8 - සෙල්ලම් ඉස්කෝලේ
අම්මාගේ සාරිය ඇඳ
අක්කාගේ බෑගය ගෙන
ටකුස් ටුකුස් සපත්තු දෙක
මං දාගන්නම්
පාට කුඩේ ඉහලා ගෙන
පොත් මිටියක් තුරුලට ගෙන
සෙල්ලම් ඉස්කෝලෙට යන
ගුරුතුමියයි මං
නංගි මල්ලි මෙහෙට එන්න
මේ පන්තියේ ඉගෙන ගන්න
ලියන්න කියවන්න අකුරු
කියලා දෙන්නම්
පොල් කොළයක් අතට අරන්
එහෙට නමා මෙහෙට නමා
රූං පෙත්ත හදනා හැටි
කියලා දෙන්නම්
ටිං බෙරයට තට්ටු දමා
තාල තියා පාද තබා
ලස්සන නැටුමක් නටන්න
කියලා දෙන්නම්
අම්මා තාත්තා අක්කා
ගෙදරට එන වෙලාව හරි
ආයුබොවන් සැම දෙනාට
නැවතත් එන්නම්
