2 පාඩම, බුදු සිරිතේ අවසන් විසිපස් වසර (ඉගැන්වීම් උපකාරක කෙටි සටහන්)



  • දෙව්දත් තෙරුන්ගේ වැරදි මග පෙන්වීම නිසා අජාසත් රජු විසින් තම පියා වන බිම්බිසාර රජු මරා මගධයේ රජ වූයේය.

  • දෙව්දත් තෙරුන් බුදුරදුන් නැසීමට සිතා,
    1. දුනුවායන් යැවුවේය.
    2. ගිජ්ඣකූට පර්වතයේ සිට ගලක් පෙරලුවේය.
    3. රා කල දහසක් පොවා නාලාගිරි ඇතු යැවුවේය.
    4. නවක භික්ෂූන් 500ක් තම බසට හරවා ගනිමින් සංඝභේදය කළේය.

  • බුදුරදුන් නිසා සිය ලාභ සත්කාර අඩු වනු දුටු අන්‍යාගමික් පිරිස් බුදුරදුන්ට නින්දා කිරීමට,
    1. සුන්දරී පරිබ්‍රාජිකාව මරා දෙව්රම් වෙහෙර අසළ වළදැමූහ.
    2. චිංචා නම් මානවිකාව ගැබිනියක මෙන් සරසා බුදුරදුන් ඉදිරියට යැවූහ.

  • බුදුරදුන් අවසන් විසිපස් වසර තුලදී අසරණයන්ට පිහිට වෙමින් ඉමහත් සේවාවක් සැළසූ සේක.
    උදා:-
    1. කෙත පාලු වූ ගොවියාට පිහිට වීම.
    2. දරුවන්ගෙන් සැලකිළි නොලත් මහලු බමුණාට පිහිට වීම.
    3. මියගොස් සැඩොල් කුලයේ අංගවිකලව උපන් ආනන්ද නම් මසුරු සිටුවරයාට පිහිට වීම.
    4. වරදට හසු වී දඬුවම් විඳීමට ගිය නිවැරදි ගොවියාට පිහිට වීම.
    5. දන් දීම සඳහා ජාතිය හා ගෝත්‍රය විමසූ සුන්දරික භාර්ද්වාජ බමුණාව සුමගට ගැනීම.
    6. ගැරඬියෙකුට හින්සා කරමින් සිටි දරුවන්ව ඉන් වළක්වා අවවාද කිරීම.
    7. අදින්නපුබ්බක නම් මසුරු සිටානන්ගේ පුත් මට්ටකුණ්ඩලීට පිහිට වීම.
    8. ඡත්ත නම් මානවක කුමාරයාට පිහිට වීම.
    9. පූතිගත්ත තිස්ස තෙරුන්ට හා උදරාබාධයෙන් පෙළුණු භික්ෂුවට පිහිට වීම.
    10. රජ්ජුමාලා, කුමාර කාශ්‍යප මාතාව, කිසා ගෝතමී, පටාචාරා වැනි අසරණ කාන්තාවන්ටද බුදුරදුන් පිහිට වූ සේක.

    සප්ත අපරිහානීය ධර්ම,
    1. නිතර එක්රැස්‌වීම.
    2. සමගිව රැස්‌ව, සමගිව කටයුතු කොට සමගිව විසිර යාම.
    3.
    නොපැනවූ නීති නොපැනවීම හා පැනවූ නීති කඩ නොකිරීම.
    4. වැඩිහිටියන්ට ගරු බුහුමන් කිරීම.
    5. කුල කුමරියන්ට ගරු කිරීම.
    6. තම රාජ්‍යයේ හා පිටත පිහිටි පූජනීය ස්‌ථානවලට ගරු කිරීම.
    7. ආගමික පූජ්‍ය පක්‍ෂයට පහසුකම් සැලසීම.

  • බුදුරජාණන් වහන්සේ 45 වසරක් ලෝක සත්වයාගේ හිත සුව පිණිස කටයුතු කළ සේක.

  • භික්ෂු, භික්ෂුණී, උපාසක, උපාසිකා යන අය සිව්වනක් පිරිස ලෙස හැඳින් වේ.

  • සිය අඹ උයන බුදුරදුන්ට පූජා කළ අම්බපාලී නම් නගර ශෝභිනිය බුදු බණ අසා රහත් ඵලයට පත් වූවාය.

  • බුදුරදුන් සිය 45 වන අවසන් වස් කාලය බේලුව නම් ගමේ ගත කළ සේක.

  • පරිනිර්වාණ සමයේ බුදුරදුන්ට වැළඳුනු ලෝහිත පක්ඛන්දිකා රෝගය උන්වහන්සේ අධීෂ්ඨාන බලයෙන් යටපත් කරගත් සේක.

  • දිනක් ආනන්ද තෙරුන් ඇමතූ බුදුරදුන් සිය ශරීරය දිරාපත්ව ඇති බවත්, තමන් වහන්සේ වටහාගත් ධර්මය ගුරුමුෂ්ඨි නොතබා දේශනා කොට ඇති බවත්, සිය ඇවෑමෙන් පසු ධර්මය සරණ කොටගෙන ජීවත් වන්නැයි වදාළහ.

  • බුදුරදුන් පිරිනිවන්පානා බව ඇසූ ධම්මාරාම තෙරණුවෝ බුදුන් ජීවමානව සිටියදීම රහත් වීමට සිතා කළ වෑයම බුදුරදුන්ගේ ප්‍රශංසාවට ලක් විය.

  • සැරියුත් මුගලන් දෙනමගේ භෂ්මාවශේෂ තැන්පත් කොට චෛත්‍ය ඉදිකරවීම තුලින් පිදිය යුත්තන් පිදීම පිළිබඳව ශ්‍රේෂ්ඨ ආදර්ශයක් බුද්ධ චරිතය තුලින් ගත හැකිය.

  • ඡන්ද, චිත්ත, වීරිය, වීමංසා යන සතර ඍද්ධිපාද වැඩූ බුදුවරයෙකුට අවශ්‍යනම් ආයු කල්පයක් වැඩ වාසය කළ හැකි බව වදාළ මුත් බුදුරදුන් චාපාල චේතියේදී ආයු සංස්කාරය අත්හැරීමට පෙර එසේ ආයු කල්පයක් වැඩ වාසය කරන්නැයි ආරාධනා කිරීමට අනඳ තෙරුන්ට කල්පනා නොවීය.
    සටහන:-
    සතර ඍද්ධිපාද
    ඍද්ධීන් ලැබීමට උපකාර වන ධර්මයන් ඍද්ධිපාද නමින් හැඳින් වේ.
    1. ඡන්ද ඍද්ධිපාදය - ඍද්ධිය ලබාගැනීමට ඇති බලවත් කැමැත්ත.
    2. චිත්ත ඍද්ධිපාදය - වෙනස් නොවන සුලු අතිශය ප්‍රභල සිත.
    3. වීරිය ඍද්ධිපාදය - සම්‍යග්ප්‍රධාන වීර්ය හෙවත් අත්නොහරින තදබල වීර්ය.
    4. වීමංසා ඍද්ධිපාදය - ස්කන්ධ ආදී ගැඹුරු ධර්මයන් තේරුම් ගැනීමට සමත් ප්‍රඥ්ඥාව.

  • විශාලා මහනුවර කූඨාගාර ශාලාවට භික්ෂූන් රැස් කරවූ බුදුරදුන් තථාගතයන් වහන්සේ තව තුන් මසකින් පිරිනිවන් පානා බව පවසා “සියලු සංස්කාර ධර්මයෝ නැසෙන සුලුය. නොපමාව කුසල් දහම් හි යෙදෙන්න“යැයි වදාළහ.

  • විශාලා මහනුවරින් නික්ම, භණ්ඩ ග්‍රාමයට වැඩම කළ බුදුරදුන් එහි සිටි භික්ෂූන්ට සීල, සමාධි, ප්‍රඥ්ඥා යන ත්‍රිශික්ෂාවේ අනුසස් වදාළ සේක.
    සටහන:-
    ත්‍රිශික්ෂා පිළිබඳව වැඩිදුර විස්තරයක් සඳහා 8 ශ්‍රේණිය 30 වන පාඩම වන “ත්‍රි ශික්ෂාව හැඳිනගනිමු“ සහ ඊට අදාල ඉගැන්වීම් උපකාරක කෙටි සටහන් බලන්න.

  • ඉන්පසු භෝග නගරයට වැඩම කළ බුදුරදුන් එහි සිටි භික්ෂූන්ට “සතර මහා පදේස“ දේශනා කළ සේක.
    සටහන:-
    සතර මහා පදේස,
    1. බුද්ධපදේස
    2. මහාථේරාපදේස
    3. සංඝථේරාපදේස
    4. ඒකථේරාපදේස යනු සතර මහා පදේස වේ.

  • අනතුරුව පාවා නුවරට වැඩම කළ බුදුරදුන් සිය අවසන් දානය ලෙස චුන්ද කර්මාර පුත්‍රයා විසින් පිළිගැන්වූ සූකර මද්දව නම් ආහාරය වැළඳීමෙන් ලෝහිත පක්ඛන්දිකා රෝගය යලි උත්සන්න විය.

  • බුද්ධත්වයට පත්වූ පසු වැළඳූ ප්‍රථම දානය වන සුජාතා සිටු දියණියගේ කිරිපිඬු දානයත් චුන්ද කර්මාර පුත්‍රයාගේ අවසන් දානයත් සමාන ආනිසංස ඇති බව බුදුරදුන් විසින් වදාළහ.

  • අතරමගදී බුදුරදුන්ගෙන් බණ ඇසූ පුක්කුස නම් මල්ල රජ දරුවා සිය රන්වන් පැහැ වස්ත්‍ර යුගලය බුදුරදුන්ට හා අනඳ හිමියන්ට පූජා කළේය.

  • පිරිනිවන් මංචකයෙහි උතුරට හිස තබා වැඩහුන් බුදුරදුන් බුද්ධ පරිනිර්වාණයෙන් පසු දැක සංවේක උපදවාගත යුතු ස්ථාන 4ක් වදාළහ.
    1. බුදුරදුන් උපත ලද ලුම්බිනිය.
    2. බුද්ධත්වයට පත් වූ බුද්ධගයාව.
    3. දම්සක් පැවතුම දේශනා කළ ඉසිපතනයේ මිගදාය.
    4. පිරිනිවන් පා වදාළ කුසිනාරාව.
    සටහන:-
    බුද්ධ පරිනිර්වාණයෙන් පසු දැක සංවේග උපදවාගත යුතු ස්ථාන පිළිබඳව වැඩිදුර විස්තරයක් සඳහා 10 ශ්‍රේණිය 32 වන පාඩම වන දඹදිව වන්දනීය ස්ථාන සතර සහ ඊට අදාල ඉගැන්වීම් උපකාරක කෙටි සටහන් බලන්න.

  • බුදු සසුනේ අවසාන බුද්ධ ශ්‍රවකයා නම්, බුද්ධ පරිනිර්වාණයට මොහොතකට පෙර පැමිණ පැණයක් අසා පැවිදිව රහත් බාවයට පත් සුභද්‍ර රහතන් වහන්සේ ය.

  • “මහනෙණි, මම දැන් ඔබ අමතමි, සියලු සංස්කාර ධර්මයෝ නැසෙන සුලු වෙති. අප්‍රමාදීව කුසල් රැස් කරන්න.“ යන අර්ථයෙන් වදාළ “භන්දදානි භික්ඛවේ ආමන්තයාමි වෝ, වයධම්මා සංඛාරා අප්පමාදේන සම්පාදේථ“ යන මෙය අවසන් බුද්ධ වචනයයි.

  • වෙසක් පුන් පොහෝ දින රාත්‍රියේ මල්ල රජ දරුවන්ගේ උපවර්ථන සල් උයනේ වැඩ සිටියදී බුදුරජාණන් වහන්සේ පිරිනිවන් පා වදාළ සේක.

  • මහා කාශ්‍යප මහ රහතන් වහන්සේ අවසන් ගෞරව දැක්වීමෙන් අනතුරුව මකුට බන්ධන නම් ස්ථානයේදී, සඳුන් දර සෑයක සක්විති රජෙකු ආදාහනය කරන ආකාරයට ශ්‍රී දේහයේ ආදාහන කටයුතු සිදුකෙරිණි.




9-වසර - බෞද්ධ_දහම්_පාසල
ඇසළ පුන් පොහෝ දා බරණැස් නුවර ඉසිපතනාරාමයේ මිගදායේදී පස්වග මහණුන්ට දේශනා කළ ධම්මචක්කපවත්තන සූත්‍රය බුදුරදුන්ගේ ප්‍රථම ධර්ම දේශනාවයි.සටහන:- පස්වග මහණුන්, 1. කොණ්ඩඤ්ඤ 2. වප්ප 3. භද්ධිය 4. මහානාම 5. අස්සජී යන හිමිවරුන්. ධම්සක් පැවතුම් සූත්‍රයේ එන ප්‍රධා...
9-වසර - බෞද්ධ_දහම්_පාසල
ඛුද්දක පාඨය හා සුත්ත නිපාතය යන ග්‍රන්ථ දෙකෙහිම ඇතුලත් වන රතන සූත්‍රය ආරක්ෂක පිරිතක් ලෙස භාවිතා කෙරෙයි.  තුන් සූත්‍රයෙන් එකක් වන රතන සූත්‍රයෙහි ත්‍රිවිධ රත්නයෙහි ගුණ සඳහන් වෙයි. සටහන:-තුන් සූත්‍රය1. රතන සූත්‍රය2. මහා මංගල සූත්...
9-වසර - බෞද්ධ_දහම්_පාසල
බුදුරදුන් බුද්ධත්වයට පත් වීමට ප්‍රථම බෝසත් අවදියේදී පිරූ දස පාරමිතාවන්, බුදුකුරු දම් හෙවත් බුද්ධකාරක ධර්ම නමින් හැඳින් වේ. එම දස පාරමිතා ධර්මයන් පහත පරිදි වේ.1. දාන පාරමිතාව2. සීල පාරමිතාව3. නෙක්ඛම්ම පාරමිතාව4. පඤ්ඤා පාරමිතාව5. වීරිය පාරමිතාව6. ඛන්ති පාරමිතාව7....
9-වසර - බෞද්ධ_දහම්_පාසල
දෙමාපියන්, මුල්ම ආචාර්යවරුන් යන අර්ථයෙන් “පුබ්බාචරිය” යන නමින්ද, සතර බ්‍රහ්ම විහරණයෙන් යුක්තවූ බැවින් “බ්‍රහ්ම” යන නමින් ද හැඳින්වේ. සටහන:- සතර බ්‍රහ්ම විහරණ පිළිබඳ වැඩිදුර විස්තරයක් සඳහා 10 ශ්‍රේණිය (පැරණි නිර්දේශය) 25 පාඩම ව...
9-වසර - බෞද්ධ_දහම්_පාසල
වැරදි නිවැරදි කරගත් අයට යහපත් පුද්ගලයෙකු විය හැකි බව සනාථ කරන බුදු දහමේ එන උදාහරණයකි අංගුලිමාල මහරහතන් වහන්සේගේ චරිත කතාව. කුඩා කල අහිංසක නම් වූ අංගුලිමාලගේ, පියා - කොසොල් රජුගේ පුරෝහිත භග්ග නම් බමුණාත් මව - මන්තානි බැමිණියත් ගුරුවරයා - දිසාපාමොක් ඇදුරුතුමාත් ය. ...
9-වසර - බෞද්ධ_දහම්_පාසල
දෙව්දත් තෙරුන්ගේ වැරදි මග පෙන්වීම නිසා අජාසත් රජු විසින් තම පියා වන බිම්බිසාර රජු මරා මගධයේ රජ වූයේය. දෙව්දත් තෙරුන් බුදුරදුන් නැසීමට සිතා,1. දුනුවායන් යැවුවේය.2. ගිජ්ඣකූට පර්වතයේ සිට ගලක් පෙරලුවේය.3. රා කල දහසක් පොවා නාලාගිරි ඇතු යැවුවේය.4. නවක භික්ෂූන් 500ක් තම ...
9-වසර - බෞද්ධ_දහම්_පාසල
බුද්ධ, ධම්ම, සංඝ යන මේවා තෙරුවන් හෙවත් ත්‍රිවිධ රත්නය ලෙස හැඳින්වේ. ලෝකයේ අතිශය දුර්ලභ වටිනා සම්පත් තුනක් යන අර්ථයෙන් මේවා තෙරුවන් ලෙස හැඳින්වේ.වැදගත්:-කලකිනි බුදු කෙනෙකුන් උපදින්නේදුකකිනි මිනිසත් බව ලැබගන්නේමෙදෙකිනි මෙසසර දුක් දුරලන්නේසුදනෙනි කිම වීරීය නොකරන්න...
යසිරු නවෝදන

9-වසර දහම් පාසල (බෞද්ධ)

අනෙකුත් ලිපි
12-වසර - ජෛව පද්ධති තාක්ෂණවේදය
ශාක ප්රචාරණය ශාක සජිවී නිසා ප්රජනනය මගින් නව පරම්පරා ඇති කරයි.ලිංගික ප්රජනනය මගින් ඇතැම් ශාක පුෂ්පීකරණය ...

උසස්පෙළ - ව්‍යාපාර අධ්‍යයනය
ව්යාපාර ගති ලක්ෂණ 1 විකුණුම් හෝ හුවමාරු වීම් සිදු වීම2 භාණ්ඩ හා සේවා ගනුදෙනු සිදු වීම3 ගනුදෙනු අඛණ්ඩ ව සිදු වීම4 ලාභයෙන් අභිපේ්ර්්රරණය වීම5 අවදානමක් තිබීම6 ...

12-වසර - ගිණුම්කරණය
යම් ව්යාපාරයක් පිළිබඳ උනන්දුවක් දක්වන පාර්ශව රාශියක් දක්නට ලැබේ. එම පාර්ශවයන්ට තීරණ ගැනීමට එම ව්යාපාරයේ තොරතුරු අවශ්ය වේ. එම පාර්ශවයන්ට අවශ්ය තොරතුරු සන්නිවේදනය කරනු ලබන්නේ ...

7-වසර - ඉතිහාසය
ලෝකයේ පැරණි ශිෂ්ඨාචාර අප ලෝකයේ පැරණි ශිෂ්ඨාචාර බොහොමයක් ඇත නමුත් 7 ශ්රේණිය මෙම පාඩම සදහා එම ශිෂ්ඨාචාර වලින් ප්රධාන ශිෂ්ඨාචාර 2ක් මේ සදහා ඉදිරිපත් කොට ඇත.එනම්, ග්රීක ...

සාමාන්‍යපෙළ - තොරතුරු හා සන්නිවේදන තාක්ෂණය
බහු මාධ්ය තාක්ෂණය යොදා ගනිමින් සරල වෙබ් අඩවි නිර්මාණය 4 වන කොටස HTML (Hyper Text Markup Language) HTML යනු අන්තර්ජාලයේ www (wold wide web) පිටු සැකසීම සඳහා භාවිතා ...

සාමාන්‍යපෙළ - තොරතුරු හා සන්නිවේදන තාක්ෂණය
බහු මාධ්ය තාක්ෂණය යොදා ගනිමින් සරල වෙබ් අඩවි නිර්මාණය 3 වන කොටස මාධ්ය සම්පත් තොරා ගැනීම වෙබ් අඩවියකට ඇතුළත් කිරීම සඳහා විවිධ රූප, ශබ්ද, වීඩියෝ, ...

12-වසර - ජනමාධ්‍ය
සන්නිවේදනයේ මූලිකාංග සන්නිවේදනය තේරුම් ගැනිමටත් එය සාර්ථකව ක්රියාත්මක කිරීමටත් එකි ක්රියාවලියේ අන්තර්ගත මූලිකාංග මොනවාද යන්න පැහැදිලිව අවබෝධ කර ගැනිම අතිශය වැදගත් වූවකි.එසේම එකී අංග ඉහල ගුණත්වයකින් ...

උසස්පෙළ - තොරතුරු හා සන්නිවේදන තාක්ෂණය
ආයුබෝවන් මෙම ලිපිය මගින් මම අද ඔබත් සමග බෙදාගන්න යන්නේ Windows පරිගණක සදහා භාවිතා කල හැකි Screen Recorders ගැනයි. මෙහිදී එම Screen Recorder එක මිලදීගත ...

සාමාන්‍යපෙළ - තොරතුරු හා සන්නිවේදන තාක්ෂණය
බහු මාධ්ය තාක්ෂණය යොදා ගනිමින් සරල වෙබ් අඩවි නිර්මාණය 2 වන කොටස සන්ධාරය සංවිධානය (Conect Management) මෙමගින් අදහස් කෙරෙන්නේ වෙබ් අඩවියක් සඳහා තෝරාගත් අන්තර්ගතය ක්රමවත් පිළිවෙළකට පෙළ ...

සාමාන්‍යපෙළ - තොරතුරු හා සන්නිවේදන තාක්ෂණය
බහු මාධ්ය තාක්ෂණය යොදා ගනිමින් සරල වෙබ් අඩවි නිර්මාණය 1 වන කොටස වෙබ් අඩවි භාවිතය (Application of Web Site) වෙබ් අඩවියක් නිර්මාණය කිරීමේ අවශ්යතා තොරතුරු සන්නිවේදනය (Information Communication) එනම් අන්තර්ජාල ...