7 - සතුටින් අපි උදවු කරමු
ගුරුතුමිය : මෙවර අපි සිංහල දමිළ අලූත් අවුරුද්ද සමරන්නේ ළමා නිවාසයකයි.
ළමයි : ළමා නිවාසය! ඒ මොකක් ද ටීචර්?
ගුරුතුමිය : ඔයාලා වගේ ම ළමයි තමා එහෙ ඉන්නෙත්. ඒත් ඒ අයට දෙමවුපියෝ නැහැ. පවුලක් නැහැ. ඒ වගේ අයට උදවු කරන්න ඕනෑ.
ළමයි : අපි කැමතියි! අපි කැමතියි. අපි ඒ අයට තෑගිත් දෙමු.
ගුරුතුමිය : ළමා නිවාසවල, වැඩිහිටි නිවාසවල තනි වී සිටින, රෝගී වී සිටින අයට උදවු කළ විට දෙවි පියාණන් වහන්සේ සතුටු වෙනවා.
ළමා අපෙන්
ළමා අපෙන් ඔබට පිදෙන
යාගය සමිඳේ පිළිගන්න
මල් පලතුරු නැහැ දැල්වූ පහන් නැහැ
නොකිලිටි අපේ සිත් පිළිගන්න
අසරණයන් තුළ ඔබ හඳුනාගෙන
අප කළ යහපත පිළිගන්න
නිරතුරු ඔබගේ කැඩපත් වෙමු සමිඳේ//
අලූත් ම පැන්සල දෙකකට කඩා ලියන්න දුන්නේ
අඟලක පැන්සල මෙතෙක් ලියූ ඇය විසි කෙරුවේ
සතුටු සිනහවකි ඉමිහිරියාවකි පහල වුණේ
ඔබවයි සමිඳුනි මා දුටුවේ ඇයගෙ මුවේ