9 - මහෝත්තම දෙවි පියාණන් වහන්සේ නමදිමු
දුව : අම්මේ, අද අපි පල්ලි ගිහින් දෙවි පියා නමදින්නේ කොහොම ද කියලා ඉගෙන ගත්තා.
අම්මා : ඉතිං අපටත් කියන්නකෝ ඒ කොහොම ද කියලා.
දුව : පල්ලියට ඇතුළු වූ විට දෑත් එකතුකොට වැඳලා දණ නමස්කාර කරන්න ඕනෑ. දොහොත් මුදුන් දී වඳින්න ඕනෑ කියලත් ගුරුතුමිය කියලා දුන්නා.
ආදර දෙවි පියාණෙනි, ඔබ වහන්සේ මට ගොඩක්
ආදරෙයි. මගේ ජීවිතය, අත්, පා, ඇස්, කන්, නාසය,
බුද්ධිය සහ බොහෝ හැකියා ලබා දුන්නා. ඒ හැම දේ
වෙනුවෙන් මම ඔබ වහන්සේට සැම දා වැඳ නමස්කාර
කරමි. ආමෙන්!
සුදු පිරුවට ඇඳ
සුදු පිරුවට ඇඳ ඉටිපහනක් ගෙන
කොහේ ද පිය මැන යන්නේ
සන්සුන් ගමනින් සුදු මල් පොකුරක්
අරගෙන මොක ද කරන්නේ
නැඟණිය කොහේ ද යන්නේ
ඉරිදා දෙවි සමිඳුන් නමදින්නයි
බැතියෙන් පිය ඔසවන්නේ
හද තුළ මතුවන බැතිය පුදන්නයි
දෙව් මැදුරට අපි යන්නේ
රුවින් මලින් පුද දෙන්නෙ