26 - පඬිවරයාගේ ආදර්ශය
නුඃමාන් යන නමින් යුත් පඬිවරයෙක් සිටියා.
එතුමා ඉමාම් අබූ හනීෆා රහ්මතුල්ලාහි අලෛහි කියා ද හැඳින්වුණා.
එතුමා උගත්කමත් යහගුණයත් සහිත අයෙක් වුණා. ඔහුගේ අසල්වැසියා වුණේ දුප්පත් අයෙකි. ඔහු දහවල් කාලයේ රැකියාවට යයි. රාත්‍රියේ දී මත්පැන් පානය කරයි. මත් වී සින්දු කියමින් පසුවෙයි.
එය ඉමාම්වරයාට ඉමහත් කරදරයක් හා බාධාවක් වුණා. ඒත් එතුමා කිසි දවසක ඒ ගැන කිසිවකුටත් පැමිණිලි කළේ නෑ.
දිනක් ඔහුගේ අසල්වැසියා රජුගේ භටයන් විසින් අත් අඩංගුවට ගනු ලැබුවා. එය අසන්නට ලැබුණු ඉමාම්වරයා කනගාටු වුණා.
වහා ම මුරභටයින් වෙත ගොස් ඔහු නිදහස් කරන ලෙස ඉල්ලා සිටියා.
නිදහස ලබා පැමිණි ඔහු ඉමාම් තුමාගෙන් සමාව ඉල්ලූවා.
එදා පටන් ඔහු නරක ක්‍රියා අතහැර දැම්මා. යහපත් මිනිසකු ලෙස ජීවත්වීමට පටන් ගත්තා.
හොඳ පුද්ගලයින් දැකීමත් හොඳ ය.