29 - නීරෝගී වෙමු
රෝහලට ගිය වේලාවේ බිත්තියේ ලොකු අකුරෙන් "ආරෝග්‍ය පරමාලාභා" කියා ලියා තිබුණා.
එම පාඨයේ තේරුම නීරෝගීකම උතුම් ම ලාභය බවයි.
නීරෝගී ව ඉන්න අපි වස විස නැති ආහාර කෑමට ගන්න ඕනෑ. පිරිසිදු වතුර බොන්න ඕනෑ.
අපට වත්තේ තියෙන එළවළුවලින්, පලා කොළවලින් හොඳ ආහාර ලබා ගන්න පුළුවන්. උදෙන් ම අවදි වෙලා ගස්වැල්වලට සාත්තු කරන කොට ලැඛෙන පිරිසිදු වාතය නිසා අපි නීරෝගී වෙනවා; අපට ව්‍යායාමයකුත් ලැබෙනවා.
එක එක පාට කලවම් කරලා තියෙන පැණි බීම වර්ග බීලා, අපිරිසිදුවට තියෙන කෑම වර්ග කාලා හුඟක් ළමයි ලෙඩ වෙනවා.
අපි දිනපතා නාලා, ඇඳුම් පැලඳුම් පිරිසිදු ව තියා ගන්න ඕනෑ. අපේ හිතත් පිරිසිදු ව සතුටින් තියා ගන්න ඕනෑ.
තමන්ට වාගේ ම අනෙක් අයටත් මෛත්‍රී කරලා හිත සතුටින් ඉන්න අපට පුළුවන්. එතකොට ශරීරයයි හිතයි පිරිසිදු වෙනවා. ලෙඩ නැති වෙලා අපි නීරෝගී වෙනවා.