22 - ආදරයෙන් පරිසරය රැක ගනිමු
පරිසරය ලස්සන කරන දිය ඇල්ලෙන් සීතල වතුර ගලා හැලෙනවා. සිසිල් සුළඟින් සුවය ලැබෙනවා.
කඳු, මුහුදු වාගේ ම අහස, පොළොව මේ හැම දේ ම පරිසරයට අයිතියි.
අපි මේ පරිසරය ආදරයෙන් රැක ගන්න ඕනෑ. ගංගා, ඇළ, දොළ ආදියට කුණු දාන්න හොඳ නැහැ. ජලය අපිරිසිදු කරන්න හොඳ නැහැ.
හිස් වතුර බෝතල්, කෑම දවටන, කඩදාසි ආදිය හැම තැන ම විසි කරලා දාන්න හොඳ නැහැ. කුණු නිසි විදියට බැහැර කරන්න ඕනෑ. තැන් තැන්වල කෙළ ගසා අපිරිසිදු කරන්නත් හොඳ නැහැ.
අපි ගස්වැල් වවන්න ඕනෑ; ආරක්ෂා කරන්න ඕනෑ; සත්ත්ව සම්පත රැක ගන්න ඕනෑ.
අපට සතුටින් ජීවත් වෙන්න පරිසරය උදවු කරනවා. පරිසරයට ආදරය කළා ම පරිසරයත් අපට ආදරය කරනවා.