දේශීය ශාන්තිකර්ම රංග භූමි


 

උඩරට, පහතරට සහ සබරගමු වශයෙන් ප්‍රචලිත ව පවතින දේශීය ශාන්තිකර්මයන්හි යොදා ගනු ලබන රංග භූමි ප්‍රතිශත වශයෙන් ම සමාන නොවූව ද ඒ අතර පොදු සාමාන්‍යයක් දක්නට ඇත. ඇතැම් අය පෙන්වා දෙන ආකාරයට අනුව ප්‍රචලිත භාවිතයෙහි ගැමි නාටක ලෙස හදුන්වන කෝලම් සහ සොකරි නාටකයන් ද පූජාර්ථය මුල් කොටගෙන ශාන්තිකර්ම ස්වරූපයකින් කරන ලද්දකි. එසේ සලකනු ලබන්නේ නම් සම්ප්‍රදායන් ත්‍රිත්වය හා බැඳුණ සාම්ප්‍රදායිකව පිළිගත් ශාන්තිකර්ම රංග භූමියට වඩා ගැමි නාටකයන්ගේ රංග භූමිය යම් ප්‍රමාණයකට වෙනස් ස්වරූපයක් ගනී. සම්ප්‍රදායන් තුනට ම පොදු ශාන්තිකර්මයක් ලෙස සැලකෙන බලි ශාන්තිකර්මයෙහි රංග භූමි සැලැස්ම අනෙක් ප්‍රකට ශාන්තිකර්ම රංග භූමියට වඩා වෙනස් ගති ලක්ෂණයක් පිළිබිඹු කරයි. උඩරට සාම්ප්‍රදායික කොහොඹාකංකාරිය සහ උඩරට ගම්මඩුවත්, පහතරට සාම්ප්‍රදායික සහ සබරගමු සාම්ප්‍රදායික මඩු ශාන්තිකර්මයන් සදහාත් පුරාණයේ සිට සම්මතයට අනුව පැවත එන ආකාරයට නිශ්චිත දිග, පළල සහ උසකින් යුත් මඩුවක් ඉදි කිරීම අනිවාර්ය අංගයකි. එහි ප්‍රමාණය දිහින් සැට රියනක් ද, පළලින් තිස් රියනක් ද, තලව්ව දක්වා උසින් පස් රියනක් ද වන වග පැරණි ගයනාවන්හි දක්වා ඇත.

        1.  දිගින් මඩුව හැට රියන     යි

            පුළුලින් මැන තිස් රියන     යි

            තලව්වේ උස පස් රියන     යි

            කළේ මඩුව මේ ලෙසම     යි

“රියන” නම් වූ සාම්ප්‍රදායික මිම්ම වැඩුණු පුරුෂයකුගේ අත් දණ්ඩෙහි දිග ප්‍රමාණය එනම් වැලමිටි සංධියේ සිට දිග හරින ලද මැදගිල්ලේ කෙලවර දක්වා වූ දිගින් යුක්ත වේ. මෙසේ සකස් කර ගත් රංග ගෘහය පේ කිරීම නැතහොත් කැප කිරීම මගින් පාරිශුද්ධ ස්ථානයක් බවට පත් කරගනු ලබයි. එක් එක් ශාන්තිකර්මයෙහි ස්වරූපයට අනුව එසේත් නොමැති නම් සම්ප්‍රදායට අනුව යක් ගෙය, අයිලය, යහන, තොරණ, මල් අස්න, පත්තිනි මාලිගාව යනාදී නමින් හදුන්වනු ලබන සැරසිලි මෙකී මඩුවේ අදාළ ස්ථානයන්හි නිර්මාණය කර ගනු ලැබේ. කංකාරි මඩුව හෝ මඩු ශාන්තිකර්මයට අදාළ මෙකී සැරසිල්ලට අමතර වශයෙන් අතිරේක සැරසිලි ගණනාවක් ද රංග ගෘහය තුළ හෝ ඉන් පිටත ඉදි කරනු ලබයි. වැදි යක් පොළ, අවරි කණුව, කාල පන්දම් ගස, බිසෝ කප, මල් යහන හෝ පහන් පැල් එකී සැරසිලි අතරින් කිහිපයකි. මෙසේ කරනු ලබන සැරසිලි වලට අමතර වශයෙන් විවිධ පළතුරු සහ වලු මල් ආදියෙන් මෙකී රංග ගෘහය සැරසීම අතීතයෙහි පටන් පැවත එන චාරිත්‍රයකි. මේ සදහා අන්නාසි, රඹකැන් වැනි පළතුරු වර්ග යොදා ගන්නා අතර තැඹිලි, නවසි, ඉඳි, පොල්, බෝදිලි ආදී ගෙඩි වලු ද, පොල්, පුවක් වැනි මල් වර්ග ද නා, නුග, බුලත්, ඊ තණ, බෝ, කොහොඹ වැනි ශාක පත්‍ර ද භාවිත කරයි.

         1. රන් උළු සොයවා මඩුවේ රන් කොත්                    සිටුවාලා

             නන් විසිතුරු සළුපිළියෙන් වියන ද                      බන්ඳාලා

             රන් තිර වට කර අදිමින් සේසත්                         සිටුවාලා

             රන් චාමර රන් මුතුකුඩ කොඩි ගෙන                    සරසාලා

           

        2.  තැඹිලි නවසි බෝදිලි ඉඳි වලු මල් ගෙන                  එල්ලා

            අඹ දඹ රඹකැන් අන්නාසි ද ගෙන                         එල්ලා

            කරඹ එමොර දම් පහ ද දෙසි දොඩම් ද ගෙන             එල්ලා

            මෙපිළිවෙලට දිව පුරයක් සේ මඩු සැර                    සිල්ලා
                                               

මේ ආකාරයට මඩුව සරසා ගැනීම සම්ප්‍රදායන් තුනට ම පොදු ලක්ෂණයක් වන අතර එකී මඩුව තුළ ඉදි කරනු ලබන ප්‍රධාන සැරසිල්ල එක් එක් සම්ප්‍රදායට අනුව වෙනස් වෙයි. එසේ ම අතීතයේ නර්තන ගුරුකුල වලට අනුව ද විවිධ වෙනස්කම් රඟ මඩල තුල දක්නට ඇත. මේ ආකාරයෙන් දේශීය ශාන්තිකර්ම රංග භූමි හදුනාගත හැකි ය.                                                                          





13-වසර - නර්තනය_සිංහල
  දේශීය නර්තනයෙහි නව ප්‍රවනතාවයන් කෙරෙහි බලපෑ තවත් ප්‍රධාන සාධකයක් වන්නේ තාක්ෂණික හා විද්‍යාත්මක පරිවර්තනයයි. සාම්ප්‍රදායික රඟමඩලෙහි පන්දම් එළියෙන් නැතහොත් විලක්කු ආලෝකයෙන් එළිමහන් රඟමඩලක රඟ දැක්වූ දේශීය නර්තනය තාක්ෂණික දියුණුවත් සමගම ගෘහස්ත වේදිකා...
13-වසර - නර්තනය_සිංහල
චිත්‍ර කලාව නර්තනයත් සමග සමගාමීව පවත්නා වූ විෂයකි. සාම්ප්‍රදායික ශාන්තිකර්ම හා බැදි සැරසිලි කලාවට අදාළ සියලු ම අංගෝපාංග නියෝජනය කරයි. රංග භූමි අලංකරණය සදහා යොදා ගනු ලබන සියලුම සැරසිලි කලාත්මක නිර්මාණයෝ වෙති. කෙසෙල් පතුරු ලී මැස්ස මත බැදීමේ සිට විවිධ සැරසිලි ආකෘත...
13-වසර - නර්තනය_සිංහල
  කොහොඹා කංකාරිය ශාන්තිකර්මයෙහි එන ශාස්ත්‍රීය නර්තනාංගයක් වන අස්නේ නැටුම සාමූහික නර්තනාංගයකි. ගායනය සහිත ව නර්තනය කරනු ලබන මෙකී නර්තනාංගය සදහා කොහොඹා  කංරියට සහභාගි  වන සියලුම යක් දෙස්සන් සහභාගි වීම සම්ප්‍රදායික ලක්ෂණයක් වන අතර වෘත්තකර පථයක ගමන් ...
13-වසර - නර්තනය_සිංහල
  උඩරට, පහතරට සහ සබරගමු වශයෙන් ප්‍රචලිත ව පවතින දේශීය ශාන්තිකර්මයන්හි යොදා ගනු ලබන රංග භූමි ප්‍රතිශත වශයෙන් ම සමාන නොවූව ද ඒ අතර පොදු සාමාන්‍යයක් දක්නට ඇත. ඇතැම් අය පෙන්වා දෙන ආකාරයට අනුව ප්‍රචලිත භාවිතයෙහි ගැමි නාටක ලෙස හදුන්වන කෝලම් සහ සොකරි නාටක...
13-වසර - නර්තනය_සිංහල
අනෙක් සියලු ම නර්තනාංග වලට වඩා කතකලි නර්තනයෙහි කැපී පෙනෙන වෙනස්කම වන්නේ එකී නර්තනයට ආවේණික වූ වෙස් ගැන්වීමේ ශිල්ප ක්‍රමයයි.අතිශයින් ම සංකිර්ණ වූත්, කලාත්මක වූත්, දුෂ්කර වූත් මෙකී වෙස් ගැන්වීම සදහා ගතවන කාලවේලාව ද බොහෝ ය. ඇතැම් වෙස් ගැන්වීම් සදහා පැය දෙක තුනක කාලයක් ...
13-වසර - නර්තනය_සිංහල
            ඉන්දියාවේ ප්‍රධාන නර්තන සාම්ප්‍රධායන් අතරින් උත්තර භාරතිය නර්තන සාම්ප්‍රධායක් ලෙස ප්‍රචලිත වීමට මෙයට ද ඉන්දියානු ආගමික පසුබිම ගැඹුරින් බලපා ඇත. ඒ අනුව ඉන්දියාවේ “රාමායනය, මහාභාරතය” වැනි වීර කාව්‍...
13-වසර - නර්තනය_සිංහල
                                                කතකලි නර්තනය කතකලි නර්තනය වූ කලි භාරතයේ අනෙකුත් නර්තන සම්ප්‍රදායන් තුනෙන් ම සුවිශේෂී ව විකාශය වී ...
kelum priyadarshana

13-වසර නර්තනය (සිංහල)

අනෙකුත් ලිපි
සාමාන්‍යපෙළ - නර්තනය (සිංහල)
වන්නම් දහ අට රාග තමයි පවසන්නේ - කවි සිංද කියන්නේ තොන්නන් තරිකිට වන්නන් දහ අට දන්නේ - මේ සැටි පවසන්නේ පලමුව ගාහක වන්නමටයි පවසන්නේ - පිළිවෙළ අහපන්නේ දෙවනුව ...

12-වසර - ජෛව පද්ධති තාක්ෂණවේදය
ශාක ප්රචාරණය ශාක සජිවී නිසා ප්රජනනය මගින් නව පරම්පරා ඇති කරයි.ලිංගික ප්රජනනය මගින් ඇතැම් ශාක පුෂ්පීකරණය ...

උසස්පෙළ - ව්‍යාපාර අධ්‍යයනය
ව්යාපාර ගති ලක්ෂණ 1 විකුණුම් හෝ හුවමාරු වීම් සිදු වීම2 භාණ්ඩ හා සේවා ගනුදෙනු සිදු වීම3 ගනුදෙනු අඛණ්ඩ ව සිදු වීම4 ලාභයෙන් අභිපේ්ර්්රරණය වීම5 අවදානමක් තිබීම6 ...

උසස්පෙළ - ව්‍යාපාර අධ්‍යයනය
ව්යවසායකත්වයේ ප්රවණතා  ගෝලීය ව්යවසායකත්වය සමාජයීය ව්යවසායකත්වය හරිත ව්යවසායකත්වය අභ්යන්තර ව්යවසායකත්වය ගෝලීය ව්යවසායකත්වය ගෝලීය වශයෙන් වෙළෙඳාමේ යෙදීමයි. එනම්, ලෝකයේ කුමන ස්ථානයක සිටිය ද, තාක්ෂණය භාවිතයෙන් ලෝකයේ වෙනත් ඕනෑ ...

12-වසර - ගිණුම්කරණය
යම් ව්යාපාරයක් පිළිබඳ උනන්දුවක් දක්වන පාර්ශව රාශියක් දක්නට ලැබේ. එම පාර්ශවයන්ට තීරණ ගැනීමට එම ව්යාපාරයේ තොරතුරු අවශ්ය වේ. එම පාර්ශවයන්ට අවශ්ය තොරතුරු සන්නිවේදනය කරනු ලබන්නේ ...

7-වසර - ඉතිහාසය
ලෝකයේ පැරණි ශිෂ්ඨාචාර අප ලෝකයේ පැරණි ශිෂ්ඨාචාර බොහොමයක් ඇත නමුත් 7 ශ්රේණිය මෙම පාඩම සදහා එම ශිෂ්ඨාචාර වලින් ප්රධාන ශිෂ්ඨාචාර 2ක් මේ සදහා ඉදිරිපත් කොට ඇත.එනම්, ග්රීක ...

සාමාන්‍යපෙළ - තොරතුරු හා සන්නිවේදන තාක්ෂණය
බහු මාධ්ය තාක්ෂණය යොදා ගනිමින් සරල වෙබ් අඩවි නිර්මාණය 4 වන කොටස HTML (Hyper Text Markup Language) HTML යනු අන්තර්ජාලයේ www (wold wide web) පිටු සැකසීම සඳහා භාවිතා ...

සාමාන්‍යපෙළ - තොරතුරු හා සන්නිවේදන තාක්ෂණය
බහු මාධ්ය තාක්ෂණය යොදා ගනිමින් සරල වෙබ් අඩවි නිර්මාණය 3 වන කොටස මාධ්ය සම්පත් තොරා ගැනීම වෙබ් අඩවියකට ඇතුළත් කිරීම සඳහා විවිධ රූප, ශබ්ද, වීඩියෝ, ...

12-වසර - ජනමාධ්‍ය
සන්නිවේදනයේ මූලිකාංග සන්නිවේදනය තේරුම් ගැනිමටත් එය සාර්ථකව ක්රියාත්මක කිරීමටත් එකි ක්රියාවලියේ අන්තර්ගත මූලිකාංග මොනවාද යන්න පැහැදිලිව අවබෝධ කර ගැනිම අතිශය වැදගත් වූවකි.එසේම එකී අංග ඉහල ගුණත්වයකින් ...

උසස්පෙළ - තොරතුරු හා සන්නිවේදන තාක්ෂණය
ආයුබෝවන් මෙම ලිපිය මගින් මම අද ඔබත් සමග බෙදාගන්න යන්නේ Windows පරිගණක සදහා භාවිතා කල හැකි Screen Recorders ගැනයි. මෙහිදී එම Screen Recorder එක මිලදීගත ...