10 ශ්‍රේණිය නව නිර්දේශය - ප්‍රශ්න මාලාව 17
81. ඉගෙනීම හෝ ඉගැන්වීම තොරතුරු සන්නිවේදන මෘදුකාංග / උපාංග ඇසුරින් සිදු කිරීම වර්ථමාන්යේ දී මෙන්ම අනාගතයේදී ද අප සමාජයේ දැකිය හැකි නැඹුරුවකි. මේ සඳහා දිය හැකි පොදු වචනයක් වනුයේ,
- e – Shopping
- e – Learning
- e – Medicine
- e – Banking
පිළිතුරු: ඉගෙනීම හෝ ඉගැන්වීම තොරතුරු සන්නිවේදන මෘදුකාංග / උපාංග ඇසුරින් සිදු කිරීම වර්ථමාන්යේ දී මෙන්ම අනාගතයේදී ද අප සමාජයේ දැකිය හැකි නැඹුරුවකි e – Learning යනු මෙම කටයුත්ත හැඳින්වීමට යොදා ගනු ලබන පොදු නාමයයි. පිළිතුර 2 වේ.
82. පාසල් කළමණාකරන තොරතුරු පද්ධති මෘදුකාංගයක් (School Information Management System Software) මගින් හැසිරවිය නොහැකි ක්ෂේත්‍රයක් (Field) වන්නේ,
- සිසුන් ලියාපදිංචි කිරීම (Student Registration)
- ඉන්වෙන්ටරි පාලනය (Inventory Control)
- සිසුන්ගේ අනාගත පැමිනීම (Future Present of Students)
- සිසුන්ගේ පැමිණීමේ වාර්ථා සහ පහසුකම් ගාස්තු ගෙවීම් පිළිබඳව වාර්ථා
පිළිතුරු: සිසුන් ලියාපදිංචි කිරීම, ඉන්වෙන්ටරි පාලනය එනම් විද්‍යාගාර වල බඩු බාහිරාදිය, සිසුන්ගේ පැමිණීමේ වාර්ථා සහ පහසුකම් ගාස්තු ගෙවීම් පිළිබඳව වාර්ථා පැතුරුම්පත් මෘදුකාංග භාවිතයෙන් පරිගණක ගත කල හැකිය. නමුත් සිසුන්ගේ අනාගත පැමිණීම කිසි විටක වත් සටහන් කල නොහැකිය. නාමලේඛන ලකුණු කිරීමට පැතුරුම්පත් හෝ මෘදුකාංග ආශ්‍රිතව යොදාගත හැකිය. පිළිතුර 3 වේ.
83. සෞඛ්‍ය ක්ෂේත්‍රයේ දී භාවිත වන නවීන තාක්ෂණයෙන් යුතු උපකරණ නිසා මිනිසාගේ බොහෝ කාර්යයන් පහසු වී ඇත. ඒ හා සම්බන්ධ නොවන ක්‍රියාවක් වන්නේ,
- ශල්‍යකර්ම සඳහා යොදා ගන්නා වීඩියෝ දසුන් ලබා ගත හැකි කැමරා සහිත උපකරණ භාවිතා කිරීම.
- රෝගයට අදාලව ලබා දිය යුතු ඖෂධ වර්ගය නිර්ණය කිරීමේ හැකියාව ලැබීම.
- වෛද්‍යවරුන් සහ හෙදියන් පුහුණු කිරීම සඳහා යොදා ගන්නා නවීන උපකරණ භාවිතය.
- තොරතුරු සහ වෛද්‍ය වාර්තා සුරැකීම සහ ඒවා මුද්‍රණය කිරීම සඳහා යොදා ගන්නා පරිගණක ආශ්‍රිත උපක්‍රම.
පිළිතුරු: රෝගයට අදාලව ලබා දිය යුතු ඖෂධ වර්ගය නිර්ණය කිරීමේ හැකියාව ලැබීම සඳහා පරිගණක ආශ්‍රිත උපකරණ යොදා ගත නොහැකිය. වෛද්‍යවරයා විසින් ගතයුතු තීරණයකි.පිළිතුර 2 වේ.
84. රෝග හඳුනා ගැනීමට සහ ප්‍රතිකාර ලබා දීමට සමත් ඉතා දියුණු තාක්ෂණයෙන් යුතු යන්ත්‍රෝපකරණ විශාල ප්‍රමාණයක් මේ වන විට නිපදවා ඇත. මෙමගින් රෝගය උත්සන්න වීමට පෙර රෝගය හඳුනා ගැනීමට ද සුදුසු ප්‍රතිකාර සඳහා යොමු කිරීමේ හැකියාව ඇත. .............. යන්ත්‍රය මගින් ශරීරයේ අභ්‍යන්තර කොටස් වෙන් වෙන් වශයෙන් ත්‍රිමාණ ලෙස රූප ගත කළ හැකිය. රෝග තත්ත්වයන් හඳුනා ගැනීම සඳහා මෙය බොහෝ උපකාරී වේ. ඉහත හිස්තැන පිරවීමට සුදුසු යන්ත්‍රය වන්නේ,
- CAT – Computerized Axial Tomography
- MRI – Magnetic Resonance Imaging
- ECG – Electrocardiogram
- EEG – Electro Encephalography
පිළිතුරු: ශරීරයේ අභ්‍යන්තර කොටස් වෙන් වෙන් වශයෙන් ත්‍රිමාණ ලෙස රූප ගත කළ හැකි වන්නේ CAT – Computerized Axial Tomography ස්කෑනර් යන්ත්‍රය මගිනි. පිළිතුර වන්නේ 1 වේ.
85. රේඩියෝ තරංග සහ ප්‍රභල චුම්භක අනුනාද (දෝංකාරය ) මගින් ශරීරයේ අභ්‍යන්තර කොටස් වල සවිස්තරාත්මක රූප සටහන් ලබා ගැනීම ........................ යන්ත්‍රය මගින් සිදු කෙරේ. රෝග හඳුනා ගැනීමේ දී මෙන්ම ප්‍රතිකාර තීරණය කිරීමේ දී ද මෙම රූප උපකාරී වේ. ඉහත හිස්තැන පිරවීම සඳහා උචිත යන්ත්‍රය වන්නේ,
- CAT – Computerized Axial Tomography
- MRI – Magnetic Resonance Imaging
- ECG – Electrocardiogram
- EEG – Electro Encephalography
පිළිතුරු: රේඩියෝ තරංග සහ ප්‍රභල චුම්භක අනුනාද (දෝංකාරය ) මගින් ශරීරයේ අභ්‍යන්තර කොටස් වල සවිස්තරාත්මක රූප සටහන් ලබා ගැනීම MRI – Magnetic Resonance Imaging ස්කෑනර් යන්ත්‍රය මගින් සිදු කෙරේ. පිළිතුර වන්නේ 2 වේ.
තවත් කොටසක් බලාපොරොත්තු වන්න.
