියෙන් වෙන් කර ඇති එම බැම්ම බාධකය ස්භාවික ගල් බැම්මකට වඩා සිය දහස් ගුණයක් ශක්තිමත්ය.
6 කවි පෙලහි සරල තේරුම.
දෙදෙනාම එකම වයසේ බැවින් ක්‍රියාවන් සමාන වේ.
යන්නෙන් මොහුන් අනාගත වීරත්වය ගැමුණු කුමරුගේ කතාවෙන් පන්නරය ලබා ගනී.
අවසානයේ ඔහුන් දෙදෙනාම එක සමාන උත්තේජනයක් ලබාගෙන ඇත.
7 කවියෙහි සරල තේරුම
ඔහු සමවයසේ දරුවකු බල ගැනීමේ මෙහෙකාර සේවයට පැමිණ වසරකමක්ම ගෙවී ගොස් ඇත
පුංචි බේබි දැන් හතරේ පංතියේය. නමුත් පියසේන තවමත් තුනේ පාත්තියේ ගල් බැම්ම මතය.
අවසානේ දී පියසේන අසන ප්‍රශ්නයට වැඩිහිටි සියල්ල්ලම නිරුත්තර කරයි.
සමාජ විෂමතාවයට කවදා විසදුම් ලැබේවිය යන්න ගැටලුවකි.
මෙම ලිපිය මගින් පියසේන ඇසු ප්‍රශ්නයක් යන කාව්‍ය හි රසාස්වාදය නිර්මාණය කිරීම පිලිබදව සරල අවබෝදයක් ලබාගත හැකිය.
ලිපියේ යම් දෝෂයක් ඇති නම් සමාවෙන්න. සුභ දවසක්.
