13 - ආබ්‍රහම් සහ ලොත්
උත්පත්ති 13 : 8 - 12
ආබ්‍රහම් සහ ලොත් යන
දෙදෙනා හොඳ නෑයෝ වූහ
දෙදෙනගෙ ගොපලූන් අතරෙහි
පොඩි ආරවුලක් ඇතිවිය//
ආරවුලක් නොවිය යුතුයි
ලොත් ඔබ හා මෙමා අතර
ඔබ ඉදිරියේ දේශය ඇත
තෝරගන්න කැමති ලෙසින//
ඔබ යන්නේ කොයි අතට ද
ආබ්‍රහම් කීව මෙලෙස
ඔබ දකුණට යන්නෙහි නම්
මම යන්නම් අනිත් දෙසට//
නෙත් ඇරලා බැලු කලට
ජොර්දානේ තැනිතලාව
ජලය හොඳට තිබුණ නිසා
ලොත් තේරුවේ ඒ පෙදෙසයි//
ආබ්‍රහම් තුමා ගියේ
කානාන්හි පදිංචියට
වෙන් වී දෙදෙනා මේ ලෙස
සමු දුන්නා එකිනෙකාට//
ආබ්‍රහම් ලොත් හමුවේ
පරාර්ථකාමී වුණේ ය
ලොත්ට කැමති වූ දේශය
තෝරා ගන්න ඉඩ දුන්නා//
දෙවිඳුගෙ ආසිරි ලැබ ගත්
ආබ්‍රහම් තුමා ලෙසට
දෙවිඳුගෙ දරුවන් විලසින
අපිත් මෙලෙස ජීවත් වෙමු//
අප දෙගොල්ල ම නෑදෑයින් බැවින් ඔබ හා මා අතරත්
ඔබේ ගොපලූන් හා මාගේ ගොපලූන් අතරත් ආරවුලක්
නොතිබිය යුතුයි.
(උත්පත්ති 13:8)