23 - අන් සන්තකයක් ගන්න එපා
පන්සිල්වල දෙවන සිල්පදය
අදින්නාදානා වේරමණී සික්ඛාපදං සමාදියාමි.
ඒ සිල් පදයේ තේරුම
'මට නුදුන් දෙයක් සොර සිතින් ගැනීමෙන් වැළකෙමි' කියන එකයි.
අපට අයිති නැති දෙයක්, පාරෙ වැටිලා තිබුණත් යම් තැනක අමතක වීමකින් තිබුණත් ඒ දේ ගන්න හොඳ නැහැ.
ඒ වගේ ම අන් සතු දෙයක් සොරකම් කරන්නත් හොඳ නැහැ.
අද අපි ඒ ගැන කියවෙන කවියක් ඉගෙන ගනිමු.
යන්තම් පොඩි බඩුවකුත් පුතේ
අන් සන්තකයක් ගන්න එපා
මගේ දෙයක් වත් නුදුන් එකක්
මට නොකියා අරගන්න එපා
(යක්කඩුවේ ශ්‍රී ප්‍රඥාරාම නාහිමි)
කුරුල්ලන්ගෙන් ලස්සන වන පරිසරය
අහස පුරා ම කුරුල්ලෝ !
ඈත මෑත ඉඳලා ඇවිත්, නිදහසේ ඒ මේ අත ඉගිළෙනවා.
කුරුල්ලන්ට මහන්සි දැනුණා ම සෙවණ තියෙන ගස්වල වහනවා.
පලතුරු කන්න, මල් පැණි බොන්න, මහන්සි නිවාගන්න තමයි කුරුල්ලෝ ගස්වලට එන්නෙ.
මල් පිරුණු ගස්වලට පාට පාට ලස්සන කුරුල්ලෝ ආවා ම තවත් ලස්සන වෙනවා.
කුරුල්ලො අහසේ පියාඹමින්
අහස ම ලස්සන කරති පුතේ
ගහක ඇවිත් වහලා සිටිමින්
ගහමත් ලස්සන කරති පුතේ
(යක්කඩුවේ ශ්‍රී ප්‍රඥාරාම නාහිමි)