ජෝෂුවා 6:1-6, 20

ශුද්ධ බයිබලයේ සඳහන් යහපත් නායකයන් අතුරෙන් එක් කෙනකු තමයි ජෝෂුවා. ජෝෂුවා ගැන බයිබලයේ මෙසේ සඳහන් වෙනවා.

ඔහුගේ පියාගේ නම නූන්. ඔහු දෙවියන් වහන්සේගේ කැමැත්තට කීකරු වූ යහපත් නායකයෙක්.

ඒ කාලයේ "ජෙරිකෝව පවුර" කියලා පවුරක් තිබුණා. මෙම පවුර ආරක්ෂා කිරීම පිණිස අගුලූ දමා වසා තිබුණා.

දිනක් ජෝෂුවාට දෙවියන් වහන්සේ කථා කොට, "ජෙරිකෝව යන නගරය නුඹලාට ලබා දෙන්නෙමි"යි ප්‍රකාශ කළා. දෙවියන් වහන්සේ ජෝෂුවාට විශාල වගකීමක් පැවරුවා. මෙම ශක්තිමත් පවුර බිඳ දමා නගරයට ඇතුළු වීම සඳහා නායකයකු ලෙස ඔහු දෙවියන් වහන්සේ දුන් අණට කීකරු ව ක්‍රියා කළා.

ජෝෂුවා දවසකට එක් වරක් බැගින් දවස් හයක් ජෙරිකෝ පවුර වටා ගියා. පූජකවරු හත්දෙනෙක් හොරණෑ හතක් පිඹිමින් මේ විශාල පවුර වටේ ගියා.

හත්වන දිනයේ දී

ජෙරිකෝව පවුර වටා මෙවැනි වට හතක් ගියා.

එදා මහ පුදුම දෙයක් සිදු වුණා. හොරණෑ පිඹිමින් දෙවියන් වහන්සේට ඔල්වරසන් හඬ නගමින් යද්දී, අර මහ පවුර, කැඩී බිම ඇද වැටුණා. ජෝෂුවා ඇතුළු මුළු සේනාව ම නුවරට ඇතුළු වුණා......

බලන්න, දෙවියන් වහන්සේ කියපු දේට ජෝෂුවා කීකරු වූ නිසා, එදා මහ පුදුම දෙයක් සිදුවුණේ! කිසි ම ආයුධයක් නැතිවයි ඔවුන් මෙම පවුර බිම හෙළා නගරයට ඇතුළු වුණේ....

පුංචි ඔබත් නායකයෙක් වන බැවින්

දෙවියන් වහන්සේ ඔබට ජයග්‍රහණය ලබා දෙනු නොඅනුමාන ය.

ගායනා කරන්න.

සතුරු බලකොටු බිඳ හෙලා
ජේසුස් ජයගත්තා එදා
එ ජය මට ඇත ජීවිතේ
ජේසුස්ගේ නාමයෙන්

ජෙරිකෝව වටා සත්වරක් ගියා
ප්‍රශංසා හඬ පතුරා
ජය ලැබුවා සෙනඟ ජය ගත්තා
සතුරු බලය පරදා

ආදරණීය දෙවියන් වහන්ස,
පුංචි මමත් ඔබ වහන්සේට කීකරු වෙමි. ඔබ වහන්සේ මට කතා
කරන්න. පුංචි මා ද කැඳවන්න. මමත් ඔබ වහනසේට කීකරු
දරුවෙක් වන්නට පොරොන්දු වෙමි.
ආමෙන්.