11 - පුහුල් හොරා කරෙන් දැනේ
ගමරාලගේ එළවළු කොටුවේ පුහුල් වැලක් තිබුණා. ඒ වැලේ ලොකු පුහුල් ගෙඩියක් තිබුණා. දවසක් ගමරාල ඒක කඩා ගන්න කොටුවට ගියා. පුහුල් ගෙඩිය තිබුණේ නෑ. පුහුල් ගෙඩියට මොක ද වුණේ? ගමරාල කල්පනා කළා.
ගමරාල ගෙදර ගියා. සීනුවක් නාද කරන්න පටන් ගත්තා. මිනිස්සු ගමරාල වටේ එකතු වුණා. මගෙ කොටුවේ තිබුණු පුහුල් ගෙඩිය නෑ. පුහුල් හොරා කරෙන් දැනේ. පුහුල් හොරා කරෙන් දැනේ. ගමරාල කිවුවා. ගමරාල එහෙම කියනකොට එක් කෙනෙක් තමන්ගේ කර පිස දැම්මා. ගමරාල ඒක දැක්කා.
