MS Excel Part 6

Changing Column

Work Sheet එකක ඇති Column එකක පළල කිසියම් නිශ්චිත ප්‍රමාණයක් ගනි. එනම් සෑම Column එකක්ම එක සමාන ප්‍රමාණයකින් යුක්ත වේ. එහෙත් ඔබගේ අවශ්‍යතාවය Work Sheet එකක පළල වෙනස් කිරිමටද, එක් එක් Column සගවා තබා ගැනිමටද Excel Package එක පහසුකම් සලසා දී ඇත. පළල වෙනස් කිරිමේදි ඔබගේ තොරතුරු වල ප්‍රමාණය අනුව Column එක වෙනස් කර තොරතුර සටහන් කිරීමද එසේ නැතිනම් තොරතුරු සටහන් කර අවසන් වු පසු Column එකෙහි පළල වෙනස් කිරිමටද ඔබට පුලුවන. මෙය යම් තොරතුරක් රහසිගතව සගවා තබා ගැනීමට ඉතා කදිම අවස්ථාවකි. මේ සදහා

Format  ----> Column යන විධානය අපට භාවිතා කළ හැකිය.

Width – මෙම විධානය භාවිතයෙන් Select කර ඇති Column වල පළල ඔබට අවශ්‍ය ප්‍රමාණයට සකස් කිරිම සඳහා පහසුකම් ලබා දෙයි. මෙහිදි ඔබට අවශ්‍ය පළල සටහන් කර OK කරන්න. මෙහිදී අපට උපරිම පළළ ලෙස ලබා දිය හැක්කේ 255 ය. (255 යනුවෙන් සදහන් කර ඇත්තේ සටහන් කළ හැකි අකුරු ප්‍රමාණය යි.)

Auto Fit Selection – මෙම විධානය භාවිතයෙන් Cell කිහිපයක දත්ත ඇතුල් කිරීමේදී (සිරස් අතට) එහි ඇති දත්ත වල පළල එකිනෙකට වෙනස් නම් Type කර ඇති දිගම වාක්‍යයට අනුව Column එකෙහි පළල සැකසේ. මෙම පහසුකම අපට නොතිබුනා නම් අප විසින් ලියා ඇති සියළුම Column වල ප්‍රමාණය එකින් එක සැකසීමට සිදුවේ.

Hide – මෙම විධානය Work Sheet එකක ඇති Column ඔබට නොපෙනි තබා ගැනිමට අවශ්‍ය නම් ඒ සඳහා භාවිතා කරයි. Column එකක් Hide කල පසු එය ඔබගේ තිරය මත නොපෙනෙනවා පමණක් නොව එය මුද්‍රණය කරගැනිමටද අවස්ථාව ලබා නොදෙයි.

Unhide - මෙම විධානය භාවිතා කර සඟවන ලද Columns එක නැවත තිරයට ලබාගැනීම සිදු කල හැකිය. මෙවිට මුද්‍රණය කිරීමේ දී එය මුද්‍රණය වෙනු ලැබෙනු ඇත. එසේ නැතිනම් එය මුද්‍රණය වන්නේ නැත.

Standard Width – මෙම විධානය Work Sheet එකෙහි ඇති සියළුම Columns හි පළල එකවර අවශ්‍ය යම් පළලකට අනුව සකස් කරගැනීමට අවස්ථාව සලසා දෙයි. මෙහිදි මතක තබා ගත යුතු කරුණක් වන්නේ ඔබ Sheet එකෙහි ඇති තොරාගත් Column කිහිපයක පළල පෙරදි වෙනස් කර ඇත්නම් එවැනි Column වල පළල Standard Width මගින් ලබා දෙන ප්‍රමාණයට අනුව වෙනස් නොවේ.

(මෙහිදී කිසියම් Columns එකක් සඟවා නැවත තිරයට ලබාගත හැකිවනුයේ Columns එක සඟවා ඇති බවට Column Header හි │ සංකේතය තිරයේ දිස් වුවහොත් පමණි. එම සංඛේතය තිරයේ නොමැති නම් Edit  ----> Go to ----> Ok Reference යන විධානය භාවිතයෙන් ලැබෙනස්ථානයේදීසඟවාඇතිCell එකකලිපිනයලබාදුන්පසුඉහතසංකේතයතිරයේදිස්වේ. එවිට Unhide විධානය මගින් සඟවන ලද Columns නැවත තිරයට ලබාගත හැක.

Changing Row

කිසියම් Work Sheet එකක ඇති Row පුද්ගලයාගේ අවශ්‍යතාවය පරිදි සකස් කර ගැනීමට අවශ්‍ය වූ විට මෙය භාවිතා කරනු ලැබේ. මේ සදහා

Format ----> Row යන විධානය අපට භාවිතා කළ හැකිය.

Height - මෙම විධානය භාවිතයෙන් Select කර ඇති Row හි උස අවශ්‍ය ආකාරයකට සකස් කිරීම. මෙහිදී උස වෙනස් කල හැකි උපරිම අගය වන්නේ Poits 409 කි.

AutoFit - මෙම විධානය භාවිතයෙන් Cell එකෙහි ඇති Font Size අනුව Cell එකෙහි පළල සැකසේ. මෙයද ඉහත සදහන් කළ Column ප්‍රමාණය සැකසීම වැනිය.   

Hide – මෙම විධානය Row එකක් සඟවා තබා ගැනීම සඳහා භාවිතා කරනු ලබයි.

Unhide - මෙම විධානය භාවිතයෙන් සඟවා තබා ගත් Row එකක් නැවත ලබා ගැනීම කල හැකිය.