8 - කිතුනු දරුවා හොඳ ළමයෙකි
දුවලා පුතාල දන්නවා ද ජේසුස් වහන්සේ ඔයාලගේ වයසේ දී තම සුරැකි පියාගේ වඩු වැඩවලට උදවු වුණා. මරිය තුමියටත් කීකරු වී ගෙදර වැඩට උදවු කළා.
අපිත් පුංචි ජේසු සමිඳු වගේ වෙමු.
ගුරුවරුන්ට කීකරු වී හොඳින් ඉගෙන ගනිමු.
යහළුවන් සමග පන්තිය පිරිසිදු කරමු.
අසරණ අයට උදවු කරමු.
එකමුතු වී වැඩ කරමු.
දෙවිඳු යදිමු.
පුංචි රහසක්
පුංචි රහසක් කියන්නයි හදන්නේ
ඔන්න ජේසු අහන් ඉන්න ඕනේ
පුංචි යැදුමක් කියා පුංචි ගීයක් ගයා
මටත් ජේසු වගේ වෙන්න ඕනේ//
පුංචි රහසක් කියන්නයි හදන්නේ....
ආයෙත් මං කවදාවත් බොරුවක් නම් කියන්නේ නැහැ
ආයෙත් මං කවදාවත් හොරකම් නම් කරන්නේ නැහැ
නිතර කීකරු වෙලා ඉන්න පැතුමක් කළා
මටත් ජේසු වගේ වෙන්න ඕනේ
ආයෙත් මං කවදාවත් කලහා නම් කරන්නේ නැහැ
ආයෙත් මං කවදාවත් නපුරුකම් කරන්නේ නැහැ
ජේසු හිටියා වගේ මමත් ඉන්නම් හොඳින්
මටත් ජේසු වගේ වෙන්න ඕනේ