27 - යහපත් වචන මිහිරියි
මල්ලි : හොඳ වචන කතා කළ අය කවුද අක්කේ?
අක්කා : රාහුල පොඩි හාමුදුරුවෝ, සාම කුමාරයා.
මල්ලි : නන්දිවිසාල ගවයා කරත්ත ඇද්දේ නැත්තේ ඇයි අක්කේ?
අක්කා : නන්දිවිසාල ගවයාට නරක වචනයෙන් කතා කළ නිසා කරත්ත අදින්නේ නැතුව හිටියා.
මල්ලි : හොඳ වචනවලට කවුරුත් කැමැතියි නේද අක්කේ?
අක්කා : ඔව් මල්ලී. හොඳ වචන කතා කරන අයට දෙවිවරුත් කැමැතියි. දිව්‍ය ලෝකේ උපදින්නත් ලැබෙනවා.
මල්ලි : එතකොට නරක වචන කතා කළා ම මොක ද වෙන්නේ?
අක්කා : අපායේ උපදිනවා. දුක් විඳින්නත් වෙනවා.
මල්ලි : අක්කයි මමයි හොඳ වචන විතරයි කතා කරන්නේ. ඒ නිසා අපි කවදාවත් දුක් විඳින්නෙ නෑ.