32 පාඩම, දඹදිව වන්දනීය ස්ථාන සතර (ඉගැන්වීම් උපකාරක කෙටි සටහන්)

සැදැහැවත් කුල පුත්‍රයෙකු විසින් දැක සංවේග උපදවාගත යුතු ස්ථාන 4 ක් මහා පරිනිබ්බාන සූත්‍රයේ දැක්වේ.

1. බුදුරදුන් උප්පත්ති ස්ථානය - කිඹුල්වත් නුවර ලූම්බිනි සල් උයන

පැරණි ලුම්බිනි ග්‍රාමය වර්ථමාන රුමින්දෙයි ගමයි.

ධර්මාශෝක රජතුමා විසින් ලුම්බිනියේ පිහිටවූ ශිලාස්ථම්භය හා ශිල ලේඛනය අදටත් දැක ගත් හැක.

15 වන සියවසේ ඇති වූ මුස්ලිම් පාලනයත් සමග ලුම්බිනිය අභාවයට යන ලදි.

වර්ථමානයේදී ලුම්බිනිය නේපාල රජය විසින් සංවර්ධනය කරමින් පවතී.

2. බුදුරදුන් බුද්ධත්වයට පත් වූ ස්ථානය - බුද්ධගයාව

අද බුද්ධගයාව එදා උරුවෙල් දනව්ව ලෙස හැඳින්විණි.

ධර්මාශෝක් රජතුමා විසින් බුද්ධගයාවේ මුල්ම ආරාමය හොඩනගන ලදි.

15 වන සියවසේ මුස්ලිම් පාලනයත් සමග බුද්ධගයා විහාරය පරිහානියට පත්විය.

පසු කාලීනව හින්දූන් සතුව තිබූ බුද්ධගයාව අනගාරික ධර්මපාල තුමා විසින් යලි බෞද්ධයන්ට ලබා ගන්නා ලදි.

3. බුදුරදුන් ප්‍රථම ධර්ම දේශනය කල ස්ථානය - බරණැස ඉසිපතනය

ප්‍රථම වස් කාලය ඉසිපතනයේ වැඩ සිටි බුදුරදුන් ධර්ම ප්‍රචාරක කටයුතු ඇරඹුවේද එහි සිටය.

ධර්මාශෝක රජතුමා විසින් ඉසිපතනයේ කරවූ ස්ථූපයේ නටඹුන් අදටත් දැකගත හැකිය.

අනගාරික ධර්මපාල තුමන්ගේ මගපෙන්වීම යටතේ ඉසිපතනයේ මූලඝන්ධකුටි විහාරය ඉදිකරන ලදි.

4. සම්බුද්ධ පරිනිර්වාණය සිදුවූ ස්ථානය - කුසිනාරා නුවර උපවර්තන සල් උයන

පැරණි කුසිනාරා නුවර අද කාසියා ගමයි.

බුදුරදු පිරිනිවන් පා වදාළ ස්ථානයේ මල්ල රජවරුන් විසින් සර්වඥ ධාතු නිදන් කොට ඉදිකරන ලද චෛත්‍යය අද පරිනිර්වාණ චෛත්‍යය ලෙස හැඳින්වේ.

අභ්‍යාසය:-

ශ්‍රේණි විභාගය 2011
1. පහත දැක්වෙන පූජනීය ස්ථාන හා බෞද්ධ උත්සව අතුරෙන් 3ක් තෝරාගෙන කෙටි සටහන් ලියන්න.
i. බුද්ධගයාව
ii. ඉසිපතනය
iii. අනුරාධපුර මිරිසවැටි සෑය
iv. පොසොන් උත්සවය
v. කඨින උත්සවය
vi. ඇසළ උත්සවය

සටහන:-
පාඩමෙන් ආවරණය වන කොටස් සඳහා පමණක් පිළිතුරු සැපයීමට දරුවාට උපදෙස් දෙන්න.