15 - ගැටලු විසඳීම 1
(1) විසඳන්න.
- ගබඩාවක වී කිලෝග්රෑම් 4675ක් ඇත. තවත් වී කිලෝග්රෑම් 1430ක් එහි ගබඩා කරන ලදි. දැන් ගබඩාවේ ඇති මුළු වී ප්‍රමාණය කොපමණ ද?
- සීගිරිය නැරඹීමට එක්තරා සති අන්තයක සෙනසුරාදා දින පැමිණි සංචාරකයින් සංඛ්‍යාව 3515ක් විය. ඉරිදා දින පැමිණි සංචාරකයින් සංඛ්‍යාව 2987ක් විය. එම සති අන්තයේ පැමිණි මුළු සංචාරකයින් ගණන කොපමණ ද?
- විදුලි කේතලයක මිල රුපියල් 4750ක් ලෙස සටහන් කර ඇත. මිල වෙනස්වීමක දී එහි මිල රුපියල් 275කින් වැඩි විය. විදුලි කේතලයේ නව මිල කීය ද?
- සම්පූර්ණයෙන් පිරී තිබූ ජල ටැංකියකින් ජලය 2725 කක් බෙදා හැර ඇත. ටැංකියේ ඉතුරුවී ඇති ජලය ප්‍රමාණය 3075 කකි. ටැංකියේ මුලින් තිබූ ජලය ප්‍රමාණය කොපමණ ද?
(2) විසඳන්න.
- කුඹුරකට ජලය ගෙනයාමට 1250 mක් දිග වේල්ලක් බැඳිය යුතු වේ. වේල්ල සම්පූර්ණයෙන් බැඳ නිම කිරීමට තව 645 mක ප්‍රමාණයක් ඉතුරුව ඇත. වේල්ලේ වැඩ නිම කර ඇති කොටසේ දිග කොපමණ ද?
- ලොරියකට ගඩොල් කැට 2750ක් පටවා ඇත. ට්රැක්ටරයකට ගඩොල් කැට 1275ක් පටවා ඇත. ට්රැක්ටරයට වඩා ලොරියට පටවා ඇති ගඩොල් කැට ප්‍රමාණය කොපමණ ද?
- නාට්‍ය දර්ශනයක් පවත්වන ශාලාවක පුටු 1750ක් තබා ඇත. නාට්‍ය දර්ශනය නැරඹීමට අසුන් ගෙන සිටින පිරිස 987ක් වේ. තව කී දෙනෙකුට අසුන් ගැනීමට පුටු ඉතුරුව තිබේ ද?
- පාපැදියක මිල රුපියල් 5750කි. නිමල් ළඟ ඇති මුදල රුපියල් 3825කි. පාපැදිය මිල දී ගැනීමට ඔහුට තව කොපමණ මුදලක් අවශ්‍ය ද?
- ඇස් කණ්ණාඩි 3985කින් ඇස් කණ්ණාඩි 2394ක් බෙදා දෙන ලදි. ඉතුරු වූ ඇස් කණ්ණාඩි ගණන කීය ද?
(3) විසඳන්න.
- කසුන් අඹ ගෙඩි 400ක් ද මාලනී අඹ ගෙඩි 350ක් ද කුමාර අඹ ගෙඩි 560ක් ද මිලට ගත්හ. කසුන් හා මාලනී මිල දී ගත් මුළු අඹ ගෙඩි ගණනට සමාන වීමට කුමාර තව අඹ ගෙඩි කොපමණ සංඛ්‍යාවක් මිල දී ගත යුතු ද?
- දුම්රියක මගීහු 750ක් සිටියහ. පළමු නැවතුමේ දී මගීන් 125ක් බැසගිය අතර, තවත් මගීහු 290ක් දුම්රියට ගොඩ වූහ. දැන් දුම්රියේ සිටින මුළු මගීන් ගණන කොපමණ ද?
- ජලය 350 lක් දැමිය හැකි ටැංකියකට වාර දෙකක දී ජලය 50 lක් හා 95 lක් බැගින් දමා ඇත. ටැංකියට තව ජලය කොපමණ දැමිය හැකි ද?
- ක්‍රීඩා තරගයක දී නිවාස තුනක් ලබා ගත් ලකුණු වගුවේ දැක්වේ. මයුර හා කෝකිල නිවාස ලබා ගත් ලකුණුවල මුළු එකතුව පරෙවි නිවාසය ලබා ගත් ලකුණුවලට වඩා කොපමණ වැඩි ද?
- සුමුදු 750 gක් බර වට්ටක්කා ගෙඩියක් කැබලි තුනකට කැපුවා ය. ඉන් කැබලි දෙකක බර 290 gක් හා 270 gක් වේ. ඉතුරු කැබැල්ලේ බර කොපමණ ද?
- වතු තුනකින් කඩන ලද පොල්ගෙඩි ගණන පිළිවෙළින් 1500, 1445 හා 2550ක් වේ. පළමුවන හා දෙවන වතුවලින් කඩන ලද මුළු පොල් ගෙඩි ගණන තුන්වන වත්තෙන් කඩන ලද පොල්ගෙඩි ගණනට වඩා කොපමණ වැඩි ද?