ශ්‍රී ලංකාවේ සංවාරක කර්මාන්තය.
ශ්‍රී ලංකාවේ සංචාරක කර්මාන්තය.
වත්මන් ලෝකය දෙස බලන විට ලෝක ආර්ථිකය කෙරෙහි සෘජු බලපෑමක් සංවාරක කර්මාන්තය මඟින් එල්ල වන බව පැහැදිලිය. මෙය ශ්‍රී ලංකාවට ද පොදු වූ කරුණකි. මෑත කාලයේ සිට ශ්‍රී ලංකාව තුළට ඇදී එන සංචාරකයින්ගේ ප්‍රමාණය බොහෝ සේ වර්ධනය වී ඇති බව රහසක් නොවේ. මෙනිසා එය රටේ ආර්ථිකයට සෘජුව මෙන්ම වක්‍රවද බලපායි.
ශ්‍රී ලංකාවට සංචාරකයින් පැමිණීමට හේ තු සාධක කවරේද?
- ස්වභාව සෞන්ධර්යය නැරඹීමට.
- ආයුර්වේද ප්‍රතිකාර සඳහා.
- සංස්කෘතිකාංග නැරඹීමට.
- ඓතිහාසික ස්ථාන නැරඹීමට.
- අධ්‍යාපන කටයුතු සඳහා.
- ව්‍යාපාරික කටයුතු සඳහා.
- සම්මන්ත්‍රණ සඳහා.
- නෑදෑ හිත මිතුරු කම්මත. ආදී හේතු නිසා ශ්‍රී ලංකාවට සංචාරකයින් පැමිණීම වර්ධනය වී ඇත.
ශ්‍රී ලංකා සංචාරක මණ්ඩලය මඟින් ලංකාව තුළ ප්‍රධාන සංචාරක කලාප 07ක් නම්කර ඇත. ඒවා පහත පරිදි වේ.
- කොළඹ නගරය ආශ්‍රිත කලාපය.
- මහ කොළඹ ආශ්‍රිත කලාපය.
- දකුණු වෙරළ ආශ්‍රිත කලාපය.
- නැගෙනහිර වෙරළ ආශ්‍රිත කලාපය.
- මධ්‍යම කඳුකරය ආශ්‍රිත කලාපය.
- පැරණි නගර ආශ්‍රිත කලාපය.
- උතුරු ප්‍රදේශය ආශ්‍රිත කලාපය.
මෙම කලාප අතුරින් කොළඹ හා මහ කොළඹ ආශ්‍රිත කලාප සඳහා වැඩි වශයෙන් සංචාරකයින් ව්‍යාපාර, සම්මන්ත්‍රණ ආදී කටයුතු නිසා පැමිණෙන අතර, අනෙක් ප්රදේශවලට බොහෝ විට පැමිණෙන්නේ පරිසර සුන්දරත්වය රස විඳීමටයි. මෙසේ වර්ධනය වන සංචාරක කර්මාන්තය ලංකාවේ ප්‍රාදේශීය සංවර්ධනයට දායක වන්නේ කෙසේ දැයි විමසා බලමු.
මෙසේ බොහෝ සංචාරකයින්ශ්‍රී ලංකාවට පැමිණෙන්නේ හිරු රැස් විඳීමට, වෙරළ පරිසරය, වනපෙත්, සංස්කෘතිකාංග ආදිය නරඹා විනෝද වීම අරමුණු කොට ගෙනයි. මෙනිසා ලංකාවේ ග්‍රාමීය පෙදෙස්වල ජනයා කෙරෙහි ඇති කරන බලපෑම අති මහත්ය. සංචාරක කර්මාන්තය සිදුවන ප්‍රදේශවල හෝටල්, සාප්පු සංකීර්ණ,අභ්‍යන්තර ගුවන් සේවා ආදී සේවා රැසක් බිහි වී ඇත. මෙයින් විවිධාකාර වූ රැකියා රැසක් උත්පාදනය වී ඇත.
එමෙන්ම සීගිරිය, පින්නවල ආදී ප්‍රදේශවල සංචාරක කර්මාන්තය වර්ධනය වීම තුළින් අදාල ප්‍රදේශවල යටිතල පහසුකම් රැසක් වර්ධනය වී ඇත. ඊට අමතරව ඒ අවට ප්‍රදේශ සඳහා ද මෙම බ්ලපෑම එල්ල වීමෙන් එම ප්‍රදේශවලද මහා මාර්ග, ජලය, විදුලිය වැනි යටිතල පහසුකම් වර්ධනය වී ඇති බව පෙනී යයි. මෙනිසා රටේ ග්‍රාමීය ප්‍රදේශ හා නාගරික ප්‍රදේශ අතර තිබූ සබඳතාව වර්ධනය වී ඇත.
තවද පැමිණෙන සංචාරකයින් ස්වදේශීය විසිතුරු භාණ්ඩ සඳහා වැඩි රුචිකත්වයක් දැක්වීම තුළින් ඒ ආශ්‍රිත ස්වයං රැකියා විශාල ප්‍රමාණයක් බිහි වී ඇත. ආහාරපාන, ආභරණ, අත්කම්, බතික් වැනි නිෂ්පාදන තුළින් මේ ලෙසට රැකියා රැසක් බිහි වී ඇත. තවද රටේ සමස්ත ආර්ථිකය දෙස විමසිලිලෙන් බැලූ විට පෙනෙන්නේ සංචාරක කර්මාන්තය තුළින් මෙම සමස්ත ආර්ථිකයට සෘජු බලපෑමක් එල්ල වන බවයි. රාජ්‍ය ආයතන පමණක්ම නොව, පුද්ගලික අංශයේ ආයතන රැසක් ද මෙම කර්මාන්තය තුළින් විශාල ආදායමක් උපයා ගනී. සංචාරක කර්මාන්තය දේශීය වශයෙන් වැදගත් වන්නේ මින් සෘජු හා වක්‍ර රැකියා අවස්ථා රැසක් බිහිවන නිසාය. මෙම කර්මාන්තය දේශීය සංවර්ධනයට ද ඉවහල් වන බව ඉහත කරුණු අනුව පෙනී යයි.
කරුණු මෙසේ වුව ද මෙම කර්මාන්තය ආර්‍ශ්‍රත අවාසිදායක තත්වද බොහෝ වේ. ඇතැම් පුද්ගලයින් ඇදායම් වැඩිකර ගැනීම සඳහා සංස්කෟතික වටිනාකමක් ඇති තැනිවල සිදු කරන අනවසර ඉදිකිරීම් තුළින් එහි ඇති වටිනා දේ විනාශයට පත්වේ. එමෙන්ම රටේ කාලගුණය, ආපදා, යුද්ධ ආදියේ දී සංචාරකයින්ගේ පැමිණිම ශීඝ්‍ර ලෙස පහළ බසී. මෙය මෙම කර්මාන්තය මඟින්ආදායම් උපයන්නන්ට මහත් අවාසියකි. එමෙන්ම සංචාරකයින් වැඩියෙන් ඇති ප්‍රදේශවල භාණ්ඩ මිල අනෙකුත් ප්රදේශවලට සාපේක්ෂව වැඩි මිලක් ඇති නිසා එම ප්‍රදේශවල සාමාන්‍ය ස්වදේශීය ජනයාට අනිසි බලපෑම් එල්ල වේ. තවද මෙම කර්මාන්තය නිසා ගැට කැපීම, ගණිකා වෘත්තිය වැනි අවිධිමත් මෙන්ම නීති විරෝදී රැකියා රැසක්ද බිහි වී ඇත. මෙය රටේ සංස්කෘතිය හා සභ්‍යත්වය විනාශ මුඛයට දමනවා පමණක්ම නොව, සමාජ රෝග ව්‍යාප්තියට ද බෙහෙවින් බලපායි. එමෙන්ම කොරල්පර, වඳ වී යාමේ තර්ජනයට මුහුණ පා ඇති සහ ඒක දේශීය සත්ත්ව හා ශාක රැසක් සංචාරකයින් සඳහා හොරෙන් විකිණීම ද මින් ඇතිවන අහිතකර තත්වයක් ලෙස දැක්විය හැක.
මේ ආකාරය‍ට සංචාරක කර්මාන්තය ශ්‍රී ලංකාවේ ආර්ථිකය හා මිනිසුන්ගේ ජීවන තත්වය උසස් කිරීමට කටයුතු කරනවාක් මෙන්ම ඉන් බොහෝ අනිසි බලපෑම් ඇතිවන බවද පැහැදිලි වේ.
