අ.පො.ස සා.පෙළ 2015 විභාග අත්වැල - ප්‍රශ්න මාලාව 45 - සාමාන්‍යපෙළ තොරතුරු හා සන්නිවේදන තාක්ෂණය

අ.පො.ස සා.පෙළ 2015 විභාග අත්වැල - ප්‍රශ්න මාලාව 45

168. Telebanking / Phone banking මගින් මූල්‍යමය කටයුතු පහසු කර ගන්නා ආකාරය පහදන්න.

ගනුදෙනු කරුවන්ට බැංකුවට හෝ බැංකු ශාඛාවට නොගොස් සිය ගිණුම් කටයුතු අන්තර්ජාලය ඔස්සේ හෝ ජංගම උපාංග මගින් සිදු කර ගැනීම. වේලාව නාස්තිවීම සිදු නොවේ. ඉක්මන් සේවය.

 

169. රේඩියෝ තරංග සහ ප්‍රබල චුම්භක අනුනාද (දෝංකාර ) මගින් ශරීරයේ අභ්‍යන්තර කොටස් වල සවිස්තරාත්මක රූප සටහන් ලබා ගැනීම ................... යන්ත්‍රය මගින් සිදුවේ. රෝග හඳුනා ගැනීමට මෙන්ම ප්‍රතිකාර තීරණය කිරීමේ දී ද මෙම රූප උපකාරී වේ. හිස්තැන පිරවීම සඳහා යොදා ගනු ලබන ස්කෑනර යන්ත්‍රය වන්නේ,

MRI – Magnetic Resonance Imaging Scanner

 

170. මධ්‍ය සැකසුම් ඒකකය (Central Processing Unit) තුළ ඇත්තේ කිනම් වාරක මතකය ද?

ප්‍රාථමික වාරක මතකය (L1 Cache memory)

 

171. ද්‍රව ස්ඵටික සංදර්ශක තිර (LCD – Liquid Crystal Display)වල දක්නට ලැබෙන ලක්ෂණ මොනවා ද?

අඩු ඉඩ ප්‍රමාණයක් ප්‍රමාණවත් වේ, ඉතාමත්ම අඩු විදුලි බලයක් ප්‍රමාණවත් වේ, තිරයේ සෙලවීම් බව අඩුය, මිල අධිකයි.

 

172. දත්ත ආචයනය සඳහා භාවිතා කරනු ලබන කුඩාම ඒකකය වන්නේ,

බිටුව (bit)

 

173. පරිගණක ජාල වල වාසි,

වේගය වැඩියි, මෘදුකාංග මිල දී ගැනීම සඳහා යන වියදම අඩුයි, ආරක්ෂාව වැඩියි. (ජාලය සඳහා ප්‍රති වෛරස මෘදුකාංග භාවිතය , ගිනි පවුරු ස්ථාපිත කිරාම ), මධ්‍යගත මෘදුකාංග පාලනය, සම්පත් පොදුවේ භාවිතය, විද්‍යුත් තැපෑල වැනි ක්‍රම මගින් දත්ත සන්නිවේදනය

 

174. අන්ත:ජාලය (Intranet) යනු,

අන්තර්ජාලයේ භාවිතා කරන තාක්ෂණික උපක්‍රම භාවිතා කරමින් යම් ආයතනයක් විසින් අභ්‍යන්තර පුද්ගලයින්ට පමණක් භාවිතා කල හැකි ජාලයකි.

 

175. මුද්‍රණ යන්ත්‍ර බෙදා දැක්විය හැකි ආකාර මොනවා ද?

  • ඝට්ටනය භාවිතයෙන් මුද්‍රණය කරන මුද්‍රණ යන්ත්‍ර
  • ඝට්ටනය නොවන වෙනත් ක්‍රම මගින් මුද්‍රණය කරනු ලබන මුද්‍රණ යන්ත්‍ර

 

176. දත්ත සන්නිවේදනයට අවශ්‍ය මූලික කොටස්,

  • දත්ත ප්‍රභවය(Sender)
  • දත්ත සම්ප්‍රේෂණ මාධ්‍ය (Medium)
  • දත්ත ග්‍රාහකයා (Receiver)

 

177. දත්ත සන්නිවේදනය යනු කුමක් ද?

දත්ත එක් ස්ථානයක සිට තවත් ස්ථානයකට සම්ප්‍රේෂණය කිරීමයි.

 

178. දත්ත සම්ප්‍රේෂණ විධි මොනවා ද?

  • ඒක පථ (Simplex) - එක් දිශාවකට පමණක් දත්ත ගමන් කරයි.
  • අර්ධ දීවී පථ(Half Duplex) - එක් වරකට එක් දිශාවකට පමණක් දත්ත ගමන් කරයි.
  • පූර්ණ ද්වීපථ (Full Duplex) - එකම අවස්ථාවේ දී දෙදිශාවටම දත්ත ගමන් කරයි.

 

179. පියකු තම පුතුගේ උපන්දිනය සඳහා, කථා කරන ඉලෙක්ට්‍රොනික ගිරවෙකු තෑගි කරයි. එබිය හැකි බොත්තම් ස්විච දෙකක් මගින් මෙය දුරස්ථව පාලනය කළ හැකිය. බොත්තම් දෙකම ඔබා නැති විට දී හෝ දෙකම ඔබා ඇති විට දී ගිරවා කථා නොකරන අතර බොත්තම් දෙකෙන් එකක් හෝ එබූ විට ගිරවා කථා කරයි. කථා කරන ගිරවාගෙ ක්‍රියාවලිය දැක්වෙන තාර්කික ක්‍රියාවලිය වන්නේ,

XOR තර්කනයයි.

A

B

Z

0

0

0

0

1

1

1

0

1

1

1

0

 

180.මෙහෙයුම් පද්ධතියක (Operating Systems) කාර්යයන් වන්නේ,

  • පරිගණකය කළමනාකරණය,
  • කාර්යය සම්බන්ධීකරණය,
  • සම්පත් හවුලේ පරිහරණය

 

181. 5 MOD 2 හි අගය වන්නේ,

5 , 2 න් බෙදූ විට ඉතිරිය 1 යි . පිළිතුර 1 යි.

 

182. ප්‍රයෝජනවත් පරිගණක ක්‍රමලේඛයක් ලෙස වෙස්වලා ගත් වයිරසයක් හඳූන්වනුයේ,

ටොර්ජන් හෝස් (Trojan horse) ලෙසයි.

 

183. වෙළඳ ආයතනයක මෙහෙයුම් මට්ටමේ භාවිතා වන පරිගණක තොරතුරු පද්ධතියක් හඳුන්වනු ලබන්නේ,

ගනුදෙනු සැකසුම් පද්ධතිය (Transaction Processing System)

 

184. පොදු ක්ෂේත්‍ර මගින් එකට සම්බන්ධ කළ වගු අඩංගු දත්ත සමුදාය ක් හැඳින්වෙන්නේ,

සම්බන්ධක දත්ත සමුදායක් (Relational Database) ලෙසයි.

 

185. "සංඛ්‍යාංක බෙදුම (Digital Divide) " යනු,

මහජනයා පරිගණක සාක්ෂරතාවය සහිත හා පරිගණක සාක්ෂරතාවය රහිත වශයෙන් වර්ග දෙකකට බෙදා වෙන් කිරීමයි.

 

තවත් කොටසක් බලාපොරොත්තු වන්න.