20 - අපි තාත්තාට අම්මාට උදවු කරමු
උදාර :- මම පොත් බෑගයට පොත් පැන්සල් දාලා පාසලට ගෙනියන්න සූදානම් කර ගන්නවා. අම්මා කරන වැඩවලට මම උදවු කරනවා.
සංඛ :- මම පාසල ඇරී ගෙදර ආවා ම පොත් බෑග්, ඇඳුම් ඒ මේ අත විසි කරලා දාන්නේ නැහැ. අම්මා කියන විදියට ඒවා නිසි තැන තියලා අම්මාට උදවු කරනවා.
තමාදි :- අම්මා උයන කොට මම ලුනු සුද්ද කරලා දෙනවා.
යශෝමා :- මම මගේ පිඟාන, කෝප්පය සෝදා ගන්නවා. අම්මාට කුස්සිය අස් කරන්නත් උදවු කරනවා.
මුදිතා :- මම ගේ අතු ගානවා. මේස, පුටු පිළිවෙළකට තියා ගන්න අම්මාට උදවු කරනවා.
සුජානි :- අම්මා ඇඳුම් හෝදන කොට මම පොඩි ඇඳුම්වල සබන් ගාලා දෙනවා. රෙදි වැලට ඇඳුම් දාන්න අම්මාට උදවු කරනවා.
අමිල :- එළවළු කොරටුවෙන් එළවළු කඩන්නත් ඒවා ගෙදර ගේන්නත් මම තාත්තාට උදවු කරනවා.
කසුන් :- මම තාත්තාට කුඹුරට කෑම ගිහින් දෙනවා. කුඹුරේ වල් පැළ ගලවලා දාන්නත් උදවු කරනවා.
ජනක :- තාත්තා ලී බඩු හදන කොට මම ලී කුඩු අස් කරනවා. වඩු මඩුව පිරිසිදු කරන්නත් තාත්තාට උදවු කරනවා.