6 - යහපත් කිතුනු ගුණාංග
(රෝම 12 : 10-13)
කතන්දරය කියවා කිතුනු ගුණාංග වඩවා ගනිමු
දවසක් කවිඳු තම පියා සමග දුර ගමනක් ගියා. එදා මහා වැසි දවසක්. හදිසියේ ම ඔවුන්ගේ ත්‍රිරෝද රථය නතර වුණා. ඔවුන් වාහනය හදාගන්න හුඟාක් උත්සාහ කළා. ඔවුන් ඉවසිල්ලෙන්, නොකඩවා ම දෙවියන් වහන්සේට යාච්ඤා කළා.
ටික වේලාවකට පසු එතැනින් වෑන් රථයක් ගමන් කළා. එහි සිටි පිරිස කරදරයට පත් ව සිටි දෙදෙනා දැක වෑන් රථය නතර කළා.
මහා වැස්ස නොතකා අසරණ වී සිටි ඔවුන්ට උදවු උපකාර කළා. කවිඳු ළඟ අලසකමක් තිබුණේ ම නැහැ. වෑන් රථයේ සිටි හැම දෙනා ම කඩිසර ව කැඩුණු වාහනය හදන්න උදවු කරමින් දේව ප්‍රේමය දැක්වූවා.
යහපත් කිතුනු දරුවන් සේ ක්‍රියා කරමු.
