සුරලොවේ සුරපියේ අසනු අප යැදුම් අනේ //

එක් දවසක් ජේසුස් වහන්සේ යාච්ඤා කරමින් සිටියා. එය නිම වූ පසු ඔවුන් වහන්සේගේ ගෝලයන්ගෙන් කෙනෙක් කතා කරමින් යාච්ඤා කරන ආකාරය තමන්ටත් කියා දෙන ලෙස ඉල්ලුවා. ඒ අවස්ථාවේ ජේසුස් වහන්සේ කතා කරමින් මහෝත්තම දෙවි පියාණන් වහන්සේට යාච්ඤා කරන ආකාරය කියා දුන්නේ මෙලෙසයි.

ස්වාමිවාක් ආරාධනාව

ස්වර්ගයෙහි වැඩ සිටින අපගේ පියාණෙනි, ඔබ වහන්සේගේ ශ්‍රී නාමයට ප්‍රශංසා වේවා! ඔබ වහන්සේගේ රාජ්‍යය පැමිණේවා. ඔබ වහන්සේගේ කැමැත්ත ස්වර්ගයෙහි මෙන් මෙලොවෙහි ද ඉටු වේවා. අපගේ එදිනෙදා භෝජනය අද අපට දානය කළ මැනව. අපට වරද කරන අයගේ වැරදි අප කමා කරන්නාක් මෙන් අපගේ වැරදි ද කමා කළ මැනව. පාප අවස්ථාවන්ට අසුවීමට අපට ඉඩ නොදී අයහපතින් අප මුදා ගත මැනව. ආමෙන්.

දෙවි පියාණන් වහන්සේට යාච්ඤා කරන විට ගෞරවයෙන් භක්තියෙන් හා අවබෝධයෙන් අත් ඔසවා මේ යාච්ඤාව උච්චාරණය කිරීමට අපි පුරුදු වෙමු.

ත්‍රිත්ව ස්තෝත්‍රය කියන්නේ ශ්‍රද්ධ වූ ත්‍රිත්වයට නමස්කාර කරන යැදුමකි. පියාණන් වහන්සේ, පුත්‍රයාණන් වහන්සේ හා ශුද්ධාත්මයාණන් වහන්සේ යන තුන්දෙනා වහන්සේලා තමයි ශුද්ධ වූ ත්‍රිත්වය. අපි යාච්ඤා කරන විට ගෞරවයෙන් භක්තියෙන් යාච්ඤා කරමු.

පිතා, පුත්‍රයා, ස්ප්‍රීතු සාන්තු නම් ත්‍රිත්ව ඒක දේවෝත්තමයාණන් වහන්සේට ස්තෝත්‍ර වේවා. ආදි වූවාක් මෙන් දැනුත් නිතිපතාත් අනන්ත කාලයෙහිත් වේවා! ආමෙන්.

භාවනාව :

දොහොත් මුදුන් දී ශුද්ධ වූ ත්‍රිත්වයට නමස්කාර කරමින් භක්තියෙන් ගායනා කරමු.

පරමෝත්තම වූ පියාණන් වහන්සේට මම නමස්කාර කරමි.
නමස්කාර වේවා //
ලෝකාග්‍ර වූ පුත්‍රයාණන් වහන්සේට මම නමස්කාර කරමි.
නමස්කාර වේවා //
පරිශුද්ධ වූ ආත්මයාණන් වහන්සේට මම නමස්කාර කරමි.
නමස්කාර වේවා //