බ්ලොග් ගල් බැමි - උසස්පෙළ ඉංජිනේරු තාක්ෂණවේදය

බ්ලොග් ගල් බැමි

බ්ලොග් ගල් බැමි

බ්ලොග් ගල් බිත්ති භාවිතය වර්තමානයේ බහුල වී ඇත. මීට ප්‍රධාන හේතුව වන්නේ ගඩොල් බිත්ති වලට සාපේක්ෂව බ්ලොග් ගල් බිත්ති ඉදිකිරීමේ දී අඩු පිරිවැයක් දැරීමට සිදු වීම හා අඩු කාලයකින් වැඩි බිත්ති ප්‍රමාණයක් බැඳීමට හැකි වීමයි. බ්ලොග් ගල් බිත්ති භාවිතයේදී සහ නිර්මාණයේ දී ගඩොල් බිත්ති වලට සාපෙක්ෂව වාසි මෙන්ම අවාසිද ඇත. බ්ලොග් ගල් බිත්ති හෝ බැමි නිර්මාණයට යොදා ගන්නා බ්ලොග් ගල් වර්ග තුනක් ඇත.

  1. කුහර රහිත ඝන බ්ලොග් ගල්
  2. කුහර සහිත බ්ලොග් ගල්
  3. කෝෂ සහිත බ්ලොග් ගල්

 

කුහර රහිතව නිර්මාණය කරන ලද බ්ලොග් ගල්

බර දරන බිත්ති සඳහා භාවිත වේ. කුහර සහිත බ්ලොග් ගල් වලට සාපෙක්ෂව බරින් වැඩිය. SLS ප්‍රමිතියට අනුව දිග පළල උස පිලිවලින් 400 x 100 x 200 වේ.

 

කුහර සහිත බ්ලොග් ගල්

බ්ලොග් ගල් පසාරු වූ සිදුරු දෙකක් හෝ ඊට වැඩි සංඛ්‍යාව කින් සමන්විත වේ.
එම වර්ගයේ බ්ලොක් ගල් වල පසාරු සිදුරු ඇති නිසා ඒවා තුළට දුරුවල තනි කොන්ක්‍රීට් මිශ්‍රණයක් යොදා සුසන්හසනය කිරීම මගින් බර දරන බිත්ති බවට පත් කළ හැකිය. ඊට අමතරව අවශ්‍ය ස්ථානවල කම්බි යොදා වැර ගැන්වූ කොන්ක්‍රීට් කුළුණු බවට පත් කළ හැකි ය. එලෙස වැර ගැන්වූ කුළුණක් ලෙස යොදා ගැනීමේදී හැඩයම් සහ මුක්කුව අවශ්‍ය නොවීම මෙන් ම ද්‍රව්‍ය සඳහා වන වියදම අඩු වීම ද විශේෂ වාසියකි.

 

කෝෂ සහිත බ්ලොක් ගල්

 

කෝෂ සහිත බ්ලොග් ගල් වල පසාරු නොවන සිදුරු දෙකක් හෝ ඊට වැඩි සංඛ්‍යාවක් අන්තර්ගතව පවතී. බර නොදරන බිත්ති සඳහා මෙම කෝෂ සහිත බ්ලොග් ගල් භාවිතා කරයි. ප්‍රමිතියකින් යුත් ගඩොලක දිග පළල උස පිළිවලින් 400 x 150 x 220 හො 400 x 100 x 200 හෝ 400 x 220 x 200 කෝ පිහිටන පරිදි වූ විවිධ ප්‍රමාණයන් ගෙන් නිපදවයි. එවැනි ගඩොල්  මහල් ගොඩනැගිලි වල ඉහළ මාලයෙහි වෙන්කිරීම් වෙන් කිරීම සඳහා යොදා ගනීමෙන් ගොඩනැගිල්ල මත ඇති කරනු ලබන භාරය අඩු කර ගත හැකි වීම විශේෂ වාසියකි. මෙම වර්ගයේ බ්ලොග් ගල් ද භාවිතා භාවිත කෙරෙනුයේ බඩ ගල් බැමි ආකාරයටම ය. මෙම වර්ගයේ බ්ලොග් ගල් භාවිතා කළ විට තාප හා ශබ්ද පරිවාරක සේ ක්‍රියා කරයි.

 

ගඩොල් බැමි වලට සාපේක්ෂව බ්ලොග් ගල් බැමි වල ඇති දුර්වලතා

  1. පිපිරීම සහ ඉරිතැලීම ඇති වෙයි.
  2. ගඩොල් බැමි තරම් ශක්තිමත් නැත.
  3. ස්ථාවර භාවය අඩුය.
  4. විදුලිය ජලය ආදිය සැපයීම සඳහා බිත්ති කැඩීම අපහසු ය.

 

බ්ලොග් ගල් බැමි වල දැකිය හැකි ප්‍රධානතම දුර්වලතාවය සිරස් ඇතිවන පිපිරීම්‍ය.මෙම පිපිරීම්  ඇති වීමට හේතුව වන්නේ,

  1. කුස්තුර ප්‍රමාණවත් පරිදි කෙටීම සිදු නො වීම.
  2. බ්ලොග් ගල් බැම්ම දරා සිටින අත්තිවාරමේ දුර්වලතාවය.
  3. බදාම මිශ්‍රණ අනුපාතය වෙනස් වීම.
  4. බදාම නිසි පරිදි මිශ්‍ර නොවී තිබීම.
  5. කුස්තුර ඉක්මනින් වියලී යාම නිසා ශක්තිය හීන වීම.
  6. කුස්තුර හොඳින් සවි වන තෙක් බිත්ති තෙත් වීමකින් තොරව පවත්වාගෙන යාම.

 

ගඩොල් බිත්ති වලට සාපේක්ෂව බ්ලොක් ගල් බිත්ති වල දැකිය හැකි ලක්ෂණ

  1. සමස්තයක් ලෙස වියදම අඩුවීම.
  2. ගත වන කාලය අඩුය ( කෙටි කාලයකින් බිත්ති බැදීම නිම කළ හැක).
  3. සමහර ස්ථාන වලදී කපරාරු කිරීමකින් තොරව අලංකාර ලෙස නිම කළ තීන්ත ආලේප කළ හැකි වීම.
  4. බිත්ති කපරාදු දී අඩු ඝනකමකින් යුත් කපරාරුවක් කළ හැක.