ඔබ මොහු හඳුනනවා ද? 21 වන සියවසේ දෙවන දශකයේ ලොව වේගවත් ම මිනිසා වුයේ මොහු ය. ඔලිම්පික් ක්‍රිඩා උලෙළ කිහිපයක දී රන් පදක්කම් රැසක් දිනා ගත් මොහු ජයගත් සැම විට ම දෙවිඳුන්ට ප්‍රශංසා කළේ ය. අවසන් වරට සහභාගි වු තරගයේ දී ඔහු පරාජය විය. එහෙත් ඔහු සතුටින් පරාජය භාරගෙන ක්‍රීඩාවට  සමුදුනනේය. ඔහු නමින් උසේන් බෝල්ට් ය.

පාසලේ වාර්ෂික නිවාසන්තර ක්‍රීඩා උත්සවයේ එක් අවස්ථාවක්

හැම දා ම එක් අයකුට දිනන්න බැහැ. පැරදුමත් බාරගන්න ඕනෑ. තම හැකියා දියණු කරගන්න හැම දෙනාට ම පුළුවනි. ඒ වගේ ම අන් අයගේ ජයග්‍රහණය පිළිබඳව අප සතුටු විය යුතුයි. එ අයට ඊර්ෂ්‍යා නොකළ යුතුයි. ජය ලබන්නාට සතුටින් සුබ පැතීම හොඳ ගුණාංගයක්. ක්‍රීඩාවේ දී ජය පරාජයට වඩා සහෝදරත්වය වැදගත්.

අන් අය නිතර ම අගය කිරීම හොඳ ගුණාංගයකි. අනාගතයට සුබ පැතීම ද වැදගත් ය.

එලෙස ම සැම අවස්ථාවක දී ම ප්‍රිය වචන කතා කිරීමට පුංචි අපි සිතට ගත යුතු වෙමු.

කෝපය, ඊර්ෂ්‍යාව වැනි අයහපත් ගුණාංග වැඩිහිටියන්ට මෙන් ම දරුවන්ට ද නොගැළපෙයි. මෙම අයහපත් ගුණාංග පැවතුණහොත් එකිනෙකා අතර පවතින සුහදතාව නැති වී යයි.