අ.පො.ස සා.පෙළ 2015 විභාග අත්වැල - ප්‍රශ්න මාලාව 43

148. පහත දැක්වෙන්නේ රියඳුරන්ට මහා මාර්ගයක රථ වාහන ගමනාගමන තත්ත්ව පිළිබඳ තොරතුරු සපයන පද්ධතියකි. මෙම පද්ධතිය මහා මාර්ගයේ එක් විශේෂී ප්‍රදේශයක ඇති රථ වාහන සංඛ්‍යාව, ඒවායේ වේග ආදිය අමු දත්ත රැස් කර ඒවා මාර්ගාසන්නයේ වූ පරිගණකයකට සම්ප්‍රේෂණය කරයි. පරිගණකය එම දත්ත විශ්ලේශණයන් පසු වාහන තද බදයක් පවතින අවස්ථාවල දී විකල්ප මාර්ග භාවිත කිරීමට උදව් වන පරිදි රියඳුරන්ට ප්‍රයෝජනවත් තොරතුරු සපයයි. මෙම පද්ධතිය සැලකිය හැක්කේ,

• තත්‍ය කාල පද්ධතියක් (Real time system) ලෙසයි.

149. තොරතුරු පද්ධති නඩත්තු (System maintenance) අදියරෙහි කාර්යයන් වනුයේ,

• මෘදුකාංග වැඩි දියුණු කිරීම (upgrade), කාර්යය සාධනය (performance) වැඩි දියුණු කිරීම, සුළු දෝෂ (bugs) නිවැරදි කිරීමයි.

150. ලෝක විසිරි වියමන (www) යනු,

• අන්තර්ජාලය හරහා ප්‍රවේශ විය හැකි අන්තර් සම්බන්ධිත අධිපාඨ (Hyperlinks) අඩංගු ලේඛන පද්ධතියක් වශයෙනි.

151. ඉහළ මට්ටමේ පරිගණක භාෂා (High Level programming language),

• ඉහළ මට්ටමේ පරිගණක භාෂාවක් යනු මිනිසාට පහසුවෙන් තේරුම් ගත හැකි භාෂාවක්ය. පරිගණකයට තේරුම් ගැනීමට නම් එය පහළ මට්ටමේ භාෂාවක් (Low level programming language) බවට පරිවර්ථනය කල යුතු වේ. උදාහරණ වන්නේ JAVA, PHP, C#, C++

152. සංඛ්‍යාංක උපාංග (Digital devices) සඳහා උදාහරණ වන්නේ,

• වෙබ් කැමරාව
• ස්කෑනර් යන්ත්‍රය
• තීරු කේත කියවනය
• උකුල් පරිගණකය
• මේස පරිගණකය

153. නියමු දත්ත සන්නිවේදන මාධ්‍ය (Guided medium) වන්නේ,

• සාමාන්‍ය ආකාරයෙන් වූ වයර
• සමාක්ෂ යොත්(Coaxial Cables)
• ඇඹරි කම්බි යුගල (Twisted pair cables)
• ප්‍රකාෂ තන්තු (Fiber optics)

154. ශල්‍යාගාරයක භාවිතය සඳහා තිත් න්‍යාස මුද්‍රණ යන්ත්‍රයක්  (Dot matrix printer) සුදුසු නොවන්නේ,

• තිත් න්‍යාස මුද්‍රණ යන්තරයක් ක්‍රියාත්මක කිරීමේ දී අසහනකාරී ශබ්දයක් නිකුත් වේ. මෙය ශල්‍යාගාරයේ සිටින රෝගීන් හට මහත හිසරදයකි. ඝෝෂාවකි.

155. එක සමාන කාලයකින් යුතු ශ්‍රව්‍ය පසුරුවකට (Audio Clip) වඩා දෘශ්‍ය පසුරුවක් (Video Clip) සඳහා වැඩි පරිගණක මතකයක් අවශ්‍ය වන්නේ ඇයි?

• දෘශ්‍ය පසුරුවක (Video Clip) රූප සහ ශබ්ද යන දෙකම අන්තර්ගත වන නිසා පරිගණක මතකයේ වැඩි කොටසක් ලබා ගනියි. ශ්‍රව්‍ය ගොනු (Audio files) වල ශබ්ද පමණක් අන්තර්ගත වේ.

156. දත්ත සන්නිවේදන විධි ,

• ඒක පථ (Simplex)
• අර්ධ ද්වීපථ (Half Duplex)
• පූර්ණ ද්වී පථ (Full Duplex)

157. තාක්ෂණයේ දියුණුව මගින් වෙළඳ ලෝකය දිගින් දිගටම පෝෂණය වෙමින් පවතින බව නොරහසකි. නවීනතම සහ ප්‍රමුඛතම තාක්ෂණයන් අතුරෙන් එකක් වූ අන්තර්ජාල තාක්ෂණය තුළින් ක්‍රියාත්මක වන ලෝක විසිරි වියමන යොදා ගනිමින් අභියෝගාත්මක ලෝකය පහසුවෙන් ජය ගැනීමට ඇති හැකියාව ගැන ව්‍යාපාරික ප්‍රජාව දැනුවත් වී ඇත. පෙරදිග මෙන් නොව අද දවසේ , ව්‍යාප්ත වූ සේවා දායකයින් පිරිසකට සේවා සැපයීම සඳහා සිල්ලර වෙළඳසැල් පවා වෙබ් අඩවි පවත්වාගෙන යයි. E – Mart යනු ඉහත විස්තර කලා වූ නවතම තාක්ෂණය යොදා ගනිමින් තම ව්‍යාපාරය ප්‍රචලිත කර ගැනීම සඳහා අදහස් කරන සිල්ලර වෙළඳ ව්‍යාපාරයකි.

1. වෙබ් අඩවියක් පවත්වා ගැනීම මගින් e – Mart ව්‍යාපාරයට ලබා ගත හැකි ප්‍රතිලාභ මොනවාද?
   • දවසේ පැය 24 ම වෙළඳසැලේ ගණු දෙනු කල හැකි වීම.
   • ණය කාඩ් පත් (Credit Cards) සහ වෙබ් කාඩ් පත් (Web Cards) මගින් ගෙවීමේ හැකියාව.
   • ඇනවුම් කළ භාණ්ඩ නිවසටම ගෙන්වා ගැනීමේ හැකියාව.
2. ඔවුන්ගේ වෙබ් අඩවිය මගින් තම පාරිභෝගිකයින්ට ලබා දිය හැකි තොරතුරු මොනවාද?
   
   • භාණ්ඩ පිළිබඳ විස්තර
   • වෙළඳ සැල විවෘතව තබන වේලාවල්
   • වෙළඳසැල පිහිටි ස්ථානය
   • දුරකථන අංක
   • වට්ටම් ආදිය
3. යෝජිත වෙබ් අඩවිය ආකාර්ෂණය කර ගැනීම සඳහා එයට ඇතුළත් කළ හැකි විශේෂාංග මොනවා ද?
   
   • රූපක භාවිතය (Images / Photos)
   • දෘශ්‍ය ගොනු(Video Files) භාවිතය
   • සජීවීකරණ ගොනු(Animation Files) භාවිතය
4. මහජනතාවට e – Mart පිළිබඳව දැනුවත් කිරීමට ගත හැකි ක්‍රමෝපායන් මොනවා ද?
   
   • අන්තර්ජාලයේ දැන්වීම් පලකිරීම මගින්
   • දුරකථන වල කෙටි පණිවිඩ මගින් මහ ජනතාව දැනුවත් කිරීම
   • රූපවාහිනී සහ ගුවන් විදුලි දැන්වීම් මගින්
   • අත් පත්‍රිකා මගින්
     

තවත් කොටසක් බලාපොරොත්තු වන්න.