3 පාඩම, අංගුලිමාල මහරහතන් වහන්සේ (ඉගැන්වීම් උපකාරක කෙටි සටහන්)



  • වැරදි නිවැරදි කරගත් අයට යහපත් පුද්ගලයෙකු විය හැකි බව සනාථ කරන බුදු දහමේ එන උදාහරණයකි අංගුලිමාල මහරහතන් වහන්සේගේ චරිත කතාව.

  • කුඩා කල අහිංසක නම් වූ අංගුලිමාලගේ,
    පියා - කොසොල් රජුගේ පුරෝහිත භග්ග නම් බමුණාත්
    මව - මන්තානි බැමිණියත්
    ගුරුවරයා - දිසාපාමොක් ඇදුරුතුමාත් ය.

  • අනෙක් ශිෂ්‍යයන්ගේ කේලාම් ඇසූ දිසාපාමොක් ඇතුරු තෙමේ, අහිංසක විසින් මිනිසුන් 1000ක් මරා ගුරු පූජාවක් කළ යුතු බව පැවසීය.

  • ඇඟිලි මාලයක් දැරූ බැවින් අහිංසක අංගුලිමාල නමින් ප්‍රසිද්ධ විය.

  • අංගුලිමාල විසින් ඇඟිලි 1000ක් සම්පූර්ණ කරගැනීම සඳහා, සිය මව මරා ආනන්තරීය පාපකර්මයක් කරගන්නා බව දිවැසින් දුටු බුදුරදුන් අංගුලිමාලට පිහිට වූ සේක.

    සටහන:-
    බුදු දහමේ දැක්වෙන පරිදි, පාපකර්ම විවිධ වූ ආකාර යටතේ කොටස් වලට බෙදා වෙන් කොට දැක්විය හැකිය.

    කර්මය විපාක දෙන කාලය අනුව ප්‍රභේධ 4 කි.
    1. දිට්ඨධම්ම වේදනීය කර්ම - මෙලොවදීම අත් විඳින්නට සිදු වන කර්ම.
    උදා:- සුරාව, සූදුව, පාප මිත්‍ර සේවනය
    2. උපපජ්ජ වේදනීය කර්ම - ඊලඟ භවයේදීම විපාක ගෙන දෙන කර්ම.
    උදා:- ආනන්තරීය පාප කර්ම, ධ්‍යාන ලබාගැනීම.
    3. අපරාපරීය වේදනීය කර්ම - සසරේ ඔනෑම ආත්ම භවයකදී විපාක දෙන කර්ම.
    4. අහෝසි කර්ම - විපාක දීමට අවස්ථාවක් නොලැබෙන කර්ම.
    උදා:- රහතුන් පිරිනිවීමෙන් පසු සියලු පාපකර්ම අහෝසි වී යයි.

    ආනන්තරීය පාපකර්ම 5 කි.
    1. මව මැරීම
    2. පියා මැරීම
    3. රහතුන් ඝාතනය කිරීම
    4. දුෂ්ඨ සිතින් බුදුරජාණන් වහන්සේගේ ශරීරයෙහි ලේ සෙලවීම හෙවත් ලෝහිතුප්පාදය
    5. සංඝභේදය

    කර්මය විපාක දෙන අනුපිළිවෙල අනුව ප්‍රභේද 4 කි.
    1. ගරුක කර්ම - බලවත් වූ කුසල, අකුසල කර්ම. ගරුක කර්මයකට අනුරූපව ඊලඟ භවයේ උපත සිදු වේ.
    2. ආසන්න කර්ම - මරණාසන්න අවස්ථාවේ සිදු කල හෝ ඒ අවස්ථාවේදී සිතට නැගුන කර්ම. ගරුක කර්මයක් නැත්නම් ඊලඟ භවයේ උපත සිදුවනුයේ ආසන්න කර්මයකට අනුරූපවය.
    3. ආචිණ්ණ කර්ම - කාලයක් තිස්සේ පුරුදු පුහුණු කරන ලද කර්ම. ගරුක, ආසන්න කර්ම නොමැති විට විපාක දීමට ඉදිරිපත් වෙයි.
    4. කටත්තා කර්ම - බලවත් චේතනා ශක්තියකින් තොරව සිදු කරල ලද කුසලාකුසල කර්ම. ගරුක, ආසන්න, ආචින්න කර්ම නොමැති විටක විපාක දීමට ඉදිරිපත් වෙයි.

    කර්මය පුද්ගලයාට බලපාන ආකාරය අනුව ප්‍රභේධ 4 කි.
    1. ජනක කර්ම - උපත කෙරෙහි බලපාන්නේ ජනක කර්මයයි.
    2. උපත්ථම්භක කර්ම - ජනක කර්මයට අනුව උපන් තැනැත්තාට උපතට අනුරූපව දිවි ගෙවීමට උපකාර වන්නේ උපත්ථම්භක කර්මයි.
    3. උපපීළක කර්ම - සැප හෝ දුක නිරතුරුවම විඳින්නට ඉඩ නොදී විඳීම් ස්වභාවය වෙනස් කරවන කර්ම.
    4. උපඝාතක කර්ම / උපච්ඡේදක කර්ම - දුර්වල කුසල අකුසල කර්මයන්ගේ ශක්තිය නසාලන කර්ම.

  • “මහණ, ඔහොම නවතිනු“ යැයි අංගුලිමාල විසින් කළ අණට ප්‍රතිචාර දැක්වූ බුදුරජාණන් වහන්සේ “අංගුලිමාල, මම නැවතී සිටිමි. ඔබද නවතින්න.“ යැයි පවසා එම ප්‍රකාශයේ ගැබ්ව ඇති සැබෑ අරුත පැහැදිලි කළ සේක.

  • බුදුරදුන් සත්ව හිංසාව ඇතුලු පාපකර්ම වලින් වැළකී සංසාර චක්‍රය නවත්වා ඇති මුත් අංගුලිමාල සංසාර චක්‍රයේ තවමත් ගමන් කරමින් සිටින බව එම ප්‍රකාශයේ සැබෑ අරුතයි.

  • පුරිසදම්ම සාරථී හෙවත් දරුණු පුද්ගලයන් දමනය කිරීමට හැකි ගුණයෙන් හෙබි බුදුරදුන් අංගුලිමාලව එසේ දමනය කොටගෙන, පැවිදි උපසම්පදාව ලබා දී, ජේතවනාරාමයට වැඩම කළ සේක.
    සටහන:-
    නව අරහාදී බුදුගුණ පිළිබඳව වැඩිදුර විස්තරයක් සඳහා 9 ශ්‍රේණිය 1 පාඩම, තෙරුවන් හැඳින් ගනිමු සහ ඊට අදාල ඉගැන්වීම් උපකාරක කෙටි සටහන් බලන්න. 

  • පැවිදි වූ මුල් කාලයේ අංගුලිමාල තෙරුන් කෙරෙහි ජනතාවගේ අප්‍රසාදය පළ වූවද පසුව එම තත්වය වෙනස් විය.

  • පසුව විදසුන් වඩා රහත් ඵලයට පත් වූ අංගුලිමාල තෙරණුවෝ පහත උදාන වාක්‍ය දේශනා කළ සේක.
    “යෝච පුබ්බේ පමජ්ජිත්වා
    පච්චා සෝ නප්පමජ්ජති
    සෝ ඉමං ලෝකං පභාසෙති
    අබ්භා මුත්තෝච චන්දිමා"

    “යමෙක් මුලදී පමාවූවත් පසුව නොපමාව වේනම්, ඔහු වළාකුළින් මිදුණු සඳක් මෙන් මේ ලෝකය බබළවයි."


  • අංගුලිමාල තෙරුන් විසින් එදා දේශනා කොට වදාළ අංගුලිමාල පිරිත අදටත් ගැබිණි මවු වරුන් ආශිර්වාද පතා ශ්‍රවණය කරයි.

    වැදගත්:-
    අංගුලිමාල කතා පුවතින් පහත දැක්වෙන ආදර්ශ ගත හැකිය.
    1. ඉගෙනීමට දක්ෂ සිසුන්ට ඊර්ෂ්‍යා නොකර එම දක්ෂතා වැඩිදියුණු කර ගැනීමට උදව් කිරීම.
    2. ඉගෙනීමට දක්ෂ සිසුවාගෙන් අනෙක් සිසුන් උදව් උපකාර ලබා ගැනීම.
    3. ගුරුවරයා වැරදි අවබෝධයක සිටී නම් සිසුන් විසින් සත්‍ය වටහා දීම.
    4. ගුරු සිසු දෙපක්ෂයම ඉතා සමගියෙන් ක්‍රියා කිරීම.
    5. වැරදි කළ පුද්ගලයෙකු සුමගට යොමු වූ විට ඔහුට කිසිවිටෙකත් උපහාස නොකට ගරු සැලකිලි දැක්වීම.
    6. වැරදි කරුවෙකු වැරදි අත්හැරි විට ඔහු වැරදිකරුවෙකු නොවන බව සිතීම.
    7. වැරදි කරන පුද්ගලයෙකු එම වැරදි වලින් මුදවා ගැනීමට උත්සාහ කිරීම.




9-වසර - බෞද්ධ_දහම්_පාසල
ඇසළ පුන් පොහෝ දා බරණැස් නුවර ඉසිපතනාරාමයේ මිගදායේදී පස්වග මහණුන්ට දේශනා කළ ධම්මචක්කපවත්තන සූත්‍රය බුදුරදුන්ගේ ප්‍රථම ධර්ම දේශනාවයි.සටහන:- පස්වග මහණුන්, 1. කොණ්ඩඤ්ඤ 2. වප්ප 3. භද්ධිය 4. මහානාම 5. අස්සජී යන හිමිවරුන්. ධම්සක් පැවතුම් සූත්‍රයේ එන ප්‍රධා...
9-වසර - බෞද්ධ_දහම්_පාසල
ඛුද්දක පාඨය හා සුත්ත නිපාතය යන ග්‍රන්ථ දෙකෙහිම ඇතුලත් වන රතන සූත්‍රය ආරක්ෂක පිරිතක් ලෙස භාවිතා කෙරෙයි.  තුන් සූත්‍රයෙන් එකක් වන රතන සූත්‍රයෙහි ත්‍රිවිධ රත්නයෙහි ගුණ සඳහන් වෙයි. සටහන:-තුන් සූත්‍රය1. රතන සූත්‍රය2. මහා මංගල සූත්...
9-වසර - බෞද්ධ_දහම්_පාසල
බුදුරදුන් බුද්ධත්වයට පත් වීමට ප්‍රථම බෝසත් අවදියේදී පිරූ දස පාරමිතාවන්, බුදුකුරු දම් හෙවත් බුද්ධකාරක ධර්ම නමින් හැඳින් වේ. එම දස පාරමිතා ධර්මයන් පහත පරිදි වේ.1. දාන පාරමිතාව2. සීල පාරමිතාව3. නෙක්ඛම්ම පාරමිතාව4. පඤ්ඤා පාරමිතාව5. වීරිය පාරමිතාව6. ඛන්ති පාරමිතාව7....
9-වසර - බෞද්ධ_දහම්_පාසල
දෙමාපියන්, මුල්ම ආචාර්යවරුන් යන අර්ථයෙන් “පුබ්බාචරිය” යන නමින්ද, සතර බ්‍රහ්ම විහරණයෙන් යුක්තවූ බැවින් “බ්‍රහ්ම” යන නමින් ද හැඳින්වේ. සටහන:- සතර බ්‍රහ්ම විහරණ පිළිබඳ වැඩිදුර විස්තරයක් සඳහා 10 ශ්‍රේණිය (පැරණි නිර්දේශය) 25 පාඩම ව...
9-වසර - බෞද්ධ_දහම්_පාසල
වැරදි නිවැරදි කරගත් අයට යහපත් පුද්ගලයෙකු විය හැකි බව සනාථ කරන බුදු දහමේ එන උදාහරණයකි අංගුලිමාල මහරහතන් වහන්සේගේ චරිත කතාව. කුඩා කල අහිංසක නම් වූ අංගුලිමාලගේ, පියා - කොසොල් රජුගේ පුරෝහිත භග්ග නම් බමුණාත් මව - මන්තානි බැමිණියත් ගුරුවරයා - දිසාපාමොක් ඇදුරුතුමාත් ය. ...
9-වසර - බෞද්ධ_දහම්_පාසල
දෙව්දත් තෙරුන්ගේ වැරදි මග පෙන්වීම නිසා අජාසත් රජු විසින් තම පියා වන බිම්බිසාර රජු මරා මගධයේ රජ වූයේය. දෙව්දත් තෙරුන් බුදුරදුන් නැසීමට සිතා,1. දුනුවායන් යැවුවේය.2. ගිජ්ඣකූට පර්වතයේ සිට ගලක් පෙරලුවේය.3. රා කල දහසක් පොවා නාලාගිරි ඇතු යැවුවේය.4. නවක භික්ෂූන් 500ක් තම ...
9-වසර - බෞද්ධ_දහම්_පාසල
බුද්ධ, ධම්ම, සංඝ යන මේවා තෙරුවන් හෙවත් ත්‍රිවිධ රත්නය ලෙස හැඳින්වේ. ලෝකයේ අතිශය දුර්ලභ වටිනා සම්පත් තුනක් යන අර්ථයෙන් මේවා තෙරුවන් ලෙස හැඳින්වේ.වැදගත්:-කලකිනි බුදු කෙනෙකුන් උපදින්නේදුකකිනි මිනිසත් බව ලැබගන්නේමෙදෙකිනි මෙසසර දුක් දුරලන්නේසුදනෙනි කිම වීරීය නොකරන්න...
යසිරු නවෝදන

9-වසර දහම් පාසල (බෞද්ධ)

අනෙකුත් ලිපි
12-වසර - ජනමාධ්‍ය
සන්නිවේදනයේ මූලිකාංග සන්නිවේදනය තේරුම් ගැනිමටත් එය සාර්ථකව ක්රියාත්මක කිරීමටත් එකි ක්රියාවලියේ අන්තර්ගත මූලිකාංග මොනවාද යන්න පැහැදිලිව අවබෝධ කර ගැනිම අතිශය වැදගත් වූවකි.එසේම එකී අංග ඉහල ගුණත්වයකින් ...

උසස්පෙළ - තොරතුරු හා සන්නිවේදන තාක්ෂණය
ආයුබෝවන් මෙම ලිපිය මගින් මම අද ඔබත් සමග බෙදාගන්න යන්නේ Windows පරිගණක සදහා භාවිතා කල හැකි Screen Recorders ගැනයි. මෙහිදී එම Screen Recorder එක මිලදීගත ...

සාමාන්‍යපෙළ - තොරතුරු හා සන්නිවේදන තාක්ෂණය
බහු මාධ්ය තාක්ෂණය යොදා ගනිමින් සරල වෙබ් අඩවි නිර්මාණය 1 වන කොටස වෙබ් අඩවි භාවිතය (Application of Web Site) වෙබ් අඩවියක් නිර්මාණය කිරීමේ අවශ්යතා තොරතුරු සන්නිවේදනය (Information Communication) එනම් අන්තර්ජාල ...

උසස්පෙළ - ගිණුම්කරණය
අසම්පූර්ණ සටහන් (Incomplete Recods) ව්යාපාර ආයතනයක හටගන්නා සියලු ගනුදෙනු හා සිදුවීම් ද්විත්ව සටහන් ක්රමය භාවිතාකර ක්රමවත්ව වාර්තා කර නොමැති තත්වයක් මින් අදහස් වේ. මෙවැනි තත්වයක් තුළ කාලච්ඡේදයක් ...

උසස්පෙළ - බුද්ධ ධර්මය
ප්රාග් බෞද්ධ භාරතීය ආගමික සමාජයේ පැවති ප්රධාන ආගමික සංස්කෘති 2 ක් වෙයි. 1. බ්රාහ්මණ ආගමික සංස්කෘතික සමාජය 2. ශ්රමණ ආගමික සංස්කෘතික සමාජය බෞද්ධ ත්රිපිටක ග්රන්ථවල බහුලව භාවිත පද ...

සාමාන්‍යපෙළ - තොරතුරු හා සන්නිවේදන තාක්ෂණය
තොරතුරු පද්ධති සංවර්ධන ක්රියාවලිය 1 කොටස පද්ධතියක් (System) යනු කුමක්ද? පද්ධතියක් යනුවෙන් හඳුන්වනේ යම්කිසි කාර්යයක් හෝ අරමුණක් සපුරා ගැනීම සඳහා අන්තර් සම්බන්ධතාවයකින් යුතුව ක්රියාකරනු ලබන අවයව (Components) සමූහයක ...

12-වසර - නර්තනය (සිංහල)
තාලය යනු ........ භරත මුනිවරයාගේ නාට්ය ශාස්ත්රය නම් ග්රන්ථයේ තාලය තාල අධ්යාය යනුවෙන් සඳහන් වේ. එහෙත් එහි ඊට නිර්වචන සපයා නැත.එය සංස්තෘත භාෂාවෙන් තාලය යන්නට යෙදෙන ...

6-වසර - බුද්ධ ධර්මය
01.අසිරිමත් බෝසත් කුමරු1 අප මහා බෝසතානන් වහන්සේ තුසිත දිව්යලෝකයේදෙව්සිරි විදිමින් සිටි කාලයකි.එකල උන් වහන්සේගේ ...

උසස්පෙළ - සිංහල
මං ශිෂ්ටාචාරය සමතික්රමණය කරමින් මානව ශිෂ්ඨාචාරය ක්රමයෙන් වර්ධනය වූ බව සැබවි. මනුෂ්යයා ශීර්ෂයත් කශේරුකාවක් සිරස වඩා ගැනීමෙන් තිරස්චිනයන්ගෙන් මිදුනෙ වී යනු සැබවි. මන්ද බුද්ධික භාවයේ ...

උසස්පෙළ - සිංහල
නාට්ය ප්රබේද කිහිපයකි. එනම් : ලෝකධර්මී - (ස්වභාවික) නාට්යධර්මී - (ශෛලීගත) අර්ධ ශෛලීගත 01. ස්වභාවික නාට්ය ස්වභාවික නාට්ය යනු ලෝකධර්මී නාට්ය සම්ප්රධායයි. මෙයට විරුද්ධ වන්නේ නාට්ය ධර්මී හෙවත් ශෛලීගත නාට්ය ...