10 ශ්‍රේණිය නව නිර්දේශය - ප්‍රශ්න මාලාව 23 - සාමාන්‍යපෙළ තොරතුරු හා සන්නිවේදන තාක්ෂණය

10 ශ්‍රේණිය නව නිර්දේශය - ප්‍රශ්න මාලාව 23

111. අන්තර්ජලය ඔස්සේ මෙරට හෝ පිටරටක ඇති වෙළඳ ආයතන විසින් භාණ්ඩ හෝ සේවා සැපයීමත්, පාරිභෝගිකයින් විසින් භාණ්ඩ හෝ සේවා මිලදී ගැනීමත් හඳුන්වන තනි නාමය වන්නේ,

  1. විද්‍යුත් ගණු දෙනු (e - transactions)
  2. මාර්ගගත පරීක්ෂණ (Online Test)
  3. මාර්ගගත සාප්පු සවාරි (Online Shopping)
  4. විද්‍යුත් බැංකුකරණය (e - banking)

පිළිතුරු: මාර්ගගත සාප්පු සවාරි (Online Shopping) යාම යනු අන්තර්ජලය ඔස්සේ මෙරට හෝ පිටරටක ඇති වෙළඳ ආයතන විසින් භාණ්ඩ හෝ සේවා සැපයීමත්, පාරිභෝගිකයින් විසින් භාණ්ඩ හෝ සේවා මිලදී ගැනීමත්ය. පිළිතුර 2 වේ.

 

112. මාර්ගගත සාප්පු සවාරි (Online shopping) මගින් පාරිභෝගිකයින් හට ලබා ගත හැකි වාසියක් නොවන්නේ,

  1. පැය 24 ම විවෘතව තැබීම.
  2. පහසු ස්ථානයක සිට භාණ්ඩ නිරීක්ෂණය කර ඇණවුම් කිරීමේ හැකියාව ලැබීම.
  3. භාණ්ඩය හෝ සේවාව නිවසටම ලබා ගැනීමේ සේවාව.
  4. සේවාවන් සපයන ආයතන පිළිබඳව ඇති විශ්වාසය අතිමහත් වීම.

පිළිතුරු: පැය 24 ම විවෘතව තැබීම, පහසු ස්ථානයක සිට භාණ්ඩ නිරීක්ෂණය කර ඇණවුම් කිරීමේ හැකියාව ලැබීම, භාණ්ඩය හෝ සේවාව නිවසටම ලබා ගැනීමේ සේවාව වැනි කරුණු මාර්ගගත සාප්පු සවාරි යාමෙන් ලැබෙන ප්‍රතිලාභ වේ. නමුත් සෑම ආයතනයක් පිළිබඳව 100% ක විශ්වාසයක් තැබිය නොහැකිය. පිළිතුර 4 වේ.

 

113. විනෝදාස්වාදය සඳහා පරිගණක භාවිතයේ අනිසි ප්‍රතිඵලයක් විය හැක්කේ,

  1. ඒකාකාරී බවින් මිදීම සඳහා ගීත වලට සවන් දීම.
  2. සමාජ ජාල හා සම්බන්ධ වීමෙන් කලකින් හමු නොවූ මිතුරු මිතුරියන් හෝ අළුත් යහළුවන් හෝ පිටරටක සිටින නෑ හිත මිතුරන් අතර තොරතුරු හුවමාරුව.
  3. අන්තර්ජාලයට සම්බන්ධ වී ඉ - පොත් පත් කියවීම.
  4. ඉහළ තාක්ෂණයෙ නිපදවා ඇති රූපවාහිනී මගින් සුපැහැදිලි දසුන් සහිත වැඩසටහන් නැරඹීම.

පිළිතුරු: සමාජ ජාල හා සම්බන්ධ වීමෙන් කලකින් හමු නොවූ මිතුරු මිතුරියන් හෝ අළුත් යහළුවන් හෝ පිටරටක සිටින නෑ හිත මිතුරන් අතර තොරතුරු හුවමාරුව. ළමා වයසට නොගැලපෙන මිතුරු මිතුරියන් ආශ්‍රයට යොමු වීම සහ ඇබ්බැහි වීම සමාජ ජාලා භාවිතයේ අනිසි ප්‍රතිඵලයක් ලෙස සැලකිය හැකිය. පිළිතුර 2 වේ.

 

114. තොරතුරු සන්නිවේදන තාක්ෂණයේ අනිසි ප්‍රතිඵලයක් නොවන්නේ,

  1. ඇබ්බැහි වීම - පාසල් දරුවකු මෙන් ම වෙනත් පුද්ගලයෙකු ද ප්‍රමාණ‍ය ඉක්මවා පරිගණකය භාවිතා කිරීමෙන් සහ පරිගණක ක්‍රීඩා කිරීමෙන් අධ්‍යාපන කටයුතු ම්ග හැරී යාම සහ විවිධ අපහසුතා (අක්ෂි ආබාධ, කොන්දේ අමාරුව, හිසේ කැක්කුම)
  2. සිත් ගන්නා ස්ථාන සහ අවස්ථා කැමරාගත කිරීම, ඒවා පරිගණකයේ සුරැකීම ආදිය සඳහා යෙදවීමට හැකි වීම.
  3. අන්තර්ජාලයේ නොගැලපෙන වෙබ් පිටු හා සම්බන්ධ වීම නිසා මානසික විකෘතිතා ඇති වීමෙන් තමාට ද සමාජයට ද අවැඩක් වීම.
  4. සමාජ ජාලා වෙබ් අඩවි මගින් නොගැලපෙන මිතුරන්ගේ ඇසුරට පත්වීම.

පිළිතුරු: සිත් ගන්නා ස්ථාන සහ අවස්ථා කැමරාගත කිරීම, ඒවා පරිගණකයේ සුරැකීම ආදිය සඳහා යෙදවීමට හැකි වීම. මෙය හොඳ විනෝදාංශයකි. පිළිතුර 2 වේ.

 

115. "චාල්ස් බැබේජ්" (Charles Babbage) පරිගණකයේ පියා (The father of Computer) ලෙස සැලකීමට වඩාත්ම සුදුසු වනුයේ,

  1. IBM ආයතනය බිහිකිරීමට මුල් වූ නිසාය.
  2. ඔහු පරිගණකය තම දරුවකු සේ රැකබලා ගත් නිසාය.
  3. ඔහු විසින් නිර්මානය කරන ලද ඇනලිටිකල් එන්ජින් (Analytical Engine) යන්ත්‍රයේ ක්‍රියාකාරිත්වය නූතන පරිගණකය  සැකසීමේදී පාදක වූ නිසාය.
  4. පරිගණක මවුපුවරුව (Mother Board) ඔහුගේ නිමැවුමකි.

පිළිතුරු: චාල්ස් බැබේජ් විසින් නිර්මාණය කල ඇනලිටිකල් යන්ත්‍රය වර්තමාන යේ භාවිතා වන පරිගණක සඳහා මූලික අඩිතාලමක් වැටීය. එහි ආදානය, ප්‍රතිදානය, ක්‍රියාවලිය සහ ආචයනය යන අංගෝපාංග වලින් සමන්විත විය. පිළිතුර 3 වේ.



තවත් කොටසක් බලාපොරොත්තු වන්න