10 ශ්‍රේණිය නව නිර්දේශය - ප්‍රශ්න මාලාව 19

91. MRI ස්කෑනර් යන්ත්‍රය යනු x- ray භාවිතා නොකර ශරීරයේ නොයෙකුත් කොටස් වල පින්තූර (Images) ලබා ගැනීම සඳහා භාවිතා කරනු ලබන උපකරණයකි. මෙහි දිගු නාමය වනුයේ,

1. Magnetic Resonance Imaging                                                         
2. Magnetic Resources Imaging
3. Magnetic Relocate Imaging                                                 
4. Magnetic Resonance Indicator

පිළිතුරු: MRI ස්කෑනර් යන්ත්‍රයෙහි දිගු නාමය වන්නේ Magnetic Resonance Imaging වේ. රේඩියෝ තරංග සහ ප්‍රභල චුම්භක අනුනාද  (දෝංකාරය ) මගින් ශරීරයේ අභ්‍යන්තර කොටස් වල සවිස්තරාත්මක රූප සටහන් ලබා ගැනීම MRI – Magnetic Resonance Imaging ස්කෑනර්  යන්ත්‍රය මගින් සිදු කෙරේ. පිළිතුර වන්නේ 1 වේ.

92. මිනිස් මොළයේ ක්‍රියාකාරීත්වය තේරුම් ගෙන එහි ලෙඩ රෝග නිර්නය කිරීම සඳහා භාවිතා කළ හැකි ස්කෑනර් (Scanner) යන්ත්‍රයක් වනුයේ,

1. CAT – Computerized Axial Tomography
2. හෘද රෝග තිර ගැන්වීමේ යන්ත්‍රය (Cardiac Screening Machine)
3. ECG – Electrocardiogram
4. EEG – Electro Encephalography

පිළිතුරු: EEG – Electro Encephalography යන්ත්‍රය මගින් මිනිස් මොළයේ ක්‍රියාකාරිත්වය තේරුම් ගෙන එහි ලෙඩ රෝග නිර්නය කිරීම සඳහා භාවිතා කළ හැකි ස්කෑනර් (Scanner) යන්ත්‍රය කි. පිළිතුර වන්නේ 4 වේ.

93. Telemedicine යනු තොරතුරු තාක්ෂණය, සෞඛ්‍ය ක්ෂේත්‍රය හා සම්බන්ධ යෙදුමකි. පහත ප්‍රකාශ වලින් අසත්‍ය වනුයේ,

1. අන්තර්ජාලය හරහා රෝගියාගේ රෝගී පරීක්ෂාව හා බෙහෙත් වර්ග නිර්නය කිරීම, විශේෂඥ උපදෙස් ලබා ගැනීමේ හැකියාව මගින් ලැබී ඇත.
2. රෝගියාගේ නිවසේදීම ආරක්ෂාව ලබා ගත නොහැකිය.
3. අන්තර්ජාලයේ ඇති තොරතුරු සම්භාරය ලබා ගැනීම, සොයා ගැනීම සඳහා telemedicine භාවිතා කරයි.
4. Telemedicine පහසුකම මගින් දුෂ්කර පළාත් වල රෝගීන් හට වාසි ලබා ගත හැකිය.

පිළිතුරු: Telemedicine මගින් රෝගියාගේ නිවසේ සිටම ආරක්ෂාව සලසා ගත හැකි වන්නේ රෝග ලක්ෂණ මතුවූ ගමන් ම වෛද්‍ය ප්‍රතිකාර සහ උපදෙස් ලබා ගැනීමෙන් රෝගියාට ආරක්ෂාවක් ලැබෙන බැවිනි. පිළිතුර වන්නේ 2 වේ.

94. Telemedicine ප්‍රයෝජනවත් ලෙස භාවිතා කිරීමේදී ඇතිවන බාධාවක් නොවන්නේ,

1. නීතිමය ප්‍රශ්න එනම් වෛද්‍යවරයාගේ වගකීමේ වලංගු භාවය.
2. රෝගියාට ඇතිවන විශ්වාසය අතිමහත්ය.
3. රෝගියෙකු එක් වෛද්‍යවරයෙකුගේ පමණක් නොව වෛද්‍යවරුන් කිහිප දෙනෙකුගෙන්ම උපදෙස් ගැනීම.
4. භාවිතා කිරීමට (Use), ආරම්භක වියදම (Initial Cost), තොරතුරු හුවමාරුව (Information Sharing) සඳහා විශාල වියදමක් වැය වීම.

පිළිතුරු: Telemedicine වල අවාසි හෝ අභියෝග වන්නේ නීතිමය ප්‍රශ්න එනම් වෛද්‍යවරයාගේ වගකීමේ වලංගු භාවය, රෝගියෙකු එක් වෛදවරයෙකුගේ පමණක් නොව වෛද්‍යවරුන් කිහිප දෙනෙකුගෙන්ම උපදෙස් ගැනීම, භාවිතා කිරීමට, ආරම්භක වියදම (Initial Cost), තොරතුරු හුවමාරුව සඳහා විශාල වියදමක් වැය වීම වැනි දේ ය. පිළිතුර වන්නේ 2 වේ.

95. CAT ස්කෑනරය මගින් ශරීරයේ ඇති ප්‍රොස්ට්‍රේට් ග්‍රන්ථි වල (ශරීරයේ ඇතුලත අවයව වල) විශාල වීම් සහ වෙනස් වීම් හඳුනා ගත හැකිය. නිදසුනක් ලෙස එහි පිළිකාවක් ද නොවන බව හඳුනා ගත හැකිය. මෙම ස්කෑනර් යන්ත්‍රයේ දිගු නාමය වනුයේ,

1. Computer Aided Technology                                                          
2. Computerized Axial Tomography
3. Computer and Terminology                                                
4. Computer Axial Terminology

පිළිතුරු: CAT යන නාමයෙහි දිගු නාමය වන්නේ Computerized Axial Tomography වේ. ශරීරයේ අභ්‍යන්තර කොටස් වෙන් වෙන් වශයෙන් ත්‍රිමාණ ලෙස රූප ගත කළ හැකි වන්නේ CAT – Computerized Axial Tomography ස්කෑනර් යන්ත්‍රය මගිනි. පිළිතුර 2 වේ.

තවත් කොටසක් බලාපොරොත්තු වන්න.