අ.පො.ස සා.පෙළ 2015 විභාග අත්වැල - ප්‍රශ්න මාලාව 42 - සාමාන්‍යපෙළ තොරතුරු හා සන්නිවේදන තාක්ෂණය

අ.පො.ස සා.පෙළ 2015 විභාග අත්වැල - ප්‍රශ්න මාලාව 42

138. පරිගණකයක උපදෙස් සකසනු ලබන, ගණනය කිරීම් සිදු කරනු ලබන, තර්කානුකූල තීරණ ගනු ලබන හා පරිගණක පද්ධතිය හරහා දත්ත ගලා යාම කළමනාකරණය කරනු ලබන කොටස හඳුන්වනු ලබන්නේ ?

  • මධ්‍ය සැකසුම් ඒකකය (CPU – Central Processing Unit)

 

139. දත්ත තේරීම සහ විශ්ලේෂණය කිරීම සඳහා පහසුකම් සපයන යෙදුම් මෘදුකාංග හඳුන්වනු ලබන්නේ,

  • පැතුරුම්පත් මෘදුකාංග (Spreadsheet software) ලෙසයි.

 

140. කාර්යාල පරිසරයක පරිගණක ජාල මගින් විසඳනු ලැබ ඇත්තේ,

  • සම්පත් හවුලේ භාවිතා කිරීමේ දුෂ්කරතාවය
  • දත්ත අතිරික්තව පැවතීම
  • සන්නිවේදන පිරිවැය

 

141. පරිගණක භාවිතයේ දී සෞඛ්‍යය හා ආරක්ෂාව සම්බන්ධයෙන් නිර්දේශ කරනු ලබන්නේ,

  • මුහුණ පරිගණක තිරයෙන් 45 පමන දුරින් තබා ගත යුතු වීම
  • දිගු කාලයක් සඳහා පරිගණකය භාවිතා කරන සැමවිටම ක්‍රමික විවේකයක් අවශ්‍ය වීම
  • පරිගණක කාමරය තුළ දුර්වල විදුලි රැහැන් ඇදීම් වලින් හා දුර්වල විද්‍යුත් සම්බන්ධක යොදා ගැනීමෙන් වැලකීම.

 

142. පාසලේ වාර්ෂික අධ්‍යාපන චාරිකාවෙහි ප්‍රධාන සංවිධායකවරයා ඔබ යැයි සිතන්න. පරිගණක කාමරයෙහි ඇති පරිගණකය භාවිතා කිරීමට ඔබට නිදහස ඇත්නම්, පහත ලැයිස්තුවෙහි දැක්වෙන එක් එක් කාර්යය ඉටුකර ගැනීම සඳහා ඔබ භාවිතා කරන මෘදුකාංග පැකේජය කුමක් දැයි යෝජනා කරන්න.

  1. චාරිකාව පිළිබඳ දැන්වීමට සිසුන්ගේ දෙමව්පියන් සඳහා ලිපි පිළියෙල කිරීමට -
    • වදන් සැකසුම් මෘදුකාංග (Mail Merge පහසුකම් ඇති බැවින් එක වර තැපැල් ලිපින විශාල සංඛ්‍යාවකට ලිපි යැවිය හැකි වීම)
  2. චාරිකාවේ අය වැය පිළියෙල කිරීමට -
    • පැතුරුම්පත් මෘදුකාංග (සූත්‍ර සහ ශ්‍රිත (functions) භාවිතයෙන් ඉතා විශාල දත්ත ප්‍රමාණයක් ගණානය කිරීම )
  3. නැරඹීමට අදහස් කරන ස්ථාන පිළිබඳව ඉදිරිපත් කිරීමක්  (සමර්පනයක් - Presentation ) පිළියෙල කිරීමට -
    • සමර්පණ මෘදුකාංග (චාරිකාවේ නැරබීමට අදහස් කරන ස්ථාන කල් තියාම රූපක මගින් පෙන්වා ඒවායෙහි අධ්‍යාපනික වටිනාකම සහ චාරිකාවේ ගමන් මාර්ගය වැනි විස්තර ද සමර්පනයක් මගින් ඉතාමත්ම පහසුවෙන් සිසුන් හට අවබෝධ කර වීම.)
  4. චාරිකාවට සහභාගී වන එක් එක් ශිෂ්‍යයාගේ වාර්තා, ඔවුන්ගේ දෙමාපියන්ගේ විස්තර සමග දත්ත සමුදායක තබා ගැනීම -
    • දත්ත සමුදාය කළමනාකරන පද්ධති (DBMS – Data Base Management Systems) මෘදුකාංග
  5. නැරඹීමට නියමිත ස්ථාන පිළිබඳව වැඩිදුර තොරතුරු අන්තර්ජාලයෙන් සොයා ගැනීමට -
    • වෙබ් අතිරික්සුව (Web Browser) සහ සෙවුම් යන්ත්‍ර (Search Engine)

 

143. සංඛ්‍යාංක ප්‍රතිබිම්බයක (Digital Image / Digital Photo) ලක්ෂණ :

  • සංඛ්‍යාංක ප්‍රතිබිම්බයක් පික්සල (Pixels) නමින් හැඳින්වෙන ජායාරූප මූලාංග විශාල සංඛ්‍යාවකින් නිර්මාණය වී ඇත.
  • වැඩි වර්ණ සහ වැඩි පික්සල ප්‍රමාණයක් ඇති සංඛ්‍යාංක ප්‍රතිබිම්බයක් ගබඩා කිරීම සඳහා පරිගණකයේ වැඩි මතක ප්‍රමාණයක් අවශ්‍ය වේ.
  • වැඩි වර්ණ හා වැඩි පික්සල ප්‍රමාණයකින් යුතු සංඛ්‍යාංක ප්‍රතිබිම්බ වඩා හොඳින් දෘෂ්‍යමාන වේ.

144. පුද්ගල පරිගණකයක මතකයට මෙහෙයුම් පද්ධතිය පූරණය (Load) කිරීම හඳුන්වනු ලබන්නේ,

  • බූට් කිරීම (Booting) ලෙසයි.

 

145. වදන් සැකසුම් මෘදුකාංගයක (Word processing software) අක්ෂර හෝ ජේද එකෙල්ලෙ (align) කළ හැක්කේ,

  • වමට (Left)
  • මැදට (Center)
  • දකුණට (Right)
  • දෙපසට (Justify)

 

146. දත්ත ගබඩා කිරීම, මෙහෙයවීම, නඩත්තු කිරීම හා උපයෝගී කර ගැනීම සඳහා පහසුකම් සපයන මෘදුකාංග හඳුන්වනු ලබන්නේ,

  • දත්ත සමුදාය කළමනාකරන පද්ධති (DBMS – Database Management Systems) මෘදුකාංග ලෙසයි.

 

147. ප්‍රශ්න පත්‍රයකට පිළිතුරු ලිවීමේ දී ශිෂ්‍යයෙක් එය කියවා සැලසුම් කිරීම සඳහා මිනිත්තු 10 ක් ද, පිළිතුරු ලිවීම සඳහා මිනිත්තු 40 ක් ද, පිළිතුරු පරීක්ෂා කිරීම සඳහා මිනිත්තු 10 ක් ද ගත කරයි. එක් එක් ක්‍රියාකාරකම සඳහා ගත් කාලය, ගත වූ මුළු කාලයේ ප්‍රතිශතයක් ලෙස ප්‍රස්ථාර අනුසාරයෙන් නිරූපණය කිරීම සඳහා වඩාත් ම සුදුසු ප්‍රස්ථාරයක් වන්නේ,

  • වට ප්‍රස්ථාර (Pie Chart)

 

තවත් කොටසක් බලාපොරොත්තු වන්න.