අ.පො.ස සා.පෙළ 2015 විභාග අත්වැල - ප්‍රශ්න මාලාව 31 - සාමාන්‍යපෙළ තොරතුරු හා සන්නිවේදන තාක්ෂණය

අ.පො.ස සා.පෙළ 2015 විභාග අත්වැල - ප්‍රශ්න මාලාව 31

77. තොරතුරු තාක්ෂණයේ සමාජයීය හා ආර්ථික ප්‍රතිලාභ (Benefits created by ICT - Social, Economical) මොනවාද?

  • ලෝකයේ බොහෝ රටවල් වල සිය නිෂ්පාදන කාර්යය ශක්තිමත් කිරීමට තොරතුරු සන්නිවේදන තාක්ෂණය යොදා ගැනීම.
  • පෞද්ගලික සහ රාජ්‍ය අංශ වල ආර්ථික සබඳතා වැඩි දියුණු කිරීම.
  • විශ්ව ගම්මාන (The global village) සංකල්පය
  • සමාජ ජාලා වෙබ් අඩවි (Social networks) මගින් සමාජයේ විවිධ තරාතිරම් වල පුද්ගල සනිවේදනය.
  • දවසේ පැය 24 පුරා දින 7 ම අන්තර්ජාලයෙන් භාණ්ඩ හෝ සේවාවන් මිලදී ගත හැකි වීම.
  • රටක තොරතුරු කළමනාකරනයේ දී තොරතුරු තාක්ෂණ භාවිතය.
  • අධ්‍යාපන, සෞඛ්‍ය, ප්‍රවාහන, කෘෂිකාර්මික, මූල්‍ය, සන්නිවේදන, කර්මාන්ත හා ඉදිකිරීම් වැනි ක්ෂේත්‍රයන් හි තොරතුරු තාක්ෂණය භාවිතය.
  • E - වාණිජ්‍ය (E - Commerce), E - අධ්‍යාපනය (E - Education), E - ආණ්ඩු (E - Government) වැනි ක්ෂේත්‍රයන්හි දියුණුව.

 

78. පරිගණක පරම්පරාවන් සහ භාවිත කළ තාක්ෂණික උපාංග (Computer generations with technical equipment’s) පිළිවෙලින් පෙළගස්වන්න.

 

පරම්පරාව

භාවිත කළ තාක්ෂණය / උපකරණය

1. පළමු වන පරම්පරාවේ පරිගණක (1st Gen)

රික්තක නල (Vacuum Tubes)

2. දෙවන පරම්පරාවේ පරිගණක (2nd Gen)

ට්‍රාන්සිස්ටර (Transistors)

3. තෙවන පරම්පරාවේ පරිගණක (3rd Gen)

අනුකලිත පරිපථ (IC – Integrated Circuits)

4. සිව්වන පරම්පරාවේ පරිගණක (4th Gen)

ක්ෂුද්‍ර සකසන (Micro Processors)

5. පස්වන පරම්පරාවේ පරිගණක (5th Gen)

කෘතීම බුද්ධිය (AI – Artificial Intelligence)

 

79. පස් වන පරම්පරාවේ (5th Generation computers) පරිගණක යන්ත්‍ර වල දැකිය හැකි විශේෂතා මොනවාද?

බුද්ධිමත් මිනිසකුගේ ක්‍රියාකාරිත්වයට බොහෝ සෙයින් සමාන පරිගණකයක් නිපදවීම වර්තමාන විද්‍යාඥයින්ගේ අරමුණයි. පරිගණක විද්‍යාවේදී මෙම ක්ෂේත්‍රය කෘතීම බුද්ධිය නම් වේ.එකම අවස්ථාවේදී වෙනස් සිතිවිලි කිහිපයක් කෙරෙහි අවධානය යොමු කර තීරණ ගැනීම, කටහඬවල් වෙන වෙනම හඳුනා ගැනීම වැනි සංකීර්ණ ක්‍රියාදාමයන් මිනිසාට සිදු කළ හැකිය. රොබෝ තාක්ෂණය, ස්වයංක්‍රීය වාහන නිඅදවීම වැනි ක්‍රියාදාමයන් දැනටමත් කෘතීම බුද්ධිය (AI – Artificial Intelligence) මගින් සිදු කර ඇත.

 

80. පරිගණක වර්ගීකරණය (Classification of computers) කළ හැකි ආකාර මොනවාද?

  • විශාලත්වය අනුව පරිගණක වර්ගීකරණය (Size)
  • තාක්ෂණය අනුව පරිගණක වර්ගීකරණය (Technology)
  • භාවිතා කරන කාර්යය අනුව පරිගණක වර්ගීකරණය (Purpose)

 

81. විශාලත්වය (Size) අනුව පරිගණක වර්ගීකරණය කළ හැකි ආකාර මොනවාද?

  • සුපිරි පරිගණක (Super Computers)
  • මහා පරිගණක (Mainframe Computers)
  • මධ්‍ය පරිගණක (Mini Computers)
  • ක්ෂුද්‍ර පරිගණක (Micro Computers)

 

82. තාක්ෂණය (Technology) අනුව පරිගණක වර්ගීකරණය කළ හැකි ආකාර මොනවාද?

  • සංඛ්‍යාංක පරිගණක(Digital Computers)
  • ප්‍රතිසම පරිගණක(Analog Computers)
  • දෙමුහුම් පරිගණක(Hybrid Computers)

 

83. කාර්යය අනුව (Purpose) පරිගණක වර්ගීකරණය කළ හැකි ආකාර මොනවාද?

  • පොදු කාර්යය පරිගණක (General Purpose Computers)
  • විශේෂ කාර්යය පරිගණක (Special Purpose Computers)

 

84. රෙජිස්තර මතකයෙහි (Register memory) වැදගත්කම කුමක්ද?

ගණිත හා තාර්කික ඒකකයේ (ALU – Arithmetic and Logic Unit) සංඥා තාවකාලිකව ගබඩා කර තැබීම සඳහා කරනු ලබන ස්ථානයයි.

 

85. පරිගණක මව්පුවරුව (Motherboard) පිළිබඳව කෙටි විස්තරයක් කරන්න.

මධ්‍ය සැකසුම් ඒකකය, මතක ඒකක වැනි දේ මෙන්ම පරිගණකයේ හැකියාවන් වැඩි දියුණු කර ගැනීම සඳහා සවි කරනු ලබන අමතර පරිපථයන් (RAM Cards, VGA Cards, Network Cards, Processor), බාහිර මෙවලම් සහ උපාංග සවි කිරීම සඳහා අවශ්‍ය කරන පහසුකම් සපයනු ලබන්නේ පරිගණක මව්පුවරුවයි. මෙය පද්ධති පුවරුව (System Board) ලෙසින් ද හඳුන්වයි. මව් පුවරුව මත අමතර පරිපථ සවි කිරීම සඳහා වූ ඉඩ සලසන ඒකකයන් ප්‍රසාරණ විවරයන් (Expansion Slots) ලෙසින් හඳුන්වනු ලැබේ. මේවා කෙවෙණි හෙවත් තොටු (Sockets / Ports) ලෙස හැඳින්වේ.



තවත් කොටසක් බලාපොරොත්තු වන්න.